كوتشى

**folla** · 08-09-2009, 12:11 AM

بصوا يا جماعة ساعات كوتشي بيبقى حلو وساعات وحش اقولكم ليه؟؟؟

عشان دا عبارة عن بالات كبيرة بتيجي من اوروبا وهنا بيفرزوها وبيعملوا فرز اول وفرز تاني .......الخ
عشان كده ساعات ف العبوة نتلاقى واحدة او اكتر منهم بايظين - فحسب الشرك الى معبياهم واحسن واحدة الي بيتعبي تبع تو جور.
بصوا انا كمان جربت حفاضات حلوة موووووووووووووووت اسمها دراى Dry هيه تقريبا فرنساوى

- اغلى شوية من كوتشي بس ارخص من البامبرز و طبعا مفيش وجه مقارنة بينها وبين البامبرز

هيه بالظبط شبه مولفيكس شكلا وموضوعا ... وطبعا مولفيكس غني عن التعريف

و أي استفسار انا في الخدمة

**ام حزم** · 08-09-2009, 03:22 AM

شكرا يا اختي كوتشي فعلا سعات كتير بيسرب

**ام ريدان** · 08-09-2009, 03:57 AM

انا لحد الان ماجربت كوتشي باستخدم لابني بامبرز قبل شهر شفت في السوق

نوع جديد اسمة دولفي صناعة تركية واخذت عبوة بداخلها 40 حفاضة
بس كان وحش وبيسرب وما خلص الابعد مطلع روحي

**ناني2007** · 08-09-2009, 04:06 AM

والله انا بستعمل بامبرز لاطفالي وماشي معاهم تمام

**folla** · 08-09-2009, 04:25 AM

بامبرز المصري بجد زباله وبحس اني ملبسة بنتي كيس بلاستيك وبيعمل صوت رهييييييييييب اما حد يشيلها او تتحرك
على فكرة اي اي نوع حفاضات ممكن بيسرب الاستول بس وخصوصا اما البيبي يبقى صغير وبيرضع لبن بس لان الاستول بيبقى سال شبه الميه ومستحيل اي حفاضة تلحق تشربه
لكن لو كان التسريب في الميه يبقي نوع الحفاضة وحش

جربوا Dry ده وحتدعولي بجد

**مودة** · 08-09-2009, 04:32 AM

كانت باستخدم لطفلي بامبرز وسببت له التهابات ولاخفت إلالما غيرتها لبيبي جوي رووووووووعه

واغلب اللي حولي بيستعملوها ومابيشكوا منها

**ام ياسـ مريوم ـر** · 08-09-2009, 06:45 AM

انا مفهمتش انتي بتتكلمي عن ايه الا لما ذكرتي

جربت حفاضات حلوة

الموضوع مش باين لا من العنوان ولا من صلب الموضوع
ما في حتى مقدمة او سلام يعرف الواحد هو الموضوع جد ولا كلام وبس

المهم الي فهمته انك بتتكلمي عن الحفاظات

البامبرز صناعة سعودية احسن حاجة في سوق الدول العربية

انا في امريكا وبامبرز عنا احسن حاجة

لما سافرت لبلدي زيارة شفت اسماء كثيرة ومتنوعة والبامبرز فيه نوعين صناعة مصرية وصناعة سعودية

الصناعة المصرية فيه بلاستيك
بس الصناعة السعودية بيشبه البامبرز الامريكي شكلا ومضمونا وكويس جدا

**om belal** · 09-09-2009, 01:25 AM

انا بستعمل البامبرز السعودي الصراحه جمييييييييييل اوي بس بحس ان مقاسه بيكون ضيق شويه يعني مش مبحبح كده

**kimo ek** · 17-09-2009, 05:38 AM

ممكن حد يقولى بيجيب كوتشى الاصلى من فين فى القاهرة
لا جربت كذا نوع من كوتشى ومطلعش الاصلى واعرف الاصلى ازاى
ممكن صور لية

**مروة ابراهيم** · 19-09-2009, 01:05 AM

بصى من الاخر كوتشى ده اسم تطلقه الشركه المعبئه للحفاضات و الحفاضات دى اتاج شركات متعدده زى توجور و بيبى لوف ووغيرها الشركات دى بتاخد الحفاضات الممتازه و تسوقها بمعرفتها فى اكياس عليها اسم الشكه مثلا انهارده بيبى لوف لقيتها ال 44 ب 38 جنيه مقاس كبير و التوجور ال 55 ب 50 جنيه و دول المانى و الفرز التانى و الاقل بتاخدهم الشركات المعبئه على هيئه استوكات و بتعبيها بمعرفتها و دول ب 33 جنيه لل 40 قطعه و بيكونوا جيدين جدا ماتفرقش عن الفرز الاول شئ عن نفسى باعتمد عليها و امتصاصها عالى احسن من البامبرز بس فرقها انك ممكن تلاقيها مكرمشه او حاجه زى كده ماتفرقش خالص و فيه فرز تالت و ده بيكون فى رأيى سئ جدا اغلبه ناحيه اكبر من ناحيه او مقطوع من اللزق بتاعه و كدا و ده بيكون ارخص حاجه انا مش من القاهره بس اكيد فيه غيرى هايفيدوكى باذن الله و تتوفقى للاصلح