يا أهل السعودية ... بسرعة

سلام عليكم أولا
أنا غدا بأذن الله مسافرة ... للعمرة
ان ما فيها ثقلة ... بغيت تقولولي فنادق 5 نجوم أو حلوة في الطائف لأني بمر كم يوم فيها
.... و لو تكرمتوا أي شي حلو فيها قولولي .....
و تسلمون ..
بسرعة لو تسمحون ترى غدا مساء طائرتي ...
و الله يعطيكم العافية ....
و اسمحولي على الازعاج ... والسلام

وينيا أهل الخير ... دلوني ...
ما باقي وقت . والله ما رح أنساكم بالدعاء في مكة ..

والله يا عيوني من زمان عن الطايف لكن اللي اعرفه ان فيها فندق الانتركونتيننتال,وأكثر شي عجبني في الطايف حديقة الملك فهد ,الله يسمح دربكم ,تروحون وترجعون بالسلامة.

وعليكم السلام ورحمة الله وبركاته ..
حياك الله أختي آمنة .. ويا هلا بك معنا ..
اعذريني ما أقدر أفيدك بشيء بخصوص الطايف .. لو تبين مكة ممكن أنا حاضرة ..

مشكورين يا خاواتي ... بغيت الأماكن السياحية في الطائف ... وعن مكة ..أن عارفتنها يا سلفية .. زرتها أكثر عن 10 مرات و مشكورة .... بسرعة ترى طيارتي الساعة 8 مساء بتوقيت الأمارات , و توقيت السعودية 7 ..
أنتظركم لاتبخلون علي ..

هن أحد فيكم بيزور دبي ..ترى أنا في الخدمة ...

وينكم ... لا تبخلون علي ... ما باقي الا كم ساعة.. شوي أعدل شنطتي و شوي أشوف اذا في حد رد جديد ... خيبت ظني فيكم ... لكن السليفة و شهلاء و الله عالعيون من فوق و أرد أشكرهم ..

للاسف جيت متاخره واجد
الطائف كلها مناظر خلابه ومنتزهات منتشره في جميع مناطقها من الشفاء الى الهدى الى السيل الكبير فيها حديقة الملك فهد والخط الدايري وغدير البنات وسد عكرمه وغيرها كثير
واهم من ذا كله ان فيها الكثير من الجمعيات الخيريه مثل جمعية اليقظة النسائيه والندوه العالميه للشباب الاسلامي ومراكز دعوت الجاليات الاسلاميه
وفيها الكثير من الاثار مثل مسجد الكوع ومسجد ابن عباس وقصر شبرا واكثر مناطق المملكه المعروفه بكثرة المناطق الخلابه
اتمنى لك عمره مقبوله ورحله سعيده

هلا ... أديت العمرة والحمد لله .. و زرت الطائف , و مشكورين ... و أي استفسار عن دبي أنا تراني في الخدمة

عزيزتي ..تقبل الله منا ومنك صالح الأعمال ..

كم كنت اتمنى اننا لم نخيب ظنك فينا كما قلت

وكنت اتمنى انني استطعت ان اساعدك وافيدت ...فقد زرت الطائف منذ وقت قريب ..

ولكني بصراحه لم ارى موضوعك إلا الأن !!..لأن مروري على ركن الصيف قليل ( يا ويلي من سلوفه )

..اتمنى ان تكوني استمتعت في رحلتك واتمنى ان اساعدك في زياره قريبة لسعودية

واعذرينا ...وسامحينا ...