للأهمية ارجو إفادتي عن جنوب افريقيا او جوهانسبيرج

اخواتي الكريمات أأسف لإنقطاعي عن المنتدى0وأود إفادتي عن جنوب افريقيا او جوهانبيرج ومن لديها معلومات عن البلد ارجوا منها المساعدة 0

السلام عليكم...............................مساء الورد,,,عزيزتي ام اليزيدعساكي انشاءالله بالف خير ردا على سؤالك انا زرت جنوب افريقيا بس مانزلت في جوهانسبيرغ ولا اعرف فيها شي الا منجم الالماس الازرق اعتقد انه هناك انا جلست 10 ايام في كيب تاون وتمنيتها اكثر لاني انبسطت فيها وباالصراحه الكل يقول ان كيب تاون احلى بكثير خضار مو طبيعي مناطق سياحيه خياليه سكنت في فندق راديسون ساس غرفه على البحر وقدام غرفتنا الجزيره اللي اعتقلو فيها نيلسون مانديلا بس كانت موت برد والله يوفقك ويساعدك يارب

مشكورة اختي الحايلية وجزاك الله الف خير بس عندي سؤال تستاهل الواحد يروحها والبرد برد معقول يتحمله الاطفال ومشكورة للمرة الالف.

لو سمحتى أختى الحايلية أريد أن اسألك زرتى جنوب أفريقيا فى أى شهر؟
و هل تعرفى كيف هو الجو هناك فى شهر أغسطس؟

يا اختي دام ان المسألة سياحة فليش ما تروحين كيبتاون .. جميلة وآمنة وخلابة المناظر

اما جوهانسبرغ فيقولون انها غير آمنه و أماكن التنزه فيها قليلة و غير مهمة.

لو قررتي تروحين كيبتاون علميناوان شاءالله ندلك وين تروحين وتستمتعين

بصراحه انا ما زرت جنوب افريقيا وشفت عنها برامج هى جميله فعلا بس انتبهى دايما على اغراضك من السرقه او لا تشيلى شى ذو قيمه عااليه معكى

يعني على حسب ما فهمت منكن لا تروحيها احسن . وعن ماليزيا قالولي الاخوات كلام ما يشجع فالله يستر

الله يعطيك العافيه ام اليزيد2006على هالموضوع سبقتينا وانا افكر اروح جنوب افريقيا بس ابغى معلومات تفصيله عن كيب تاون من ناحية الجو والامان والسكن وهل تنفع للاطفال ...شدي حيلك يالسلطانه نبغى تقرير كامل.

والله يااخواتي كيب تاون روعه يكفي الخضار اللي عندهم يجيب العافيه واماكن سياحيه مثل اخر نقطه في جنوب افريقيا طبعا عشان توصليلها وانتي في السياره على يمينك ويسارك خضار يبهرك بعدين يركبونك زي القطاريطلعك على فوق اعلى الجبل وينزلك وشوفي منظر المحيط كيف والله اني شفت الحوت وهو يدور من بعيد منضر يخليكي تقولين سبحان الله 0000000000000وفيه محل اسمها اكويريوم هدا كانك بسط البحر وشوفي اشكال الاسماك0000000000000000000مركز واتر افرونت كبير وحلو ومسلي كل شي فيه وفيها مطعم فيش ماركت لديد مره سكنت بفندق راديسون ساس خدمه ممتازه وخالي يمدح اربيلا شيراتون وفي شهر اغسطس موت بر د وانا رحت في نص شهر سبعه افرنجي وترا في اماكن سياحيه كثيره وترى تستاهل من يتعنالها00000000000000000000

اختي الحايليه متى سافرت قريب والا من زمان وبعدين تقولين موت برد يعني الي بيروح مع اطفاله ماتصلح له واذا ممكن تفيدينا عن اللغه هناك نقدر نمشي انفسنا ولغتنا الانجليزيه بسيطه وهل فيه مترجمين في الفنادق وهل رحتي صن سيتي والا كل جلوسك في كيب تاون ...ياليت تكلمينا عن رحلتك بالتفصيل الممل واعذريني طبعي شين اذا بغيت اسافر لازم اعرف كل شيء عن المكان اللي بااروح له ..لاتفشلينا يابنت طيء