ܓღ ऌ♥.. كلام نواعم .. لدردشة سيدات المطابخ .. 32..♥ღ ऌܓ

**وعود الخير** · 30-01-2008, 08:52 PM

السلام عليكم ورحمة الله وبركاته

وها نحن نعود من جديد...... رغم البرد والصقيع
يجمعنا دفء الصداقة والمحبة في الله
وخير الكلام دعاء من القلب......

اللهم لا تحرمنا من حسن الخاتمة، ولا تصرفنا عن حُبك ، وحُب من يُحبُك
واجعل ألسنتنا تلهث بذكرك وشكرك وحُسن عبادتك ، اللهم أحسن خواتيم أعمالنا
اللهم أحسن خواتيم أعمالنا
اللهم آآآآمين

**lone~ly** · 30-01-2008, 09:00 PM

خخخخخ مرحبا صبايا

لحسن تقولوا قفلتها وقعدت على تلتها

هينى جيت

لكن شكله مع اخبار البرد الباب قفل وما قبل يفتح

فراحت وجه الخير وعود الخير عملتلنا بيت فى شويه دفى نابع من محبتك ورعايتكم

ويارب فى هلبيت يطلوا علينا الحبايب الغايبين

**إنجــــــــي** · 30-01-2008, 09:11 PM

مرحبا حبيباتي

كيفكم شو الاخيار

كيفك وعود يا قمر شو هالطلة الحلوة منوووورة

لنلون وينك فقدتك من فترة ما بتطلي قلقتيني عليك الحمدلله انك بخير يا غالية شو اخبارك و شو عاملة هالايام

**lone~ly** · 30-01-2008, 10:24 PM

انجول انا تمام

واجتنا موجه برد على كيف كيفك

**جنة الطيور** · 30-01-2008, 10:27 PM

السلام عليكم انا كل ما فتح بيت جديد بكون اوله هههههههههه وهيك ليفتح التاني
كيفكون يا حلوين شو اخباركون
كيفك وعودشو اخبارك يسلمو ايديكي على البيت وامين يارب يحسن خاتمتنا طمنني عنك وشلون ولادك وشو عاملية كيفك انجل منيح اني لقيتك والله مشتاقتلك كتير وكيفها بنتوتك
كيفك ام ليانة شو اخبارك والله اشتقتلكون كتير
لونلي كيفك وكيف البرد معك وكيف الولاد

**ندى الإخاء** · 30-01-2008, 10:31 PM

السلام عليكم

كيفكم حبيبات

وينك جنة عم اسال عنك بالبيت الفلسطيني كيف صحتك اليوم ان شاء الله احسن

**جنة الطيور** · 30-01-2008, 10:34 PM

هلا ندوش والله دخلت البيت الفلسطيني قبل ردك هون وسبحان الله شفتك عم تسالي عني ادعيلي ارجوكي كمان وكمان محتاجة دعواتكم
انا هناك معك ندوش

بتمنى هالمرة تردي علي يا وعود ياانجل ام ليانة لونلي والله كل ما دخلت هاد وكنتو مضوين ما بعود بلاقيكون مضايقين شي مني قلولي وينكون والله انا اشتقتلكون
كيف رند وام زيد ورينو ورغد وام سوسو والكل

**lone~ly** · 30-01-2008, 11:03 PM

جنو حمدلله على السلامه
هيك بتشغلينا عليك
كيف انت هلق وشو عامله

اانا والاولاد تمام

**جنة الطيور** · 30-01-2008, 11:30 PM

اهلا لونلي هلا عمري الله لا يشغلك بال يارب
بس والله طلعت من المشفى كرمال ولادي اني اشتقتلهون واتشنطتتوا خطي بقا حاجتهون ادعولي كلكون بعد كل صلاة اقدر قوم متل اول يارب لحد الان ما بقدر وقف كتير فورا يغمى علي الحمد لله وما عم اعمل شي طبعا حتى ولادي ملو مني حاسة اتعبت بجد كتير والله زعلانة عليهون كتير وعلى هالحال الي فيني يارب يقومني بخير ويشفيني لان بجد تعبت كتير والحمد لله برجع بقول على كل شي

وبوسيلي ولادك امانة ولازم روح الان اتصطح ما خرج طول وسلميلي على البنات فردا فردا وعلى شهد ورينو وند وانجل وام ليانة وايناس والكل فردا فردا ولين سلامي لها كتير

**ام ليانة** · 31-01-2008, 11:53 AM

السلام عليكم صبايا

كيف حالكم مع الصقيع والبرد ؟

شكرا وعووووووووووود على الدردشة الجديدة .... جزاك الله كل خير يا قمر

ربي ما يحرمنا من طلتك الحلوة علينا ويسعدك ويفرحك باولادك ويحفظكم من كل سوء

جنة ........ الف سلامة عليك يا قمر ... خير ... شو صاير معك ... طمنيني عنك ... والله قلقتيني عليك ... الله يشفيك ويعافيك وماتشوفي شر ان شاء الله ... ونشوفك دايما في احسن الاحوال

انجل كيفك والله اشتقتلك وكيف ربا ان شاء الله بخير وسلام لسوسو

لنلون ام المجد شهوووووووودة رينوام صائب وباقي الصبايا كيفكم ان شاء الله تكونوا جميعا بالف خير يا غاليات

وسلام لكل الصبايا الحاضرين والغايبن