يا هيك الجرايد يا بلا هههههههه

وينك فتوش؟؟؟ تعالي صار عندك منافس خخخخخ

أصبحنا وأصبح الملك لله لا اله الا الله
توكلنا عليه وهو رب العرش العظيم
ما شاء الله والله نقاش جميل ومفيد يا احلى ملاك وام آدم ومنكم نستفيد

واكيد ما في شي بيتعالج على السريع وانا زي ام ادم ما بحب الحبوب ابدا
وبحب اي حد ينصحني بالاعشاب ولو بياخد وقت في الشفاء شفانا و عافانا الله واياكم
من كل مرض
بس لفت نظري من الجريد اللي كتبتيها يا ام ادم
علاج الكولسترول وشو بنظرك العلاج الغير كيميائي احسن
انا بستخدم لابو الشباب بذرة الكتان والزنجبيل والبقدونس بكثره ولا اثر لهم و الكلوسترول
هايييييييييييييييييييي يعني ما بينزل عن 250 الله يشفيه يا رب
وطبعا متحمي شوي مش كتير بحاول اتجنب المقالي بالاكل واللحمه الحمراء فقط دجاج وسمك
بس ما في شي سريع لشفائه من هالمشكله الا بالادويه وربنا يشفينا ويشفي جميع المرضى
شفتي جريتي ما اطولها

صباح الانوار
لولو انا بانتظار القائمه و الدراسه...فعلا موضوع ممتع و مثير للاهتمام

رندوش سلامه زوجك الف سلامه

المنيو اليوم صينيه باذنجان و سلطه و شوربه الاغلب فطر و الحلو مش عارفه

اهلين ام حمزة .. نورت حبيبتي وربي يحفظ لك ابو الشباب يا رب...

انا ضد الطب الحديث والادوية الكيميائية... شوفي هلق التطعيم ضد انفلونزا الطيور... اذا بتعرفي بخطورته ما حدا بيفكر يتطعّم او يطعّم اولاده..

بس من 3 ايام طلع بألمانيا منشور نتيجة ابحاث ان الطعم به خلايا سرطانية حيوانية.. اللهم عافينا !! ويلي اكتشفه خبير بامراض الرئةWolfgang Wodarg
هاد غير خطورة الشلل ومرض عصبي مميت هو خلل بالدماغ Guillain-Barre Syndrome


ما بدي فوت بحديث طبي خاصة بالمنتدى لأن بخاف ناس تفهم خطأ وتتصرف خطأ ..أدوية الستاتين يلي بتخفض الكوليسترول لها عوارض جانبية بس ما فيكي توقفيها غير ليكون
عندك برنامج خاص بصحة المريض لمساعدته على اتباع برنامج صحي لخفض مستوى الكوليسترول ..
والأفضل متابعتها مع مختص بالطب البديل Homeopath أو naturopath بس مش طبيب عربي تبع العطارة ههههههه

حبيبتي بالنسبة للمكملات الغذائية هي كثيرة من اوميغا 3 لبعض الفيتامينات ل Q10 ولكن هاي ما بتتاخد مع الستاتين الا باشراف طبيب..

بس بالبيت ممكن كتير اشياء تعمليها (بس لا توقفي الدواء الا بعد راي الطبيب حتى لو انخفض مستوى الكوليسترول) يعني المشي يوميا على الاقل نصف ساعة والانتباه للطعام والدهون ..
استعمال فقط زيت الزيتون والكانولا وبالنسة للبقدونس ما سمعت انو بيخفض الكوليسترول بس الشوفان رائع لهذا الغرض..

يعني ما في شغلة وحدها بتخفض بل متل ما قلت هو اتباع اسلوب يومي صحي..

بس المكملات الغذائية رائعة بس انا ما فيني حطها هون لأنه لازم باشراف طبيب خاصة لأنه بياخد ادوية..

بس ممكن هو وعم ياخد الادوية ما دام قلت انو ما بينزل عن 250 جربي خل التفاح ملعقة طعام بكاسة ماء مع أقل شوي من ربع ملعقة صغيرة بيكربونات الصودا..
مرتين بالنهار قبل الغدا وقبل العشا (بس لا توقفي الادوية وفحصيلوا الكوليسترول بعد شهر او 6 اسابيع) .. هاي الوصفة رائعة لدهون الدم وكمان للضغط المرتفع.

الله يشفيه ويعافيه ويخليلك ياه حبيبة قلبي

السلام عليكم ورحمة الله وبركاته

كيفكم يا قمرات صباحكم ورد

لبلب انا ما باحكي عالادوية اللي بالصيدلية
وين الادوية اللي حكيت عنها من الصيدلية ?
كلامي واضح انا باحكي على العلاجات الطبيعية
و كل الامثلة اللي حكيتلك اياها من العلاجات الطبيعية
و انت قلت بنفسك اهل الهند اقل امراض لان الكركم في حياتهم
لكن الكركم عشان يصير علاج لازم extraction - standardization يتحول الى كبسولات كركم فيها مادة فعالة
هدا علاج طبيعي و هدا اصلا تخصص زوجي
الصيدلة علم طويل عريض
مش ادوية في صيدلية

الصيدلة في لها كتير اقسام

و القسم اللي يعنينا هون هو ال pharmacognosy
طب العقاقير
و اللي يدرس العلاج بالمواد الطبيعية نباتية او حيوانية
و هدا بدو شرح طويل مش مجاله هلآ
السمك اللي انت دكرتيه حبوب السمك فيها مواد مركزة من السمك مش منشفين سمك و حاطينه
انا باحكي عن الادوية الطبيعية و تحته الف خط
العقاقير الطبية المستخلصة من اعشاب و مواد لا اول الها من اخر
كله من الطبيعة من الاول كان كلامنا هيك

و انت اول كلمة لك كان ان التمر الهندي بيعادل قلوية الدم
ليش هلآ غيرت رأيك هههههه

بس عشان تعرفي تأثير اي غداء من الناحية الصحية و كيفية استخدامه في العلاج
لازم تعرفي المادة الفعالة اللي بتعطي هالتأثير فيه
و بالتالي لازم تعرفي الجرعة اللي بتتاخد منه عشان تشفي

يعني انت هلآ لو اجاك مريض بتقدري توصفيله علاج طبيعي و جرعاته لحتى يشفى ?

مستحيييييييييل

انا من الاول ما باحكي و لا حكيت عن ادوية الصيدلية هدا موضوع تاني خالص
انا باحكي عن الادوية الطبيعية

يعني مثلا حبوب التوم عشان توصل لتركيز تخفض الدم بدها مليون عملية
لو ضل المريض ياكل توم بدو كم كيلو عشان يعطي تأثير مخفض للضغط بتعرفي ?

و على فكرة احنا استخدمنا العلاجات الطبيعية مع كزا مريض و الحمدلله النتايج حلوة لآننا بنوصف من واقع علمي و شي اكيد
ما بينفع يستهان بالطب الطبيعي و التعامل معه بدون جرعات و لا دراسة

هالنقاش طول كتير

بس بما انك بتحكي ان كربونات الصوديوم عن طريق الشرب معلقة صغيرة كل يوم بتأثر على قلوية الدم

احكيلنا كيف mechanism

أنجي حاسستك عم تختبري ذكائي ههههههههههههه

طب هلق دوري بتعرفي شو الشي الطبيعي يلي اذا حدا اجاه ازمة قلبية ممكن تسعفه وبثواني ؟؟؟

يلا قوليلي عشان اكتب لك mechanism & properties كمان




انا خلص نقاشي هون ونقطة على السطر.....


استأذن قوم حضر الأكل....


اليوم لوف السمك على الطريقة البولندية وسلطة الخضار المسلوقة كمان على الطريقة البولندية ..

شوربة عدس وشوربة فطر وسبرينغ رولز..

ولسا عندي شوية برجر...

ألف صحة للجميع...

لبنان انا ما باختبر دكائك و لا شي
انا ما باختبر حدا مش متخصص في مجال مش مجاله
انا سألتك سؤال رديت علي بسؤال تاني

حبيبتي الصوديوم بيكربونات اللي بستخدم في علاج الازمة القلبية فورا يا عمري
ما بيتاخد بالشرب
بيتاخد حقن في الدم


ووقتها بيبقى الحكي عن الحمض و معادلة الدم شي تاني خاااااااااالص
مالوش دعوة بشرب الكربونات

النكتة في الموضوع ان الصوديوم بيكربونات مادة كيميائية مش طبيعية

شفت كيف

غير ان محاليل الميتشفى الصناعية مليانة بيكربونات

اظن ما في كلام بعد هيك

فعلا غلط ان احنا دخلنا نقاش زي هيك من الاول
صحيح ان انت اللي بدأتيه

بس المكملات الغدائية شي مختلف خاااااااااااالص عن العقاقير الطبيعية سواء نباتية او حيوانية او فطريات او طحالب او غيره
و لا يمكن النقاش او المقارنة بينهم ابدااااا

و نقطة عالسطر

السلام عليكم

كيفكم يا صبايا

ما شاء الله عنك لولو انجي حوار رائع ومفيد

واكيد اختلاف الراي لا يفسد للود قضية

وفي زمننا هذا مع كثرة الامراض و الفيروسات و مع الكم الهائل من الملوثات سواء الغدائية او البيئية صعب نتعامل معها بالاعشاب لوحدها

يعني الادوية الكيماوية صار شي لا مفر منه ومهما حاولنا نستبدله باشياء طبيعية و الطب البديل مفيد ونافع جدا اذا كان في خطا في السلوك الغذائي اليومي و اكيد بيعطي نتائج رائعة

بس في كتير امراض يكون منشاها وراثي و نمط العمل والسلوك اليومي ولا زمها تدخل علاجي كيميائي

حاحكيلهم حكاية

بنتي كان عمرها 5 سنوات اجاها نزلة معوية حادة جدا استفراغ واسهال شديد وحرارة توصل ل 40

اخدتها دكتور حكالي بنتك عندها فيروس ولازم يخرج من جسمها ومش لازم نعطيها دوا يوقف الاستفراغ او الاسهال حطلها محلول و اكيد خافض للحرارة وهي جسمها ما يستوعب اي شي خارجي ماء او دواء كله بتسفرغه والمهم نامت ليلة في المستشفى وهو مستمر فقط على المحلول وخرجت من المستشفى ومسكينة نعنشت يوم وبعد كدة رجع الاستفراغ والاسهال واشد من الاول وما رضي يعطيها حتى البلازيل الي بيوقف الاستفراغ ...

وغيرت المستشفى والدكتور

حكالي هدول انصاف متعلمين غير مستوعبين انه مناعة الشخص تغيرت وقدرته على استيعاب الفيروسات والجراثيم الخارجية تغيرت ولازم بنتك تاخد مضاد حيوي بالحقن علشان تخف لانه غالبا الالتهاب الفيروسي بيتحول لبكتيري خلال48 ساعة خصوصا للاطفال وعند قلة المناعة

وبالفعل بدا معها العلاج وتحسنت جدا وما تتصوري حالتها البنت كان عندها حالة جفاف شديدة كانت تمسك قارورة مية الصحة تشربها كلها وثواني كلها تطرشها والاسهال شديد والرائحة الله يعزكم والحرارة شديدة جدا انا حسيت اوقات انه البنت خلاص حتروح فيها وبعد العلاج الحمدلله خفت جدا بس استمرت الحالة معها اسبوع كامل وكانت ايام لا تنسى الله لا يعيدها

الله يحمي اولادكم ومن وقتها اكتر شي باخاف منه و باحسب حسابه هو النزلات المعوية ومتى حصل لاحد من اولادي علطول على المستشفى علشان اعطيه بلازيل يخفف الاستفراغ علشان ما تصل الحالة للجفاف


معلش استحملوا جريدتي هههههههه

ومن وجهة نظري ان العلاج باستخدام الادوية لا مفر منه و العلاج البديل ممتاز اذا في كان في سلوك حياتي خطا ولازم اصلاحه والالتزام بالنصائح

واروح احضر الفطور

انا عاملة اليوم فاهيتا دجاج وشوربة عدس وسمبوسة و كبة وعصيرات وتبولة والحلو كنافة ان شاء الله

رندوشتي ما شاء الله حبيبتي

سفرة رائعة يا عسل

صحة وهنا على قلوبكم

وتسلم الايادي

ام اللول الله يحميلك اولادك يا رب و يحفظهم و اولادنا جميعا
بتعرفي حتى شركات الادوية صارت تتجه لعمل الادويةمن العلاجات الطبيعية
و اكيد هي محبدة اكتر طالما مدروسة و معترف فيها علميا و معروفة متى تستخدم و مع اي حالات و مدى تأثيرها و جرعاتها ومدتها و كل شي بيندرس فيها
و ربنا لا يحوجنا يا رب لاي علاج
الصحة فعلا تاج ربنا ينعم فيها علينا كلنا امين
انت كيف رقيتك هلآ يا حبيبتي
و الله بادعيلك يا ام اللول عارفة قديش صعبة و معيقة لآي نشاط

بنات مين بتعرف طريقة لمنع ظهور الطبقة البيضا اللي بتطلع على وش المخلل بعد فتحه
غير الزيت لآن ما بلاقيها عملية كل مرة احط زيت بعد فتحه
و لو حطيت مرة وحدة بيروح مع الرفع و الغرف

يا ريت اللي عندها فكرة تفيدني