اخطائنا مع ابنائنا

بسم الله الرحمن الرحيم

انا كاتبة الموضوع ده علشان افيد واستفيد منكم والموضوع هو اخطائنا مع اولادنا انا هكتب اخطائى مع ابنى من ساعة ولادته خوصا لانى ام لاول مرة وياريت اللى تحب تفيد غيرها تكتب اخطائها برضو وتكتب السن بتاع ابنها هبدا

اخطــــــــــــــــــائى

1- منذ الولادة عند بكائه اتسرع واحمله واغلب الوقت كنت احمله على ايدى وطبعا اتعلم الشيل ولحد دللوقتى عاوزنى اشيله وهو 7 شهور حتى بعد ما بقى يقعد اقعده 5 دقايق ويزن وتاعبنى جدا ومقيدحركتى طبعا ودى فعلا اكبر غلطة عملتها والصح ان الام تحمل الطفل عند الرضاعة والتغيير وجزء من اليوم ليس طويل وباقى الوقت يكون فى سريره.
2- منذ الولادة ايضا كل ما يبكى يقولولى جعان رضعيه وارضع وطبعا دا غلط لانه بيزود المغص والصح ان الطفل يرضع كل ساعتين مثلا او 3 ويكون فى نظام فى رضاعته.
3-النوم على الرضاعة ودى غلطة برضو من ساعة ما اتولد وانا بعملها وطبعا ما بينامش مع حد غيرى والصح ترك الطفل فى سريره وتهدئة الانوار وتعويده على النوم فى ميعاد معين.
4-بعد ما اكل ووصل اكله ل 3 وجبات كنت مستمرة فى ترضيع بالليل وطبعا بعانى حاليا من المشكلة دى وبيصحى كل نص ساعة والله علشان يرضع والصح انه بعد ما يوصل الطفل ل 3 وجبات فى الاكل يمنع الرضاعة بالليل ولو كنتى غلطى زيي الصح انك توقفى الرضاعة بالليل هتعانى صح فى الاول وبعد كدة ترتاحى ان شاء الله.
5-من غلطاتى برضو انى حبست ابنى فى البيت وماكانش بيطلع كتير ولا يشوف ناس كتير ودلوقتى لما بحب اخرج ماتتصوروش معاناتى معاه اول ما يشوف حد غريب يبكى ويخرب الدنيا ولما يروح مكتن جديد نفس الموقف بيحصل والصح انك تعودى ابنك على انه يكون اجتماعى ويخرج ويشوف ناس.
6- منذ سن 6 شهور ابنى بدا يفهم ويستوعب اللى حوله والغلط اللى غلطته انى كل ما يكون عاوز حاجة يبكى ويضغط عليا بالبكاء علشان اعملهاله ووقعت فى الفخ ده واتعود دلوقتى انه يضغط عليا بالطريقة دى والصح انه مادام شبعان ومش تعبان ومفيش حاجة مضايقاه لما يبكى سيبيه علشان ما يتعودش يضغط عليكى وتعانى زيي.

دى غلطاتى لحد دلوقتى وطبعا حاسة انى ام فاشلة بس محدش نصحنى باى حاجة فعلا قبل الولادة عشلان كدة حابة انصحكم وانصح كل ام بكرية وخصوصا الحوامل وياريت كله يكتب اخطاؤه فى كل سن حتى لو كان سن متقدم علشان نستفاد قبل ما نقع فى الغلط .

عزيزتي، الدنيا تجارب وخبرات، وكونك عرفتِ أخطائك يدل هذا على أنك ناجحة ولست فاشلة. فكلنا نخطئ مع أول طفل، وهذا ما يجعلنا نتعلم ونتفادى الأخطاء في التجارب التالية.
وأود أن أعقب على نقطتين تعتقدين أنها خطأ، إلا أنها ليست خاطئة بشكل كامل، بالنسبة لحملك لطفلك عند بكائه وهو رضيع، فهو ليس تصرفاً خاطئاً، بل الأخصائيون يؤكدون أن الطفل الذي يبكي أقل وهو رضيع لأنه أمه لا تتركه يبكي، يكبر ويكون هانئاً سعيداً قليل النكد. بالطبع لا نحمله طوال الوقت، بل عندما يبكي، وفور هدوئه، تضعه بمكان مرغوب لديه، وعادة يفضل الطفل أن يرى أمه حتى لو لم تكن تحمله.

كما أن الطفل عندما يولد يحتاج للرضاعة مراراً وكلما احتاج يجب أن يرضع، وهذا حتى يصبح متمكناً من الرضاعة بشكل كامل وبالتالي يشبع ويتمكن من الانتظار ساعتين حتى يأكل مرة أخرى. وعادة هذا لا يبدأ حتى الشهر الثاني من عمره.

لسلام عليكم ورحمه الله وبركاته
جزاكم الله خيرا على هذا الموضوع الشيق
والله أسئل أن يتم عليك نعمتك وعافيتك ويغنيك ويسعدك فى الدارين
وأن يرزقك من حيث لا تعلم
وأن يجعلك من عباده المخلصين والمتقين والمحسنين والقانتين
وأن يجعلك من الذين يخشونه بالغيب
وصلى اللهم وسلم على النبى الامين محمد صلى الله عليه وسلم

شكرا لردكم يا اخواتى بس اتمنى ان كل واحدة تكتب اخطائها مع اولادها وفى اكتر من مرحلة عمرية علشان نستفاد كلنا

ايه يا جماعة كلكم ما غلطوش مع عيالكم خالص ؟؟؟؟

بصى طبعا اخطائك كلنا بنقع فيها

بس مع الفارق فى الطباع والاساليب

انا بالنسبه ليا

اخطائى مش خايفه منها حاليا بس خايفه منها لما يكبر شويه

هو سنه وشهر

عودته على النوم جنبى ودى مصيبه لوحدها خايفه منها جدا

كمان انا نوعا ما عصبيه محبش دلع الطفل الزايد

حاليا بدلعه اه بس برده بشد عليه

ربنا يستر لما يكبر شويه متعصبش عليه لانهم بيقولولى سبيه هتطلعيه عصبى

مع ان غرضى ان ابنك على متربيه

ومقتنعه جدا بكده

لغايه مدور وافتكر حاجات تانيه

مشكوووورة على موضوعك

موضوعك فعلا جميل بس هو للأسف كان معروض موضوع مثله قبل كده فى المنتدى وده الرابط ممكن تلاقى كل اللى يفيدك فيه ان شاء الله

اخيرا اتغلبت على اخطاء طفلى..(تم دمج الموضوعات )التي تخص الموضوع

انا مشكلتي مع اهل زوجي
انو بنتي هيي اول حفيدة إلهم
والكل فرحان فيها

وما بيحبو يشوفوها بتبكي
الكل بيحمل فيها
وانا بقلهم ما حدا يحملها

وما حدا بيرد علي
بيقولو ما بدنا اياها تبكي
وهي هلأ صارت تعرف الحمل
عمرها اربع شهور ونص
وبتزن عشان نحملها

بالنسبة للرضاعة حاولت أد ما بقدر انو انظمها
بس بنتي كانت تبكي كتير وتعبتني كتييييييييير بقلة نومها وبكاها
بس هلأ احسن نوعا ما

الحمد لله

والله يهديها ويحميلك ابنكـ يارب

شكرا لاهتمامكم وشكر مخصوص لهبة طارق لانى مكنتش اعرف ان الموضوع مكرر للاسف بس هستفيد من الموضوع السابق وعجبنى جدا

أكبرخطأياأخوات بجد:إنك ماتربي ابنك على الايمان ومخافة الرحمن وكل الاخطاء الثانية
بتتصلح مع الوقت كلماكانت علاقته مع الله قوية كلماتحسن في جميع تصرفاته
حتى في الدراسه والطاعه هاي مشكلتي مع أولادي بس الحمدلله لحقت حالي
ويبقى الحب عامل أساسي للتربية الناجحة بإذن الله..