اريد حلا لاني راح انجن

انا عندي بتنتي 2و9اشهر اكتشفت مجددا انها عنيده وصارت تحب تاخد كل شي الها ولو ما اخدتو بالرضى توخدو بالصراخ مع انها وهي صغيره كانت كتير هاديه حتى لما كبرت كانت كتير هاديه بس الي فتره بكتشف فيها شغلات كتير منهها كتر الصراخ والشيطنه ولما نطلع مشوار بالسياره لازم نضل نحكي خلص يا بابا وخلص ياماما حتى احيانا بنروح عالبيت وانا وزجي مطاوشين ومعصبين حتى لما نروح الجمعيه تضل تصارخ لدرجه انو انا ببطل اتحمل وبضطر اضربها قدام الناس وانا ما بحب هدا الاسلوب بس هي بضطرني وبعدين بحزن عليها وصرت اسمع كلام من كل الناس المقربين الي يعني الاهل انو هدا الشي عائد للتربيه يعني انا مو عارف اربيها فاضطريت احط فلفل حار في تمها لما تغلط بس مو جايب نتيجه واضطرييت اضرب ضرب عنيف وبرضوا مو جايب نتيجه لدرجه وصلت في اني ادعي عليها بالموت حتى ارتاح منها لانو انا ما بحب الدلع وبعدين برجع استغفر الله وبقول بيني وبين نفسي يارب بعيد الشر بس والله تعبتلي اعصابي وهدا غير انو بتنام معنا في نفس الغرفه مع انو الها غرفه وغير انو بتعمل عحالها وغيرو وغيرو وانا ما لقيت غير اني اشتشسركم خواتي وبدي حل اكيد لاني كمان 3 اشهر راح تيجي اخت الها ولازم اسيطر عالوضع وياريت تساعدوني لاني انا في حاله لا يرثى لها

حبيبتي الأطفال أبداً ما يسمعوا بالعصبية والصراخ والضرب أبداً ..

حاولي تشجعيها .. مثلاً .. قولي لأبوها يعمل شئ ما .. مثلاً يرمي المنديل بالزبالة .. قوليلوا شاطر وصفقيلو وبوسيه .. تقوم تشوفو وتصير تقلدو .. ومرة على مرة إن شاء الله بتسمع الكلام ..

ولما تسوي على حالها .. اقرصيها على أنفها قرصة بسيطة وقوليلها .. مو هنا بالحمام .. وخليها تفهم قصدك على إيش .. ولما تصير تفهم شوي .. قوليلها إزا رحتي الحمام أبوسك .. أو أعطيكي حلاوة .. أهم شي طولي بالك .. وإياك تدعي عليها .. دعاء الأم مستجاب .. بعدين لو ماتت حتموتي وراها من القهر ..

أهم شي بالحنية والصوت الواطي .. وإنت هدي نفسك شوي .. وادعي .. الدعاء رهيب والله يساعدك ..

الله يهديها ويسهل عليكي الحمل والولادة ..

مشكوره اختي ام صبا بس والله هدا صعب كتير علي ماراح اقدر اعمل اي شي من اللي حكيتيه بحس انو صعب علي لانو بتني عنيده فوق ماتتصوري بس راح احاول من جديد وبعدين مره تانيه مشكوره اختي لان ك رديتي علي لاني شفت كم مشاهدات ولا حد رد غيرك مشكوره مره تانيه

قرأت موضوعك وفصل الإنترنت ولا رضي يشبك .. واليوم دخلت ادور عنه ..

يا أختي ليش استنيتي كل هده المدة لما صارت بنتك بهذه الصورة .. انت قلتي انها كانت هادية كتير ومارح تتغير فجأة .. أكيد تغيرت شوية شوية ..

وبعدين ماعجبتك نصائح أم صبا وقلتي لها مار تنفع .. طيب كيف تحكمي .. لاتقولي جربتي .. لأنك جربتي اسلوب الشدة والعقاب بس .. واستخدام نفس الأسلوب يعتبر تجربة واحدة ..

لي موضوع قديم عن كيفية ترويض هذه النوعية من الأطفال اسمه كان ياما كان فيه ولد زعلان .. اقرأيه وأي سؤال انا حاضرة .

كان ياما كان فيه ولد زعلان. { الموضوع المميز لهذا الشهر}

الله يكون بعونك يا اختي بنكدوا على الاهل عيشتهم بنكدهم

بس يمكن شعرت انه في شخص جديد راح ييجي اللي هوه الاخ او الاخت وخافت ياخد مكانها

حاولي لا تشعريها باهتمامك بالبيبي من هلاء

انا ابني عنيد لما يطلب الغرض لازم يتنفذ في نفس الدقيقه ومرات ما بكون فاضيه اله

بصير يبكي ويشتم ومرات بضرب بخليه وبقله بالبكاء والصراخ ما راح يصير اشي من اللي بدك اياه

ضلك ابكي من هون لبكره ولا انا سامعتك وبعد ما يتعب من البكى بنفذله طلبه وبفهمه اني لبيت الطلب لانه سكت

هيك بعرف انه السكوت هوه اللي بجيب نتيجه بس بدك اولها تصبري ههههههههه على الاصوات

التبول كمان خديها بالكلام الحلو واحكيلها قصه من تاليفك عن النضافه بدهم شوية تعب الاطفال الله يساعدك

مشكوره اختي حمره الورد وانشالله راح اجرب طريقتك في التعامل وانشالله اقدر انجح وشكرلاخوات اللي شاركوني بالموضوع

بسم الله والحمد لله
آسفة ما قرأت الردود ولكن برأي أختي العزيزة :
الحقيقة أنت تأخرت شوي بس مش مشكلة هلئ لازم تبلشي من أول وجديد
أم شغلة لازم تكوني أنت ووالدها متفقين في كل الأمور وتحكو معها بنفس الطريقة
تبدأي بتربيتها بالمنزل مثلا لما بتطلب شغلة وإنت بتقولي لاء يعني لازم تبقي على كلمتك ولا تغيرها قد ما بكيت
لانو الأطفال أذكى مما بنتخيل لأنو لما بتعطيها يلي بدها إياه بعد البكاء بتعرف أنو البكاء والصراخ هو الوسيلة للحصول على ما تريد
أول فترة رح تبكي كتير بس لازم تحاولي إسكاتها بالحكي أولا وتفهيمها ليش لاء وبعدين تركيها لحتى تسكت لحالها هيك بتعرف إنو البكاء ما بيفيد
ودايما أبقي على كلمتك وأوعا يحي إبوها أو أي أحد تاني ويعطيها شو بدها
لازم تعرف إنو لما لا يعني لا
وبالبنسبة للنوم حاولي تنويمها بغرفتها وأن تحكي لها القصص قبل بالنوم وإجعلي في غرفتها أشياء حلوة وجميلة هي بتحبها
ولازم ما تنسي أن تعبري عن حبك لإلها دايما حتى ما تحس إنك ما بتحبيها لما ما بتعطيها يلي بدها إياه
وأعطيها مكافأت لما بتسمع الكلمة
وأحكليها عن المولود الجديد وانها صارت كبيرة ولازم تساعدك بأمور أنت بتختاريها
ولازم قبل ما تطلعي أي مشوار تخصصي وقت للحكي معها وشو لازم تعمل وشو مش لازم تعمل وتوعديها بمكافأة (سمع الكلمة
انتبهي الضرب أمام اناس غلط للطفل قوليلها بالبيت بتشوفي
وبنتك ما شاء الله كبيرة يعني صارت بتفهم بالحكي فدائما أحكي معها واحكيلها قصص وشجعيها على لتكون طفلة جيدةوالله يخليلك ياها ويهديها

أنت بنتك مثل بنتي بالتمام

أنا بنتي عمرها سنتين وسبعة شهور وعنيدة بشكل خيالي

بالموت علمتها عالحمام وزيك ضربتها وحطيت لها فلفل بس هالشيء أكتشفت أنه يزيزد من عنادها علشان تثبت شخصيتها بس لما سويت العكس يعني لما تسويها في الحمام أقولها شاطرة حبيبتي حتى وأنا في قمة النرفزة
على طول تقولي أمي حبيبتي خلصت

وخلاص صارت من تحس بشي تركض الحمام وتناديني " ماما تعالي فيني بيبي"

جربي علشانك وعلشانها وصدقيني كل ما قللتي العصبية راح تمشي معك لأني أنا تعبت من العصبية وتعبت عيالي معي صاروا مثلي يعصبون