بسم الله الرحمن الرحيم
والصلاة والسلام على اشرف المرسلين
اللهم بارك لنا فى اولادنا واجعلهم قرة اعين لنا
اللهم ارحمهم صغارا وارحمنا كبارا واكفهم شر الامراض والابتلاءات

ان شاء الله مطلوب من كل الامهات الغاليات ان كل واحده فينا تحط تجربتها مع سندوتشات المدرسه او ما يفضله الاطفال والصحى منه والضرورى
عسى من الله ان يتم الاستفاده للجميع

شكرا يا نوشا على الموضوع المهم جداااااااااااااا ده ويا رب كل الامهات تستفيد منه

انا كنت باركز على السندوتشات عشان سهلة الاستخدام بالنسبة للأطفال وكنت باعمل حشوات كتير المفروض انها جميلة وشهية بس ولادى مش اي حاجة بيحبوها يعنى مثلا مش بيحبوا الجبنة بأنواعها
اهم حاجة التنويع يعنى كل يوم حاجة جديدة ونبعد خااااااااالص عن اللانشون والبسطرمة والسوسيس والحاجات الى مايعلم بيها الا ربنا دى

مثلا يوم كنت بعملهم سلطة التونة بالطحينة والطماطم والزتون والجبنة الرومى لمبشورة والبصل كنت بعملها فى علبة تلاجة والصبح احشى منها على طول واديهم معاها عصير

اوقات تانية كنت بشيل حبة لحمة مفرومه فى علبة تلاجة والصبح اعمل بيض بالعصاج واحشى وبرضة العصير بس لما الشتاء بيبتدى ببطل اديهم العصير عشان مايحتاجوش التواليت كتير

وكنت بعمل دايما صنف حادق وصنف حلو عشان مايزهأوش وعشان ارضى جميع الاذواق فكنت بعمل سندوتش حلاوة او عسل اسود بالطحينة ودة مبأوووش يحبوه او شيكولاته نوتيلا أو عسل ابيض بالقشطة والحاجات دى بتدى طاقة هايلة فى الشتاء وكمان فوايدها الغذائية عالية قوي

ايه تانى ؟؟؟ بعد شوية بيزهأوا من السندوتشات وبحتار ايه ممكن سهل وسريع يتعمل الصبح؟؟

وكنت بخليهم يفطروا لبن بعسل النحل ومعاه كيك او بسكوت قبل ماينزلوا ولما بيكون عندهم برد بعملهم لمون بالعسل بدلا من اللبن

ممكن لو عاملة صينيه بطاطس اسخن حبة صغيرين الصبح واهرسها واحشيها فى الفينو بتبقة طعمها حلو اوي

ممكن بطاطس بانيه باللحمة المفرومه برضة جميلة وبيحبوها

المشكله ان دى حاجات قليلة وبعد شوية بيزهأوا منها وبيرجعولى بالسندوتشات زى ماهى بس مفعصة وحالتها حالة ويكتفوا بالعصير او البسكوت بس


فعشان كدة محتاجين افكاااار تانية للتنويع

افكارك جميله يا لولو
المشكله انهم يتقبلوا الاكل ده
والعصير بيخدوا عصير معلب ولا فريش
انا محمد بيحب اللبن بالشيكولاته وبجيبله المراعى السعودى
وناويه سندوتش واحد واى فاكهه الموجوده

انا كنت باديهم عصير معلب و عاوزة اديهم السنة دى عصير طبيعى بس مش عارفة احطة فى ايه مش معقولة حاديهم زمزميتين واحدة ميه وواحدة عصير لأن الميه دى شئ اساسى

انا بجيب عصير جاهز فى زجاجه زجاج وبحط فيه اللبن لمحمد فى الحضانه يبقى ممكن نعمل كده فى العصاير الفريش برضه

نوشا
طبعا بتهرجى....................انتى عايزة تديه زجاجة زجاج فى المدرسة؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟

طبعا هاتتكسر و تبهدل الدنيا
اياكى تعملى كده
فى الحضانه الموضوع ملموم شوية انما فى المدرسة ممكن تتخبط منه بسهولة

أنا بأجهز اللانش بوكس بحيث يكون فيه الآتى:
1- ساندويتش واحد فينو مقسوم نصين أو 2 بيتى بان
2-علبة صغيرة هاقولكو فيها ايه بعدين
3-عصير معلب
4-كيك أو بسكويت جاهز
5-حلويات بس حاجة بسيطة

العلبة دى بأحط فيها حاجة واحدة من الآتى:
- فاكهة طازة
- أو خضار طازة...... خيار,جزر, CHERRY TOMATOES ,.......
- بطاطس محمرة
- ناجتس
- بطاطس بيوريه و معلقة
-بقسماط + قطعة جبنة كيرى أو لافاش كيرى

ساعات بأعمل باتيه
بأجيب عجينة الباتيه المجمدة و أحشيها ..............ممكن جبنة بيضا,سوسيس, جبنة كيرى+ بسطرمة,...........
و أقفلها و ادهنها بيض و ارشها حبة البركة و سمسم
و على الفرن
و ألفها فى فويل عشان تكون دافيه

ما شاء الله ما شاء الله
حلو الموضوع ربنا يباركلكم
حلوة قوى افكارك يا لؤلؤة
وكويس انك بتبعدى عن اللانشون والبسطرمة وكل اللحوم المصنعه دى يا جماعة ابعدوا عنها ربنا يخليكم ........فيها بلااااااااااااوى
انا ما بادخلش الحاجات دى البيت ابدااااااااااااااااا

طب بالنسبة لسندوتشات الحلاوة الطحينية يا لؤلؤ مش بتسيح فى االفينو كدة ومش بتبقى حلوة والا اية

انا برضه بادى العصير معلب ونفسى اديهولها فريش بس هاحطه فى ايه

بصوا انا متهيالى عجينة العشر ساعات دى تعملوا منها كميه كبيرة وتشيلوها فى الفريزر
وتطلعوها باليل وتحشوها بقى جبنة ..لحمة مفرومة ..تونة
الحاجات اللى الولاد بيحبوها وتدخلوها الفرن والصبح ياخدوها معاهم
انا بنتى حبتها وقالتلى ابقى اعملهالى فى المدرسة
وبالفكر ابقى اجرب احشيها عجوة واشوف طعمها ايه

طب ام الاختراعات....... ( جوجو ) لما تيجى
هاتقولنا سييييييييييييييييل من ابتكاراتها
وهاتفيدنا اوى ان شاء الله