سيــــــــــــــــــــاحه

السلام عليكم أتمنى أن هالموضوع يلقى منكم شئ من التجاوب ...((متشائمه))
من منكم مايحب السفر ومن منكم ماتسافر سواء داخل بلادها أو خارجها ولا حظت أن المنتدى يحوى عدد هائل من العضوات الي يعيشون ببلاد عربيه أوغربيه أشرق اسيا حتى
معي يـ(ابنه الرجل)تراى كاتبه هالموضع خصوصاً لكِ
ندخل في الزبده ياليت كل وحده تقولنا :
1_وش الاماكن السياحيه في البلد الي موجوده فيه
2_وش الاسواق الرخيص والي بضاعتها حلوة علشان الهدايا
3_وش الاماكن الي نبتعد عنها وتخدش حياءنا كمسلمين
4_ومادرى وش بعد؟؟ أكيد الصيف أنشاء الله كل وحده نا ويه على بلد وودنا نستفيد؟!
علشان كذا وش رايكم نبدا بـأبنه الرجل علشانها في ماليزيا الي صايره فرع السعوديه من كثر ماطاحو فيها العالم وكل واحد يعطيك كلام الي يقول تجيب المرض وع والي يقول تهبل وتاخذ العقل والي يقول رخص التراب والي يقول غاليه..............الخ
واهل مكه ادرى بشعابها صح يابنه الرجل
((ياحبي للهذره))
ولاتخلونا يابنات الامارات وعمان وسوريه ...الخ هالله هالله كل واحد يجيب ازين ماعنده ولو ينظم بجول ياسلام الواحد يطبع الجدول وياخذ الشنطه ويتكل ((طاش ماطاش))
في انتظار أعلومكم الزينه

ههههههههههههه

مشكورة اختي قوت على هذا الموضوع الحلو واتمنى من بقية الاخوات المشاركة

ولعل هذا الرابط يفيدك

كل عضوة تقول مميزات مدينتها

الله يحييك معانا أحتي قوت

لو تكلمت عن ماليزيا راح يكثر الكلام وعشان كدا راح أختصر لك

الأماكن السياحية:

تختلف من منطقة لأخرى

مثلا في كوالالمبور عندك ( جنتينج هاي لاند) صنواي براميد + صنواي لاجون + حديقة الحيوان + حديقة الفراشات + ووندر لاند + كاميرون هاي لاند......غير السواحل

اما الأسواق

عندك

كوتا رايا

سوقو

الشارع الصيني

الشارع الهندي

ميجا مول ...............



طبعا الأماكن اللي تخدش هذي في السواحل

دور السينما

وأهم شيء عدم الخروج إلى ساعات متأخرة لأنه في ضرر من كثرة الأندونيسيين عندنا



طبعا هذي نبذة وانا قيد كتبت عن الموضوع من قبل



واذا بغينتي اي استفسار انا حاضرة



هذي المواقع ممكن تفيدك

www.arab4travel.com

www.malaysiaarab.com

الله يجزااااكم كل خير ..أشكركم على التجاوب
غاليتي أم مشاري معليش ماشفت هالموضوع من قبل ..وأذا عندك روابط ثانيه لا تبخلون علينا ..
أختى صدى ..معلومات حلوة وقيمه بس الزياده ماتضر أنشالله تنفع ولو بتحطون كل بلد في موضوع مستقل قابل للزياده والوحده على طول تختار البلد الى تبيه بدل ماتحوس فأنتم ابخص

بس ياعمرى بالنسبه للموقعين الي حطيتيهم ينفتحون كرسايل مو مواقع ليش ؟؟؟؟؟؟؟؟؟؟

ونسيت أقولكم ...

وش رايكم بالمكاتب السياحيه وعروضهم ومن جربهم علشان نستفيد من الكويس ونبعد عن النصابين !!!!!!!!
والسفر بدون هالعروض صعب والالا؟؟؟؟؟؟؟؟؟

اعذريني يا قوت ما كتبت كثير لأني أستعمل لوحة مفاتيح المنتدى والكمبيوتر يكتب انجلش ..

والله ييسر لك.. اذا بغيتي تجي اعطيني خبر ترا انا وام بسملة قريبين في الأماكن

أنا من السعوديه ياعيوني ..
وأكيد أذا بجي ماليزيا بعطيك خبر لاني...........


































ودي..


























أمطخس((يعني أبوسك ))
لانك معطيتنى وجه بالمنتدى وسخيه بالردود الله يجزاك كل خير


وبالنسبه لهالمكتب وش ميزته ! يعنى عروضه حقيقيه والا اسعاره رخيصه وضحي لي الله يعافيك وانا ممكن احجز من الرياض على طووووووووووووول


وحدة ماصدقت تبي تسافر !

ابنه الرجل اعتقد انك غيرتى اسمك !!!!!!!!!لصدى حلو

قوت موضوع رائع خاصه انى ناويه ان شاء الله اروح ماليزيا

ابنه الرجل نبى التفصيل الممل بارك الله فيك

جورى ..أشكرك على التجاوب وياله شدى حيلك معي خلينا نسال صدى عن كل شي حتى ((نمل ))ماليزيا ههههههههه ..الله يقويك ياصدى
صدى أنت قلتي لاتتجولون باليل علشان الاندونوسيين ؟؟؟؟ ليش هذاهم يشتغلون عندنا وش حليلهم وغير كذا مسلمين طب ليش ينخاف منهم ؟؟
وعندي سؤال ثانى عن ..





الاكل....يقولون الواحد في ماليزيا يموت من الجوع صحيح والا لاني اشوف كثير ناس لراحو لماليزيا يحملون معهم كراتين مليانه رز+حليب+نواشف+مكرونه+.....كل شي تقريباً؟؟
أفيدينا الله يعافيك لاني لوسافرت باخذ اطفالي معي ومايهون عليك يموتون من الجوع !!

وغير كذا باسألك عن اللغه يتكلمون عربي زين والالا طيب وشلون تتفاهمين معهم((هالسؤال علشان لو الواحد سافر من غير عروض هالمكاتب لانها تقيد الجلسه في كل مكان كم يوم والواحد يبي يصير فري))

عزيزاتي قوت وجوري


راح أرد شوي شوي


إذا كنت راح تسافري على هنا الأفضل بدون شؤكات السياحة لأنها تاخد فلوس على الفاضي وانا مستعدة أوفر لكم ناس يمشوكم على كيفكم والأسواق هذي تخصص نسائي ( يعني أنا اول من يدلها) أما أماكن التمشية أنا مستعدة آخدكم للأمكان اللي في كوالالمبور وما جاورها والأماكن اللي يتيسر لي أروحها

وتقدري تقعدي في ماليزيا المدة اللي تعجبك بس ما تكون أكثر من 3 شهور فيزة سياحة والأغلب ييجوا شهر شهر ونص ويروحوا

أما الأندونيسيين اللي عندنا فهم في أماكن معينة وانصحك ما تروحيها مثل منطقة ( شو كيت) هذي إلى الآن ممنوعة علي وانا لي 4 سنوات هنا!!!
امممممممممممممممممممممم


من عادة ماليزيا انهم ما يكونوا سهرانين الليل يعني الأسواق تقفل الساعة 9 ونص 10 بالكثير عشان كدا الخرووووووووووج في الليل ممنوووووووووع وانا بالنسبة لي أخااااااااااااااف وخاصة على الأطفال انهم يخرجوا بعد العشاء.. أدري انكم تحبوا السهر لكن في البيت والفندق..

أما الأكل فطبعا الأكل الآسيوي مليــــــــــــــــان فلفل يعني حار وأغلبه رز في رز إلا المطاعم المتحضرة ( ويست فوود) هذي أوكيه

ماعمري تخيلت ناس يجيبوا رز من السعودية!! ماليزيا بلد الأزر!!!

بالنسبة للنواشف الأفضل انك تحلي معاكي جبن وحلاوة طحينية وطرشي ووووو على الأقل خذي الخفايف للفطور لأن عادة الفطور في الفنادق يبدأ الساعة 7 وينتهي الساعة 10 يعني مستحيل تصحو للفطور وهذا اللي صار مع أختي غير ان الأطفال يحبوا الأشياء هذي

إذا كان معاكي أطفال رضع الأفضل انك تخلي معاكي كمية كافية عشان لا يتغير الحليب على الطفل

عندنا مطاعم عربية لكن أسعارها مرتفعة شوي مثلا علبة القشطة في السعودية 3 ريال عندنا 5.. ورق العنب الحبة الجاهزة بريال ................

عندنا مجموعة لا بأس بها عرب لكن ما يفهموا غير الفصحى والأفضل تتكلمي انجليزي معاهم وانا عادة اخلط بين الانجليزي والماليزي وأهل البلد عادة لما يشوفوكم راح يعرفوا انكم عرب حتى لو اتكلمتوا ألماني!!!!


وأهم شيء طبعا الحجاب على الأقل حجاب الرأس والملابس الساترة عشان أهل البلد عندهم اعتقاد ان العرب مقدسين وخاصة من السعودية غير انهم يحترموك أكثر لما تكوني محافظة على مبادئك..



اذا مابغيتوا تيجوا مع الشركات يكون احسن وتاخدوا راحتكم بس خبروني وانشاء الله اروح او أرسلكم أحد على المطار لأنكم لو أخدتوا تاكسي من هناك راح يكون فوق 140 ريال



واذا عندكم أي استفسار أو مساعدة خبروني ولا تستحوا