جولة ربيعية ... نزهتنا فى البارك ✿ نزهات الربيع .. والجو البديع ✿
طبعا إحنا الربيع عندنا ربعه ربيع و٤/٣ شتا وتلج
يعني لسه يا دوب الأسبوع ده الثلوج بدأت تتحول لأمطار وبدأت الدنيا فعلا بالإخضرار الجميل والبراعم بدأت فى النمو .. عارفة فى بلادنا العربية الوقت دلوقتى تقريبا صيف خلاص إنتهى الربيع ... فى السبرينج بريك عملت بحث على العم جوجل وطلعات كام حديقة عامة ( بارك) قريبة لينا ويكون فيها ألعاب للأولادى ( بلاى جراوند) وفيها حمام وتكون جديدةوأخدت معايا الآتى
شنطة فيها لبس إحتياطى لأولادى الصغيرين
شنطة إسعافات أوليه يعنى وايبس وبلاستير وكده
شنطة فيها أكل وميه من البيت عادى يعنى ساندويتشات جبن وبسكوتات عصير … فاكهة اللى موجود عندك فى البيت
شنطة فيها كتب لى للقراءة أو المصحف بتاعى يعنى حاجة أتسلى بيها هناك – ولو إنهم مش بيسيبونى أزهق يعنى
ولعب بقى وكورة وحاجات كده للأولاد
وطبعا أخدت العياااااال
الجو كان جميل فعلا وإستمتعنا بالربيع
شفنا الشجر وهو لسه بيطلع الورق النونو بتاعه
والبط
وكمان الوز
وهم بيعوموا فى البحيرة بعد ما التلج ساح
وإبنى الصغير كان مبسوط جدا من الوز والبط وبيشاور عليهم وبيقول عليهم بيبى
ومش راضى يمشى من قدامهموقلنا سبحان الله على جمال صنعه
الغريب فعلا إن البط والوز ده بيعوم فى البحيرة حتى لو هى متجمدة!!! بيشوف أى جزء فيها مش متجمد وبيقعد فيه !!! طيب مش سقعان؟ سبحان الله عليه
أرجو إن تكون جولتى عجبتكم وهأبقى أجيب لكم كام بطاية على كام وزة فى ركن الأطباق ههههه
تسلموا لى آل السياحة وتسلم فوفو على الدعوة الجميلة
تعليق