هدرزة ليبية 18 ليل وصبح وعشية

السلام عليكم
القيت الدويرة اتسكرت قلت نتلقاكم عندي


هي على سلامتكم

ربي يفتح عليك حبيبية
واني بنخش نرقد توة
تصبحو على خير

ويانا يا روحي هاااااااااااايمة
في السموحي هااااااااااايمة
نبيه بروووحي
هااااااااااااايمة
ههههههههههههههههههه
هذي جت في وذني توة

السلاااااااام عليكم..........الف الف الف مليون مبارك ياماما الاااء تستاهلي ياغاليه ربي يزيدك ابداع ان شالله ....سامحيني جت متأخر والله عندي ظروف منخشش هلبه راهو ..سلام البنات الكل ..

الف مبروك ماما الاء تستاهلى ماشاء الله عليك ربى يعطيك اصحيحتك

السلام عليكم

ها كيف حالكم يابنات بنت بلادي صحيتى علي الدويرة عاد انى من العيله توا فراش علي تركينة زي العادة والكتب متاعي والاقلام حي حقا يابنات مش جتنى حاله جديدة من القرايه
كنت نقطع في شعري لين خلاص فترة القرايه وتوا قعدت ناكل في رصاص الاقلام حي محلاه يا حي تلقونى معرمة اربع خمسة اقلام مبرية ومسنونة ونقعد نمدغ يجنن جربوه علي ضمانتي

تعرفو من امبكري وانى نكتب في البحت متاعي بنهبل يادوب توا وصلت النص يستر الله شكلها ليله صباحية تعرفو حتى صوابعي تشنجو من الكتيبة

توا جبت كيسة تشبس وطاسة اميه ونقرمش في التشيبس الساعه اتنين في الليل

وللعلم غدوة عندي تحضير للمحاضرة وعاطيتنا شيت هكي كبره تبينا نقروه قبل مانخشو للمحاضرة يحسابونا بكل والله يستر الله

هي ان شاء الله بعد نكمل البحت توا نرجعلكم ونقوللكم كملته باش تباركولى


تراا

مبروك فتح الدويرة وعامرة بذكر الرحمان
وان شاءلله الفال لما نفتحو دويرة نباركولك بجياب تؤامه يااااااااااارب


الف مبروك الاء تستاهلى ماشاء الله عليك ربى يعطيك اصحيحتك


ام منير كيف حالك ياغالية وكيف حال الحمل ان شاءلله تمام ها طلعت بنوتة ولا مازال
وتعالي بالهي عليك طمنيني علي حنونة مش بالعادة تعطل هالمدة ومنشوفوهاش

باقي البنيات كيف حالكم

ام السنفور
الله يعاونك ياحبيبه
وتعالي هني شن هو بركوكش اطني هكي اسمه فيالدويرة لفاتت
مايطلعش ليه اسم تاني بالكي نعرفه

عليفكرة من فيكم تعرف خبزة الحماس بالقازول

ام لمى ولمار اهلين
تعرفي جيت جري جري علي اساس بناخد لحضات راحة ونفكر شنى نكتب لقيت روحي معاكم زي المطفوشة
اولا حنونة قالو شارعهم يحفرو فيه فا قطعو خيوط التلفون متاعهم وعاد فهمك كفايه علي ليبيا تبي عام باش يصلح توا

البركوكش ياحنة هادى اكله زمنية شبيهة هلللللللللبه بالرشدة الجارية في الخطوات الاولى لاكن في بدل ماتكون العجينة مفرودة بالماكينة ومقصوصة صوابع رقيقونات هادى العجينة مفترشة تفتريش يانهار ابيض كيف بنشرحها يعنى الصونيه تحطي فيها الدقيق وشويه امية لين تبدا العجينة قطعات صغيرونات وينحطو في المرقة اللي شبيه من متاع الرشتة غير هونة في الرشتة في حلبه والا هادى ماعتقدش فيها
بالك في اختلافات تانية لاكن معلوماتى هكى تقول

يامينتى جيت بنستريح ونريح صوابعي من الكتيبة لقيت روحي نشرح لعمتك ام لمى ولمار

بنسبه للخبزة اول مرة نسمع بيها يعنى نعرف الخبزة بروحها ونعرف حتى القازول اللي زي الوردة والا ونكهته فيها من التومة والا ويبيعو فيه مرات لاكن ماما ادير فيها عجة



هي ادعيلي كملت التلتين من البحت ومازال التلت الاخير والمراجعه
تصوري بحت والليله بس بديت فيه وغدوة الدكتور يبيه يعليك حاله للعلم بس اليوم روحت بعد السته للحوش وكان عندي امتحان يعنى شوفي جوك لما تروحى من امتحان كان تلقي ترقدي مش هكى

يالله الحمد لله علي كل حال سيورها تفرج