++تشنجات عند النوم ++ كان موضوعك على الرابط التالي
تشنجات عند النوم

اختي انا قرأت موضوعك وهي التشنجات الي تصيب ابن اختك وهذي الحاله هي نفسها تقريبا الي تصيب ابي وهي لا تاتي الا اثناء النوم فقط
وجاءت لنا قبل سنتين تقريبا عند الوالد وكانت اول مره وتشنج وهو نائم فجأه وبعدها حدثت له حالة الاغماء
علما انها كانت اطول مفتره زمنيه بين تشنج وتشنج ثاني 6 اشهر واقل فتره زمنيه كانت شهر واحد
================================
الحين ابغى اقولك الحاله التي تصيب ابي
اولا وهو نائم يفتح عينيه وهو لا يشعر (سوف اقوم بشرح لما تفتح العينيين وهو لايشعر) ويمدغ بفمه زي كأنه يأكل لبان وتبدأ بعدها حالة التشنج اذا مافي احد قومه من النوم بسرعه
ثاليا في مره من المرات وهو نائم وفتح فمه الوالده لحقته وقومته من النوم بسرعه وقام وبعدها رجع على طول كمل نوم بمجرد انه الولده ذهبت من الغرفه لمده لم تتجاوز حتى الخمس دقائق الا وتسمع صوته وهو يطيح لأنه تشنج وطاح من السرير بدون ان يشعر (وهذي الحاله قريبه من الحاله التي حدثت في المستشفى لكم عندما كان نائم في البيت وايقظتوه وتشنج في المستشفى بعد النوم هناك
===============================
طيب الحين ابغى اشرحلك الحاله كيف تحدث واقولك على سببها
الي يحدث بالضبط هو ينام وبعدها يفتح عينه وبعدين يبدأ يتشنج وينتفض وتصير حالة التواء الايدي مع الشد والجلد يتغير شويه تحسيه نشف او انه صار على العظم بس والعينان مفتوحه ويرافق هذي الحاله حالة اغماء مع صعووووووووبه في التنفس وطبعا اثناء التشنج يطلع جفافين من الفم
هذه شرح للحاله باختصار التي تحدث
===============================
طبعا اول مره صارت الحاله مو عارفين ايش في وايش صار وكل واحد قام يفتي وطلعوا لنا مليون شي وشي ومنها العين والسحر ومدري ايش واشياء كثيره
طيب الحين بقلك بعد سنتين ايش اكتشفنا وهذا الكلام امس صار الاكتشاف والحمد لله رب العالمين على كل حال وربي يشفيه يارب ويشفي ولد اختك وجميع المسلمين والمسلمات
===============================
طيب للتشنج اسباب منها الصرع وهذا الي شائع عند الناس لكن الصرع هذا يأتي للناس وهم صاحيين يعني مو نايمين يعني من هذا نستنتج انه هذا الشي الي يحدث ليس بصرع
طيب الحين ابغاكي تركزي معاي عشان تعرفي ايش الي يحدث بالضبط وهذا بعد مابحثنا كثير في النت وعلى كلام الدكتور
طيب الي يصير بالضبط انه هذي حالة اختناق تصير وقت النوم فقط لأنه مايستطيع انه يعطس مثلا او انه يسوي اي شي وفي نفس الوقت لا يشعر بنفسه لأنه نايم وبعد كذا تطور حالة الاختناق هذي الي تصير الين يبدأ يستشعر بها المصاب نفسه ويبدأ يفتح عينه لاحظي هذا السر حق فتح العين الي يحدث لكن لما يفتح عينه مايشعر بشي وقتها وبعدها تبدأ حالة التشنج
طيب الحين احنا لما نجي نعالج اشياء زي كذا ايش نسوي
نشوف حالة الاختناق هذي عشان نعالجها لأنها هي الي تسبب التشنج وقت النوم
طيب اول شي نفحص الصدر عند دكتور فاهم وهذي رحنا والحمد لله انه طلع بخير
طيب الشي الثاني نروح لدكتور انف واذن وحنجره ويكون صاحي وفاهم عدل ويشوف هل في شي او لا
والشي الثالث نروح لدكتور مخ واعصاب عشان يشوف الاعصاب والي مسؤوله عن التنفس وكيف وضعها
وبعدين ينام في المستشفى عشان يدرسون حالت التنفس عنده وهو نائم وايش الشي الي يسبب هذا الاختناق بالضبط في اي منطقه
طيب هذا الي لازم يصير
وهذي الحاله الي انا اتكلم عنها لأبوي وهي قريبه لحالة ابن اختك
طيب وفي اعراض في الوالد عندنا بقولها لكي يمكن تكون في ولد اختك
اول شي هو جاته قبل ثلاث سنوات سخونه عاليه جدا
ثاني شي فقد حالسة الشم او انها صارت ضعيفه
ثالث شي انه عنده بلغم بكثر وعطااااااااااااس كثير مره
وخامس شي هو طلع عنده عند دكتور الانف والاذن والحنجره انه الجيوب الانفيه واعتقد كمان لحيميه
وهذي تسد مجرى الهواء للتنفس ويسبب اختناق لأنه وقت النوم زي ماقلتلك الواحد مايقدر يعطس او ياخذ منديل او يغسل او شي لأنه نائم ومجرى الهواء يضيق يضيق الى ان يغلق ويبدأ الاختناق وفتح العينيين والتشنج
هذا كل ماعندي تقريبا واذا نسيت شي فهدا من الشيطان واعوذ بالله من الشيطان الرجيم
========================================
هذي بعض المواقع للتعرفي عن ماهو التشنج
وهي اسباب التشنج
وتشوفي انه الاختناق اثناء النوم يسبب التشنج
وان شاء الله اكون وفيت وقدرت افيدك في شي
وفي الاخير ادعي لوالدي انه ربي يشفيه ويسهل امره يارب ويخليه مرتاح ويدخله جنة الفردوس يارب
==========================================
هذي المواقع

http://www.6abib.com/a-845.htm

http://www.sleepsa.com/apnea.html

http://www.allbesthealth.com/Medical...Sleepapnea.htm

http://www.alriyadh.com/2006/03/02/article135087.html

(في الرابط الاعلى ابغاكي تشوفي اسباب الاختناق اثناء النوم )

ملاحظه:- الاختناق اثناء النوم يسبب التشنج اثناء النوم فقط

وارجو ممن عنده اي اضافه او اي تعليق من الاخت ان يضيفها

اخر معلومه بصراحه احنا رحنا مستفشيات كثيره منها السعودي الالماني الي في جدة طبعا انا من جدة لكن ماطلعنا بنتيجه
والمستشفى الي حسيناه صاحي اشوي هو مستشفى باقدو والدكتور عرفان واول مابدأنا رحنا عند دكتور الامراض الصدريه وهو برفسور اسمه السيد (نسيت باقي الاسم)
بس انتي شوفي والله يشفيه

انتظر منك رد

وارجوا من الاخوه والمشرفين الي يعرفون الاخت ان يبلغونها بهذا الرد يمكن يفيدها بشي لأني والله سجلت في المنتدى عشان موضوعها هذا الي في الرابط التالي
تشنجات عند النوم