هل تنصحوني بالولادة في مستشفى المملكه ..؟

**مراحب 2000** · 28-04-2003, 10:23 PM

اخواتي العزيزات ..
أنا متابعه دائمه لكم .. وأحببت أن أستشيركن في أفضل المستشفيات في السعودية ( الرياض ) من ناحية الولادة .. بصراحه أنا لدي تأمين في جميع المستشفيات ولكني اُفضل مستشفى المملكه ؟
مادري وش رايكم يابنات ....؟ تكفووووووووووون ردو علي ..

محبتكم مراحب

**مشاعل الخير** · 29-04-2003, 12:31 AM

مراحب
اختى اسمع ان الحمادى ودله مستشفيات مره ممتازه ولها خبره طويله فى رعايه الحمل والولاده.
انشاء الله اكون افدتك
الله ييسرلك الخير والخيره
واختيار المكان المناسب توفيق من الله.

**إيمان علي** · 29-04-2003, 05:53 AM

أهلاً وسهلاً بك معنا يا مراحب.. والله يخلصك على خير وسلامة.

**آفاق** · 29-04-2003, 09:49 AM

اختي مراحب انا اعاني من نفس المشكلة ومحتارة في مستشفى الولادة فأهم
شئ عندي طاقم التوليد يكون نسائي ومن معرفتي ان مستشفى التامينات
غير جدير بالثقة اما المملكة كثير يمدحونه لكن غالي وانتي اتكلي على الله
وانشالله تقومين بالسلامة وانا الحين افكر في مستشفى المواساة اللي فاتح جديد
ومن حسن الحظ قريب لبيتي لاني متعقدة من المستشفيات البعيدة وياليت اللي
عندها معرفة في مستشفى المواساة تعطيني معلومات عنها

**مراحب 2000** · 29-04-2003, 07:59 PM

أختي .. مشاعل الخير وأختي .. آفاق
الف شكر على ردكم ورايكم الحلو .واتمنى من البنات انهم مايخلون علينا بأرائهم .. ونا بصراحه للنصيحه ومحتاره كثير لان هذا اول حمل لي 0000 ومالي غنى عنكم ..

شكرأ أختي الغاليه المشرفه إيمان علي على ترحيبك الذوق ..

**امونه 20** · 29-04-2003, 10:21 PM

السلام عليكم ورحمة الله وبركاته ...أهلين أختي مراحب بصراحه أنا توني والده من ثلاث شهور بس أناكنت أراجع بمستوصف العالمي والدكتوره الي أراجع عندها هي الي ولدتني بمستشفى مبارك يعني راحت معي يوم الولاده والمستشفى مره عينايتهم حلوه بس المستشفى موحلو مدخله وديكوره والطاقم كله نسائي 100 % المهم الدكتوره الي راح تولدك تكونين مرتاحه لها ..أرجو إني أكون ساعدتك والله يقومك بالسلامه