إلى بنات الرياض و المقيمات ....ساعدونى

**never_tety** · 31-08-2008, 05:15 PM

قبل كل شئ كل عام وأنتن بخير و رمضان كريييييييييييييييييييييييم
أنا والله محتاجة بجد لمساعدتكم و عارفة أنكم مش هتزعلونى مش كدة وإلا إيه؟؟؟؟؟؟
زوجى إن شاء الله هيسافر الياض فى خلال شهرين و عايزة حد يدلنى على أماكن شقق للإيجار عائلية طبعا و تكون سعرها مابين 22_25 ألف و كمان تكون قريبة من العمل اللى عنوانه حى العليا شارع عبد الملك بن مروان شمال فندق الإنتر كونتننتال وتكون شقق جديدة و مساحتها معقولة مش ضيقة يعنى واللى تعرف أى معلومة تكتب العنوان وأخوه هناك هيشوف الشقق لأن شركة زوجى مستعدة تأجر الشقة قبل ما يسافر حتى لا تدفع نفقات الفنادق .
كمان سمعت إن تقسيم الشقق فى الرياض غير جدة فلقد كنت مقيمة هناك ..فهل حقا أن الشقق كلها عبارة عن مجلس مقفول و الغرف منفصلة و مفيش ريسبشن و إن بيكون فى حمام بكرسى و التانى من غير يعنى التواليت بلدى أى من غير كرسى ؟؟أرجو الإفادة أرجوكم ولو فى غير التصميم ده قولولى
يالا بقى ردوا عليا بسرعة بجد محتاجة ردودكم مهمة لأننا لقينا شقة فى المربع مجلس وغرفتين بالدور الأخير و معها جزء من الروف و هى واسعة مش ملحق يعنى وب22 ألف و الراجل مستنى الرد بس أنا خايفة من الدور الأخير

**نايس1** · 31-08-2008, 07:19 PM

السلام عليكم حبيبتي
انا لا اعرف شقق فاضيه لان ليس لي اختلاط باحد
ولكن ساجيبك علي استفسارك انا شقتي مثلما وصفتي بالضبط ليس بها ريسبشن هو عباره عن مجلس مقفول وغرفتين وحمامين واحد افرنجي وواحد بلدي بس انا اعرف واحده تسكن قريبا مني شقتها بريسيبشن عادي
فمش كل الشقق كده
والسعر الي ذكرتيه جيد ولككن احذري من الدور الاخير لن الجو بيكون صعب اوي
انا ساكنه في الدور الارضي وهو جيد من ناحية الحراره زي مصر عادي مش حر اوي
ارجو ان اكون افدتك باي شيء

**never_tety** · 31-08-2008, 07:34 PM

كتبت بواسطة نايس1

السلام عليكم حبيبتي
انا لا اعرف شقق فاضيه لان ليس لي اختلاط باحد
ولكن ساجيبك علي استفسارك انا شقتي مثلما وصفتي بالضبط ليس بها ريسبشن هو عباره عن مجلس مقفول وغرفتين وحمامين واحد افرنجي وواحد بلدي بس انا اعرف واحده تسكن قريبا مني شقتها بريسيبشن عادي
فمش كل الشقق كده
والسعر الي ذكرتيه جيد ولككن احذري من الدور الاخير لن الجو بيكون صعب اوي
انا ساكنه في الدور الارضي وهو جيد من ناحية الحراره زي مصر عادي مش حر اوي
ارجو ان اكون افدتك باي شيء

أهلا نايس شكرا جزيلا على الرد الجميل و المفيد فلقد وضحتى النقاط المهمة اللى أنا عوزاها

**ღ ريــم ღ** · 01-09-2008, 05:15 PM

جزاك الله خيرا اختي على المساعدة

**never_tety** · 01-09-2008, 07:39 PM

إيه يا جماعة إنتوا مستخسرين فيا رد و لا إيه...ده إحنا فى رمضان يعنى إعملوا خير وريحونى من التفكير شوية و الله هزعل منكوا.. اللى عندها أى معلومة تكتبها أكيد هتفيدنى