السلام عليكم ورحمة الله وبركاته
..
اخواتي العزيزات يسعدني ان اكتب تقرير رحلتي بالتفصيل الممل .. للبحر الميت ان شاء الله
من مدة ماكتبت موضوع وحابة الموضوع يكون بنوتي اكثر خاصة ان الرحلة بنوتية بالدرجة الأولى
رح يكون طويل شوي ورح اكتب في بعض المعلومات الي يمكن تكون جديدة على البعض منكن
ان شاء الله ما تملوا ويكون التقرير ممتع وجميل ..
ونبدأ تقريرنا بعون الله ..
بعرفكن بنفسي :
اسمي ماء رقراق عمري 17 عام آخر سنة في الثانوية من فلسطين قررت مدرستي ان تقيم رحلة للبحر الميت
او بالأحرى للطريق إلى البحر الميت لمدة يومين وليلة واحدة .. الحمد لله اهلي وافقوا دون اية مشاكل
الشي المشجع ان صفي معظمه بنات ومعظمهم رايحين .. يعني رحلة بناات بالدرجة الأولى
كنت متحمسة جداااا للرحلة يمكن لانه من مدة ما نمت خارج البيت وبدون اهلي كماان
قبل الدخول في التجهيزات للرحلة لازم احكيلكن معلومة صغيرة ..
{
قلتلكن اني من فلسطين لكن للتحديد اكثر للداخل الفلسطيني اي المعروفين باسم " عرب 48 " او حتى " عرب اسرائيل "
في اختلاط مع اليهود خصيصا للعرب العايشين في المدن المختلطة كحيفا , تل ابيب ....
حتى المنتجات منستعمل منتجات عبرية والهوية زرقاء كذلك
ما باليد حيلة هذا قدرنا الروح في مكان والجسد في مكان والحمد لله على كل حال
ما بنكر ان الشي صعب.. صحيح اننا عايشين والحمد لله احسن من كتير ناس لكن صعب الاحساس انك ضايع وما الك وجود وكتير مرات بشعر بالغربة والحزن وبحاول جرب احساس تكون الك دولة ووطن بس ما بعرف هذا الشعور صعب اتخيله بس يمكن اهون من انه يكون الك وطن وتكون مظلوم فيه وما بايدك تعمل شي
}
خرجت عن الموضوع بس حسيت ان المقدمة هذه ضرورية علشان الشرح للاجزاء الجاية
ان شاء الله بشوفكن بكرة مع اول جزء
تحضيراتي للرحلة
في امان الله
الروابط المفضلة