ركن خاص ببنات المنصورة-وأهم أماكن التجميل والشراء- الجزء الـ 16 (( جومانة ))

**عروسة حبيبي** · 12-07-2009, 01:06 PM

طبعا اولا بنشكر جومانا على التوبيك الجميل اللى جمعنا هنا
و جزاها الله كل خير
و ادعولها ربنا يرزقها بالحمل عن قريب
قولو امين

((((((( ونقلاً عن جومانة )))))))

تم الجزء الاول بنجاح ساحق
والجزء التانى انتهى برضة بنجاح ساحق
والتالت نفس القصة
و الجزء الرابع والخامس والسادس والسابع والتامن والتاسع والعاشر كمان
احنا الحمد لله دلوقتى ف الجزءال 16بتاعنا طبعا لكل اللى كانوا متابعين معانا احنا كنا عاملين موضوع حلو اوى ومجمعين فية كل بنات المنصورةالحلوين
وموضوعنا من البداية للى كانوا مش متابعين
خاص بكل حاجة عن المنصورة كوافيرات _ميك اب _لانجيرى _كل حاااااااجة
يعنى كل بنت بتكتب تجربتها او بتسأل عن حاجة معينة وكلنا بأذن الله هنرد عليها
وانا موجودة بالنسبة للاجابة على اى سؤال
وانا الحمد للة خلاص اتجوزت وهابقى متابعة معاكم بأذن الله من خلال تجربتى اية اللى استعملتة واية اللى اشتريتة وطلع مالوش لازمة
جومانة

**همسة عابرة** · 12-07-2009, 01:31 PM

انا اول واحدة ترد فى الجزء الجديد ده
كيييييييييويس
مبرووك يا بنات علينا الجزء الجديد ويارب يكون وشه حلو علينا كلنا ان شاء الله
وكل واحدة تنول اللى تتمناه يااااااااااارب

**همسة عابرة** · 12-07-2009, 01:48 PM

اولا وحشتونى جدا والله
كل البنات واحدة واحدة
ومبروك يا سوليتير وربنا يتمم لك بخير
وان شاء الله تبقى عروسة زى القمر

يا شوشو ربنا يطمنك يا حبيبتى وتخلصى من التوتر اللى انتى فيه ده
بالنسبة لمقابلة مامته
البسى طقم خروج وطبعا الطرحة حاجات رقيقة يعنى
وخليكى سمبل فى كل حاجة
حتى فى تصرفاتك
وخلى بالك الانطباع الاول يدوووووووووم
سلمى عليها عادى وازيك يا طنط وقدميلها العصير
او ممكن تخلى مامتك هيا اللى تشيله وانتى تقدميه
ولما توجهلك كلام تبقى ردى عليها بابتسامة
وبعدين هتلاقى هيا وماماتك بيتكلموا مع بعض وكده
لانه لسه لقاء تعارف يعنى

اه نسيت يا شوشو

قبل ماتلبسى صلى ركعتين لله
وادعى وقولى
رب اشرح لى صدرى ويسرلى امرى واحلل عقدة من لسانى يفقهوا قولى

وربنا يتمم لك بخير ونفرح بيكى بقى

**dodo412** · 12-07-2009, 04:04 PM

صباح الخير ياقمرات الله يديم علينا السعادة والمحبة والراحة يارب
اميييييييييييييين
وحشتووونى جدااااااا ازيك ياهمسة ميرسى لافتتاح الجزء الجديد ياقمراية
شوشو بطلى قلق النتيجة فل بعون الله
بالنسبة للميتنج بتاع حماة المستقبل
البسى طقم من بتوع بالليل عادى جيب وبادى عليها وايشارب سيمبل اوى
واعملى ماكياج لما تشوفه تقول مش بتحط يعنى نورى الوش بس
بودر وروج اجو جلوس وكحل وماسكرا لو بتحبيها والبرفان اوعى تنسيه
وتوكلى على الله
سولتيير ربنا يتم عليكى بالخير والزرية الصالحة يارب ادعيلنا معاكى يااختى
ربنا ينولنا اللى نتمناه ويكتبلنا زيارة الحرم اللهم اميييين

**عروسة حبيبي** · 12-07-2009, 04:19 PM

هموسة يا جميل مفيش لقاء تعارف ولا حاجة احنا نعرف بعض من زمان

وشكرا لمساعدتكم ليا يا هموسة انتي ودودو

**dodo412** · 12-07-2009, 04:38 PM

ياحبيبتى احنا اخوات ودا اقل حاجة نقدر نقدمها وانتى فرحانة كدا
المهم تقدرى تستفيدى واحنا كمان نستفيد
ومليوووون مبروك مقدما يارب

**ندى الاحساس** · 12-07-2009, 06:48 PM

وحشتوووووونى مووووووووت موووووووووووووووووت
مبروك الجزء الجديد يابناتيت
ربنايتمم عليكى يخير ياعروسه وعلى كل البنات
بصى خليكى طبيعي خالص خالص وتصرفى كعادتك بس قللى كلامك ومش تضحكى كتير
وربنا بإذن الله هينزل على وجهك نور هتكونى اجمل عروسه فى عيون الناس