اخواتي الفلسطينيات: نازله السنه لفلسطين وعندي اسنفسار

السلام عليكم ورحمة الله وبركاته:
ان شاء الله السنه عالصيف نازلة لفلسطين عن طريق الاردن
وطبعا لازم المرور عن طريق الجسر والمعابر...........الخ
انا عندي اطفال و حابه اوخد معي عرباية للاطفال" التوأم"
والهدف انها تبقى معي وتريحني خاصه لما يناموا.......
سؤالي: هل يسمح بان تبقى معي؟ام تؤخد مع الشنط ولا استفيد منها؟
رجاءا اللي جرب او بعرف حدا جرب يساعدني
لاني ما بدي اوخدها معي وعلى الفاضي ما استفيد منها
الله يخليكم اللي عنده فكره ما يطنشني
ولكم مني اغلى تحيه

شو يا جماعه ما حدا فلسطيني هون؟
وما حدا عنده اي فكره عن الموضوع؟
شكرا للجميع

غلاتي ان شاء الله البنات حيساعدوكي وهذا اكيد

أتمنى لكي رحلة موفقة ..

اتوقع انها راح تبقى معك لانو كل فتره بيعملو تسهيلات يعني اتوقع راح يفتشوها وانتي داخله وخلص مش راح يوخدوها مع الشنط
صراحه انا ما عمري اخدت هيك اشياء -- بس سلفتي بس يجو من السعوديه بكون معهم كوت و عربايه اتوقع انو بيصير
راح اسالك علشان اتاكد منهم

كتبت بواسطة ward_84

غلاتي ان شاء الله البنات حيساعدوكي وهذا اكيد

أتمنى لكي رحلة موفقة ..

مشكورة اختي المشرفه على الاهتمام

كتبت بواسطة هنلي

اتوقع انها راح تبقى معك لانو كل فتره بيعملو تسهيلات يعني اتوقع راح يفتشوها وانتي داخله وخلص مش راح يوخدوها مع الشنط
صراحه انا ما عمري اخدت هيك اشياء -- بس سلفتي بس يجو من السعوديه بكون معهم كوت و عربايه اتوقع انو بيصير
راح اسالك علشان اتاكد منهم

بارك الله فيك اخت هنلي والله يطمنك انه هناك فيه تسهيلات
ياريت تسأليلي عن الموضوع، اهلي خارج البلاد وهاي اول مره بنزل مع اطفال
مشكورة مرة تانيه على الاهتمام وعلى فكرة احنا جيران

سالتلك دار سلفي لانهم بالسعوديه وكل سنه بيجو على الصيف
الا حكولي بيوخدوا العربايه والكوت للتفتيش مع الشنط
بس انتي ما تهملي هم
يعني زمان كانو يوخدوا اجرءات كتيره والواحد يطول على جسر اليهود
هسه مسهلين كتير يعني بيخدوا الشنط وبيفتشوها والجوازات وبعدها بينادوا على اساميكم وتلاقي الشنط جاهزه
زمان كانت غلبه -- كانو يوخدوا كل اشي شنط اليد والله يكرمك الاحذيه -- تقولي جواهن صاروخ -- وكنا نضل قاعدين حافيين اتخيلي وبعدها ينادو علينا ونفوت على غرف والمجندات يفتشونا تفتيش داخلي -- بس هسه ارحم -- الله يغضب عليهم
بعدين ما بعرف اذا عندك فكره عن ال vip هاي فتره الصيف بتكون موجوده
يعني بس تكوني على جسر الاردن خاصه فتره الصيف بيعملو هاي الخدمه -- بتكون سيارات مكيفه باصات زغيره او تاكسي كبير يعني -- وبتركبي من جسر الاردن وبتضلي بالسياره والسائق بوخد الجوازات وكل الاوراق وبينزل وهوه بيمشيهن وما بتمري على جسر اريحا -- يعني نفطه تفتيش اريحا -- علمك تفتيش عند الاردن وتفتيش يهود وتفتيش في اريحا -- بس هاي خدمه vip
تدفعي على الشخص الواحد 50 دولار حسب كل سنه بتكون سعر غير يعني سنوات بتكون 70 دينار ومرات 70 دولار واخر مره كانت بين 60 الى 50 دولار -- انتي بس تكوني على جسر الاردن اسالي هناك السيارات لونهن ابيض ومحطوط عليهم vip يعني راح تلاقيهم قدامك
واي اشي نحنا بالخدمه يا اختي واهلا وسهلا فيكي يا قلبي
بس ما حكتيلي من اي منطقه انتي

مش عارفه كيف بدي اشكرك اخت هنلي على المساعده والله يسعدك وينولك كل اللي في بالك، والله حكاية vipهاي كتير مريحه وعجبت زوجي كتير وبتفيد اللي معه اطفال صغار خاصه في الحر وما كنا سامعين في هذا الموضوع من قبل.............لما ننزل على الاردن راح نسأل عن هذا الموضوع.......
احنا سالنا بيت حماي عن موضوع العربايه بس حكوا ما بنعرف وما كلفوا حالهم يسالولنا حدا بيعرفوه........ههههه
انا من طولكرم و عايشة في السويد......
يعني جيران و لا لا؟
تسلمي يا عسل على كل الاهتمام ويجزيك كل خير عنا.

ولو واجبنا اختي واي اشي نحنا بالخدمه ... المهم توصلو بالسلامه يا قلبي
بعدين جيران ونص و اهل كمان في النا قرايبنا متزوجين في طولكرم من زمان وبعرف ناس كتير هناك
على فكره دار سلفي نازلين على الضفه في 19/6
راح اسالهم كيف الطريق لانو علمك الصيف كل الحبايب والقرايب بيجو هون
يلا توصلوا بالسلامه ان شاء الله

ربنا يوصلك بالسلامة
وتبقى صيفية كلها خير وسعادة