من لدية خبرة بسفر الى سوريا (بسيارة) لاتبخل عليه

**عوده** · 11-06-2008, 07:27 AM

السلام عليكم ورحمة الله وبركاتة
لي طلب صغير
وهو ان بعد شهر انشاءالله مسافرين سوريا
ومختلفه

انا وابو الشباب انا ابغا اسافر بطيارة
وهو يبغا يسافر بالسيارة
وشكله فى الاخير سيارة

سوالى كم ساعه من جدة الى سوريا
وايش احتاج عشان الرحله ومعنا 3 اطفال
الله يخلكم رد عليه

**السلطانة** · 11-06-2008, 12:18 PM

واو والله المسافة طويلة بالحيل من جدة لسوريا
2013.27 km !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

تقدرين تستحملينهم واليهال معاكِ ؟؟؟؟

**مميزه باسمي** · 11-06-2008, 01:46 PM

اختي العزيزه:
ترى الطريق مسفلت ورائع جدا جدا
بس لانو اول مره ومعاكم اطفال ياريت يكون معاكم رفيق للسفر
يقلك:الرفيق قبل الطريق..

انا سافرت سوريا بالبراربعه مرات
اول مره كنا مع خالي بوحده سياره نحن و بزورت خالي ما تعبنا كتير في الطريق رغم اننا كنا بالمرررررررررررره كتيرين ماشاء الله في السياره..
و التلاته المرات الباقيه لا لحالنا
و دحين سافرت مع اهل زوجي بس اخدنا طياره الين القريات و منها بالسياره
السياره شحناها قبلها باسبوع برضها فكره طيبه
لانو هناك رح تحتاجو سيارتكم بالمره كتير ...
اما عن احتياجات الاطفال ..
خدي معاك (عيش وجبنه)عشين اذا جاعوا البزوره في الطريق و كمان شويه تسالي(ليز و تسالي و شكولاتات )المهم شئ تشغليهم بيه ...
و لزوجك خدي فصفص عشين لا ينام...
نصيحه استخدمو طريق الساحل لانو احلى و تمرو بيه على كتير من المدن(الوجه ,ضبا,رابغ,ينبع)<<مني عارفه الترتيب..
و كمان منها انكم رح تكونوا جوة مدن ودا فيه امان اكتر و اهم شئ طريق ينبع مافيه و لا محطة بنزين فلازم تكونوا محطاطين و كمان الاردن بنزينهم ما يمشي مع سياراتنا في السعوديه فاحطاطو و ملوا بنزين و عموما اللي تاخدوه من الحدود السعوديه رح يكفيكم ان شاء الله الين توصلوا سوريا بالسلامه..
و نحن كنا نوقف في مكانين..
الاول:بعد الوجه في مطعم تركي -هوا في الطريق الراجع للسعوديه بس نحن كنا نلف و نرجع له..جنبوا في مكان فيه حيوانات محنطه و كدا ..
هناك الوالد كان يريح و يمدد جسموا شويه لانو فيه غرف مقفه -بس المستوى مو مره عالي يعني طيب احسن من الباقي..
و نشد تاني الين ما نوصل الحدود السعوديه اللي جنب تبوك و هناك فيه-ساسكو- كنا نقعد نريح فيه خمسه سته ساعات..
الادويه:
لازم تاخدي معاك ادويه(اسهال)للكبار و الصغار..لانو اكتر مرض ممكن يصيب الواحد هناك بسبب كترت اكل الفواكه..
و طبعا غير ادوية الزكام و الكحه و دي الاشياء اللي لازم تاخديها في كل مكان للاحتياط..
و كمان خدي معاك -كمون مطحون- و حطيه على اللبن و كلوه هناك رح يحمي الاطفال من الاسهال باذن الله..
و خدو معاكم في الطريق خريطه اعتقد انها تجي مع(التربتك) لانها بالمره مهمه
نحن كنا ناخد في الطريق يوم و ليله بس الراحه قليله..
افضل امشو من ادان الفجر عشين توصلوا الحدود على الساعه 11 او 12 في الليل بعدين ريحو و كملوا على سوريا بعد الفجر

و ان شاء الله تكون رحله سعيده و موفقه

**عوده** · 11-06-2008, 07:28 PM

كتبت بواسطة السلطانة

واو والله المسافة طويلة بالحيل من جدة لسوريا
2013.27 km !!!!!!!!!!!!!!!!!!!!!!!!!!!!!!!!!!!!!!!!!!!!!!!!!

تقدرين تستحملينهم واليهال معاكِ ؟؟؟؟

والله مااقدر بس مش عارفه اعمل ايه
غير انى راح اتجنن معاهم

**عوده** · 11-06-2008, 07:36 PM

كتبت بواسطة مميزه باسمي

اختي العزيزه:
ترى الطريق مسفلت ورائع جدا جدا
بس لانو اول مره ومعاكم اطفال ياريت يكون معاكم رفيق للسفر
يقلك:الرفيق قبل الطريق..

انا سافرت سوريا بالبراربعه مرات
اول مره كنا مع خالي بوحده سياره نحن و بزورت خالي ما تعبنا كتير في الطريق رغم اننا كنا بالمرررررررررررره كتيرين ماشاء الله في السياره..
و التلاته المرات الباقيه لا لحالنا
و دحين سافرت مع اهل زوجي بس اخدنا طياره الين القريات و منها بالسياره
السياره شحناها قبلها باسبوع برضها فكره طيبه
لانو هناك رح تحتاجو سيارتكم بالمره كتير ...
اما عن احتياجات الاطفال ..
خدي معاك (عيش وجبنه)عشين اذا جاعوا البزوره في الطريق و كمان شويه تسالي(ليز و تسالي و شكولاتات )المهم شئ تشغليهم بيه ...
و لزوجك خدي فصفص عشين لا ينام...
نصيحه استخدمو طريق الساحل لانو احلى و تمرو بيه على كتير من المدن(الوجه ,ضبا,رابغ,ينبع)<<مني عارفه الترتيب..
و كمان منها انكم رح تكونوا جوة مدن ودا فيه امان اكتر و اهم شئ طريق ينبع مافيه و لا محطة بنزين فلازم تكونوا محطاطين و كمان الاردن بنزينهم ما يمشي مع سياراتنا في السعوديه فاحطاطو و ملوا بنزين و عموما اللي تاخدوه من الحدود السعوديه رح يكفيكم ان شاء الله الين توصلوا سوريا بالسلامه..
و نحن كنا نوقف في مكانين..
الاول:بعد الوجه في مطعم تركي -هوا في الطريق الراجع للسعوديه بس نحن كنا نلف و نرجع له..جنبوا في مكان فيه حيوانات محنطه و كدا ..
هناك الوالد كان يريح و يمدد جسموا شويه لانو فيه غرف مقفه -بس المستوى مو مره عالي يعني طيب احسن من الباقي..
و نشد تاني الين ما نوصل الحدود السعوديه اللي جنب تبوك و هناك فيه-ساسكو- كنا نقعد نريح فيه خمسه سته ساعات..
الادويه:
لازم تاخدي معاك ادويه(اسهال)للكبار و الصغار..لانو اكتر مرض ممكن يصيب الواحد هناك بسبب كترت اكل الفواكه..
و طبعا غير ادوية الزكام و الكحه و دي الاشياء اللي لازم تاخديها في كل مكان للاحتياط..
و كمان خدي معاك -كمون مطحون- و حطيه على اللبن و كلوه هناك رح يحمي الاطفال من الاسهال باذن الله..
و خدو معاكم في الطريق خريطه اعتقد انها تجي مع(التربتك) لانها بالمره مهمه
نحن كنا ناخد في الطريق يوم و ليله بس الراحه قليله..
افضل امشو من ادان الفجر عشين توصلوا الحدود على الساعه 11 او 12 في الليل بعدين ريحو و كملوا على سوريا بعد الفجر

و ان شاء الله تكون رحله سعيده و موفقه

والله ياحبيبتى ما قصرتى وشكرا على المعلومات المهمه
وجارى طباعة الصفحه

**مجرد انا** · 11-06-2008, 10:54 PM

انا سافرت لسوريا بالسيارة والله (هجولة) وخاصة مع الاطفال والطريق كله ملل
نصيحه بالطيارة اسهل وافضل

**مميزه باسمي** · 12-06-2008, 08:50 PM

عفوا عيوني :
بس في اماكن بدي ادلك عليها :
المطعم السويسري ---في طريق الزبداني و انت طالعه من دمشق---مطعم خرااااااااااافه زيوو عمري ما شفت ...
سوق الحميديه في دمشق --في نهايتو في المسجد الاموي مبني من ايام الامويين -- و فيه محل ايس كريم يعملوا لك الايس كريم قدام عينك رهيييييييييييييييييييييييب--
سوق الحمرا--في الشام فيه محل ملابس سهرات خراااااافه اسمو(شو مي) --
منطقة الزبداني منطقه مرتفعه (زي الهدا) رووووووووعه جوها خطير نحن ما كنا نسكن الا هناك ..
في دمشق --ملاهي كبييييره اسمها(الهابي لاند)زي الشلال عندنا في جده يعني مو مررره زي الشلال بس والله مررره مرتبه و العابها حلوه بس نصيحه روحوها من العصر لانو على الساعه تسعه او عشره يبداو الناس يخرجوا منها ..
دمشق--مطعم (ابو كمال) مطعم قديم يعني من زمان فاتح و اكلو رهيب..
وانتو هناك اسالوا عن الاماكن السياحيه ترى سوريه حللللللللوه

انا رحت الاردن و رحت ماليزيا
و رحت سوريا انبسط في سوريا مررره كتيرر

و الله ييسرها
و قبل كل شئ استخيروا و الخيره فيما اختاره الله

**شام روز** · 14-06-2008, 07:33 PM

عزيزتي
في البداية أهلا وسهلا بك في سوريا وإن شاء الله تروحي وتجي بالسلامة وتكون رحلة مميزة
أولا رحلة بالسيارة أنا ما بدي أشيشك على زوجك لكن لا وألف لا رحت بالسيارة من الامارات لسوريابالسيارة وكان عندي بس ولدين ومتت وأكثر شي أتعبني مسألة الحمام تكرمين لحنا الحريم غير عن الرجال يعنيالصراحة الحمامات في بعض الاستراحات كانت لا تطاق ومرة كنت بدخل الحمام وجدت هناك سجادة سوداء في انتظاري نسجت بالصراصير والنمل الكبير وأبو العيال يصرخ دبري حالك ياحرمة بالله عليك كيف كنت بدبر حالي ما قدرت و يودت عمري والنتيجة طبعا التهابات

ماعدا تعب البزورة مثل ماتقولون

أنصحك أن تشحني السيارة للقريات وتروحوا بالطيارة للقريات وطبعاً بتوفروا وأسهل

أما عن الأماكن فماشاء الله مميزة باسمي ماقصرت بس أزيد مطاعم القرية وبوابة دمشق ومكانهم طريق المطار بالجهة الأخرى من موقع الهابي لاند الجسر الخامس من طريق المطار بالتحديد

ولا تظلوا بدمشق كثير في أماكن روعة بسوريا مثل صلنفة وكسب ومشتى الحلو وأم الطيور وطبعاً كلهم بتلاقيهم وأنت رايحة على اللاذقية وفعلاً روعة لا تفوتيهم

مرة تانية يامية أهلا وسهلا صدر سوريا لك والعتبة لنا

**عوده** · 17-06-2008, 07:05 AM

مشكورين والله ماقصرته

**وحيده بدنيتى** · 19-06-2008, 11:29 AM

الله يعنيك بالسيارة طووويل ...
جدة _ مستورة - رابغ -ينبع-املج-الوجه-ضبا-تبوك-حاله عمار-الحدود
------------------------------------------------------------------ سوريا والله مشواررررر
الله يوصلك بالسلامة يارب ..