اصنعي عقد من الصوف وجلدات الانابيب

انا بصراحه جربت اعملها وطلعت روعه وبصراحه مكنتش مصدقه ان العقد طلع حلو اوي كده
الادوات
1.هاتي شويه جلدات عارفاها اللي بتتركب في الانابيب او حنفيات الميه يعني حوالي 20 مثلا وكل ماتزويدي كل مايكون افضل

2.لازم يكون عندك خيوط صوف يعني ممكن تستخدمي 4 الوان متناسقه مع بعض او شوفي الوان تمشي مع لون الطقم اللي هتلبسيه مثلا اخضر واورانج واصفر

الطريقه
باستخدام ابره الكروشيه لفي الخيط مثلا ابداي بالاصفر حولين الجلده بحيث انك تعديه من جوه فتحه الجلده وترجعي بيه تاني لبره وهكذا لحد ماتغطي الجلده وتصبح متلونه باللون الاصفر وبنفس الطريقه كرري لحد ماتعملي 4 من اللون الاصفر وبعدين شبكيهم ببعض بغرزه السلسال
كرري نفس الطريقه مع اللون الاورانج واعملي اربعه برده ثم اللون الاخضر وبعد ماتخلصي كل لون ابداي بتشبيك كل اربعه اصفر مع اربعه اخضر مع اربعه اورانج برده بغرزه السلسال وبكده هيطلعلك عقد جميل جدا وبطريقه بسيطه جربي وهتدعيلي

تسلمي ياقمر علي الفكره الجميله
بس لو ينفع ترفقي صوره ليها ومنتظرين اعمالك الجميله
وجزاكي الله كل خير

غاليتى يمنع كتابه نفس الموضوع في عده اركان