اهلا بيكم فى الهدرزه الليبيه 129 وان شاءلله الاسبوع متاعى فيه

**حره فوق رأس حر** · 07-09-2009, 09:23 PM

اهلا ةسهلا بيكم هنا ياحبيبات ويلى تخش تدعى مش تنسو راهو

**ابريكه** · 07-09-2009, 11:27 PM

اهلين ياحره وربي يسهلها عليك
حره ممكن نكملو مواضيعنا عندك
وكيتي فاتحه موضوع شيق محتجاتله كل الاخوات

**shantal** · 07-09-2009, 11:36 PM

اهلين حرة كيف الحال شكله الاسبوع قرب ان شاء الله ربي يسهلك ونديروا حلاوات السبوع هنا يا حبيبة

بريكة بنيت عمي كيف الحال خيرها دويرتك تصكرت؟؟؟و اما هو موضوع كيتي اللي تقصديه؟؟؟؟

**ابريكه** · 07-09-2009, 11:45 PM

ادويره اسكرت اعتقد خلاص عدد معين من الصفحات وتسكر
موضوع كيتي امتاع التسوق من كل حاجه من اماعين وذهب وكل شي
ههههههههههههههه بنيه عمي سامحيني ما سلمت عليك
كيف حالك يا حانطه

**libyaa2** · 08-09-2009, 12:20 AM

السلام عليكم مبارك الدويره يا حره وربي يسهلها عليك وان شاء الله قريب يارب
بنات كيف حالكم اليوم؟

**حبيبة زوجها2009** · 08-09-2009, 12:21 AM

السلام عليكم يابنات
صحة شريبتكم
فيه حدو الا شكلى بروحى

**shantal** · 08-09-2009, 12:50 AM

هلا بليبيا وحبيبة زوجها صحة شريبتكم
صار حانطة يا بريكة تي باهي باه توة يبانلك في بيت سيدك

ياريت تحطي الرابط متاع كيتي خلي نشوفوه

**ابريكه** · 08-09-2009, 01:03 AM

كتبت بواسطة shantal

وانا عندي موضوع بعد إذن بنية عمي بريكة نبي نطرحه

وهو موضوع التسوق

طبعا معروف ان النساء يحبوا التسوق ياريت تحكولنا عن التسوق وشنو المحلات اللي تحبيهم اكثر الملابس ولا الاثاث ولا الذهب والاكسسوارات ولا المواد المنزلية.....الخ

وهل عندك سياسة معينة للتسوق؟؟؟ هل تستغلي في فترة التخفيضات ؟؟؟ هل انتي من النوع اللي تشري اشياء غير محتاجيتيها تم تندمي عليها؟ هل تكوني محددة الشي اللي تبي تشريه قبل ما تطلعي للسوق او تمشي تتسوقي ولو عجبك اي شي تاخديه

وبالنسبة للمتزوجات هل تفضلي انك تتسوقي مع زوجك او مع شخص اخر ( ما تفهمونيش غلط هههههههههه قصدي اختك مثلا او صديقتك) وشنو السبب

يعني من الاخير نبي نعرف رايكم في اي حاجة بخصوص التسوق

وحتى انا يا كيتي زيك عندي هلببببببببببببببببة اسئلة في هلبة مواضيع ونبي انقصقصكم ونبي نعرف وجهات نظركم

وبالنسبة لرأي توة تعرفوه بعد ما نشوف ردودكم ياحلوات

شانتال يا حبيبة ... نبي نرد على موضوعك

بالنسبة للتسوق اني ما عنديش معاه الروح و خاصة الملابس و الإكسسورات و الأحذية و جو الجبب و الشاربات و الأوشحة و كل ما يتعلق بيه

و نحب تسوق الأثاث من جميع أنواعه و نموت في حاجة اسمها محل اماعين .... تلقيني اني و عزوزتي عيونا قلوب قلوب .... و قلبنا يطق لين نخشو المحل

و بالنسبة يا ناري لشنبيري بمجرد ما يشوف محل اماعين هو يقولنا عليه خير ما نديروله عركة خخخخخخخخخخخخخخخخخخخخخ زوز عزايز متلاقيين عليه

و بالنسبة للذهب أكيد ما فيش و لا وحدة ما تحبش تمشي غادي و خاصة لسوق الذهب في باب الحرية
و شن انسيت ثاني ... آآآآه بالنسبة للتسوق الشوبينج ..... هذاكه نشوف فيه زي الزردة .... عندي جو مش عادي معاه
يعني من الأخير ... وخيتكم تموت في حاجة اسمها بنطلع نشري حاجة

لكن يا بنات الحق اني مرات نطلع مش بنشري مرات نطلع باش نتفرج ... لأنه فيه ناس تقولك ما دامه ما تحتيش فلوس أو ما عنديش ما نشري علاش طالعة .... و اني ضد الكلام هذا .... لأنه مش لازم لو طلعت لازم نشري حاجة .... المهم تتعرفي على كل حاجة جديدة نازلة للبلاد

آه تذكرت أيام بريطانيا و النمسا ..... ما خليت مطراح و مشيتله ... لدرجة اني لما روحت لليبيا .... كل شيء لقيت روحي نعرفه ختى الحاجات اللي نزلت جديدة كانت عندي عليها فكرة كبيرة من كثر ما دوحت في بريطانيا و النمسا

و اني نعتبر فيها هذه ميزة ... على الأقل يكون عندك مواكبة للجديد

و لتوا اني نتابع في المحلات اللي برى عن طريق الإنترنت باش نشوف شن فيه جديد

و طبعا لما بنشري حاجة ... لازم نكون محددة شن هو اللي بنشريه و شن لونه و قداش قيمته و كيف راح يكون شكله .... لأني نكون شايفة أكثر من حاجة قبل ما نشريها ... يعني مثلا

لو بنتكلمو على الأثاث

أماكن الأثاث معروفة في البلاد .... نخصصلها اسبوع اندور فيه على راحتي و تكون تحتي ورقة و قلم و ندون كل حاجة عجبتني و مرات نصور فيها حتى التصوير

و لما نروح نقعد نختار و نفلتر

و بالنسبة للتخفيضات و المواسم ... الحق ما ندورش فيها هلبة

الا برى البلاد .... لأنه تخفيضاتهم رهيبة و على حاجات تستاهل

و أثناء التسوق نحب يكون زوجي معاي في كل شيء من الصغيرة للكبيرة ... لأني نحب رايه هلبة هلبة .... و احنا ما نطلعوش من غير عزوزتي .... يعني بدل الرأيين يكون 3 آراء و هكي نضمن أحسن حاجة خخخخخخخخخخخخخخخخخخ

و مرات يطلعو معاي حماواتي ... فيه منهم اللي نحب نطلع معاها و فيه منهم مش لازم نطلع معاها ..... و طلوعي معاهم على حسب الشي اللي بنمشيله ... لو ادهوير معاهم من غير ما نشري شيء عادي نمشي ...لكن باش ناخد حاجة و اني معاهم فهذه نادرا ما تحدث .... لأني نحب نشري حاجتي مميزة على الأخرين و من غير ما يشوفوها .... يعني نحب نفاجأ الغير بحاجتي ((( ما تقولوش مغرورة ))) هذا طبعي في كل حاجة ... حتى في الماكلة

شا نتال .... باهي باه ... اني باعثاتك لأحلى محل و ارقى محل نبيلك الراقي يا راقي

تو تشوفي ... تو نبعثك لمحل .... اللي تشريه تلوحيه بعد اللبسة الأولى

شن رايم

العجولة ..... بالله عليك احكيلنا على سبها و شن فيها من محلات

صار انتي من سبها و اني نقول علاش نحبك انتي و ابريكة .... محلاهم أهل سبها و الله الا ناس طيبة و كريمة و الجود عندهم غير عادي

ابريكة يا حبيبة .... بارك الله فيك على الإستغفار ويجعله ربي في ميزان حسناتك

حرة ... كيف حالك يا حبيبة ... اني قولت أكيد حتى البيبي بدي يعيط

ربنا يسهل عليك يا رب

أسيل و سالي و بنت الجازي أهلا و سهلا فيكم

نورتونا

ربى ان لم اكن اهلا لبلوغ رحمتك فان رحمتك اهلا لان تبلغنى لانها وسعت كل شئ

kittygagoشاهد الملف الشخصي العام ارسل رسالة خاصة الى kittygago إبحث عن جميع مشاركات العضو kittygago أضف kittygago إلى قائمة الاتصال