السلام عليكم ورحمة الله وبركاتة ،،،
الله يجزاكم خير اللي يعرف احد في روسيا اوهو في روسيا
يجاوبني ضروري بأسرع وقت ممكن
وانا ما طلبت هذا الشئ إلا لا أني عارفه انكم راح تساعدوني
واذا ماعرفتوا على الأقل دلوني
انا انتظركم ،،،

ربي يوفقك انشالله

كان ودي اساعدك

مشكوره اختي ماتقصرين انوار القصيم
يقولون الجو عندكم كأنكم بأروبا مرررره جنان ضباب وحركات
مو زينا غبار الله يخلف ويهدى المسلمين اللي بالرياض وكل العالم علشان مايحبس القطر
ومشكورة اختي شكلك اسم على مسمى
واحب اطمنك لقيت من يساعدني
مع اني مره مشغوله ولا اقدر ادخل المنتدى يوم شفت ردك عن طريق الإيميل قلت والله تستاهل راح ادخل على الموضوع دغري - يعني على طول - وارد واشكرك لأني ماكسرت خاطر أحد غيرك شكل ابي اسوي اضراب لين يحسون فيني sid ويجبرون خاطري ويردون علي بكلمه زينه تطيب خاطري
والله يوفقك اختي ،،،

أعرف جار لنا عاش 5 سنوات في روسيا

شاهدت مؤخرا تقرير تلفزيوني أنهم يضايقون الأجانب في روسيا


هل تودون الذهاب للدراسة ؟؟؟

أنا شخصيا لا انصح بها

كان عندنا أستاذ في كلية الطب متخرج من روسيا

ليس على هذا المستوى من العلم ؟؟؟

نعم حالقين الرؤوس هم عندهم حساسية كثيره من الأجانب فقط وليس كل الشعب الروسي
لكن مستوى الدراسه يعود على الشخص نفسه انا اعرف ناس كثير آخذين دكتوراه من بريطانيا وامريكا لكن ليس على المستوى العلمي المطلوب لو كان من شخص آخذ بكالوريوس هذا المستوى ماتقبلناه لكن اسم الشهاده ومن اين هي التي لها الصدى الأكبر في هذا الوقت بغض النظر عن المستوى احيانا .
وشكرا على المشاركة والرد على موضوعي

لو سمحت اخ طبيب :
لو تسأل جارك كيف الوضع في المدن الصغيره في روسيا لأني اعرف الناحيه الأمنيه هناك
فكيف يستطيع التعايش في وضع مماثل في المدينه من ناحية الخروج والتسوق فهل هناك مضايقات كثيره ام قليله ؟
ومتأسفه على كثرة الأسئله .

إن شاء الله سأبعث له رسالة لأنه حاليا بعيد عني

ما أعرفه هو أنه كان في موسكو بقي فيها 5 سنوات

كان في البداية معجب بروسيا

حتى صار عنده تغيير في الأفكار

ومن بعد أتى سنتين لفرنسا

بعد ما عاش في فرنسا تغيرت نظرته ووجد أن الوضع في فرنسا أفضل ولا يوجد مقارنة



هنالك نوع من الميليشيات بالتواطؤ مع الشرطة تقوم بالتأكد من هويات الأجانب في الشارع

هلا اختي سهام....
انا عشت في روسيا سنتين لأن زوجي دبلوماسي وكان موظف في السفارة السعودية في موسكو واحب ابشرك ان هالسنتين كانت اسوأ سنتين في حياتي في هالدولة الأوروبية الغريبة العجيبة وانا زرت مدينة سانت بطرس بيرغ في احدى الأجازات والصراحة انا ما عندي اي خبرة الا في هالمدينتين الي يعتبرون الأفضل في روسيا.
واحب اني اقدم لك بعض النصائح اذا كنتي ناوية على السفر لهالدولة.
*** اول شيء المطار للأسف المعاملة من اولها ومن بوابة الدخول زفت في زفت ولاحظي انا اقول زفت على الرغم من ان جوازانا دبلوماسي والمفروض ان المعاملة فية تكون ارقى.. الموظفين ما يتكلمون انجليزي ابدا ويستخدمون لغة الأشارة ووجوهم عابسة والمطار زحمة موت ودائما كنا ناخذ من ثلاث الى اربع ساعات للدخول وباقي المسارات من اربع الى سبع ساعات لكن وش نسوي مرغمين على هالدولة الي لا يودينا لها ثانية.
*** السكن الله لا يوريكي من شقق بدون مبالغة فية نوعين نوع اسوأ من السيء وما اتخيل انة ممكن يعيش فية بشر اعتقد الخيمة بالشارع انظف واكثر امان لأني اتوقع ان الجيران اول من يسرقونا... وفية نوع جدا غالي بشكل غير معقول وطبيعي انة يكون فخم وبحراسة شديدة وما يعيش فية الا الروس الجدد والمصطلح هذا يطلق على الطبقة الغنية بروسيا بعد انهيار الشيوعية.
*** الحمد لله حنا كنا ساكنين في مجمع سكني مستأجر من سفارات دول الخليج وتحت حراسة شركة امنية خاصة وجميع السكان من اعضاء واسر سفارات هذي الدول وهذا هو الشيء الوحيد الي صبرني في هالبلد هالسنتين.
*** الأمن جدا سيء ومخيف بشكل ما تتخيلنة من بعد الساعة 7 مساء لا تفكرين تطلعين من البيت ابدا فية ما فيات سكارى لصوص مشردين اطفال شوارع وسبحان الله اعمارهم صغيرة لكن اجسامهم ضخمة ومافي اي بوليس للأسف البوليس دائما وابدا يجي بعد المشكلة ما تصير يعني بعد ما يكون الفاس طاح على الراس.وللأسف المخدرات يبعونها على الأرصفة بالليل وضع رهيب جدا ما تصورت ان فية بلد بالعالم وضعة مثل كذا ابدا.
*** الريال السعودي = 7.7 روبل تقريبا اسعارهم تعتبر مقاربة للسعودية ما عدا الأجهزة الكهربائية الروسية والجلديات والفرو بجميع انواعة فهي ارخص.
*** السكن غالي جدا واقصد السكن الي ممكن الشخص العادي يرضى فية فمجمع سكني تحت حراسة ايجارة من 5000 الى 6000 الاف في الشهر.
*** شعبهم بصفة عامة لطيف وخصوصا المسلمين وبموسكو فية مليون مسلم بس للأسف اكثرهم مسلم بالأسم لأنهم يجهلون اي شيء عن الأسلام والتعامل معهم في اكثر الأحيان بالأشارة وطبقة الشباب عنصرية ويكرهون المسلمين ودائما يضايقون الأجانب بالصراخ او الأزعاج او النظرات الأشمئزازية وانا اتذكر اننا في السكن كنا نطلع للتسوق قروبات في باص وتحت حراسة امنية بعد وما كنا نطلع الا كل اسبوعين او ثلاثة لأن الحكومة كانت تعطي للسفارات تعليمات بأنها ما تتحمل اي مسؤلية اذا صار شيء لأفراد او عائلات الدبلوماسيين من اختطاف او سرقة بدون مرافقة الأمن لهم ومن الطرائف انا الأمن كان ياخذ فلوس على كل طلعة رغم ان هذا هو من مسؤليتهم.
*** الصراحة انا ما استمتعت بمناطق روسيا السياحية ابدا تخيلي اذا بغيت اطلع انا وزوجي لأي مكان حتى لو مطعم لازم نقول للسفارة متى بنطلع ويين بنروح ومتى نرجع وضع جدا سيء ومخيف كل هذا لأن الأمن غير موجود بهالبلد.
نصيحتي الأخيرة فكري الف مرة قبل ما تروحين لهالبلد سواء دراسة او سياحة وانا كنت اسمع كثير ان السفارة كانت تنصح الطلاب بأنهم يرحون بعض البلاد المجاورة مثل التشيك او بولندا او اوكرانيا للدراسة لأن الوضع هناك احسن كثير معيشيا ودراسيا.
اجمل تحياتي لك

هلا اخي طبيب
جزاك الله خير وما قصرت ولو تسأله المدن الصغيرة غير موسكو كيف وضعها افضل ام اسوأ من موسكو؟
وانتظر ردك .
اختي شقراويه
هذا الكلا م اللي قلتيه عن موسكو التي تعتبر اكثر امنا على حسب علمي فما بالك بمدينه صغيره
ارجوا ان يكون لديك علم عن المدن الصغيرة هل يكون الوضع اسوأ ام افضل ؟
ومن تاحية الخروج للسعوديين المدنيين كذلك مثلكم لازم يكلمون السفاره و يجي شخص ليوصلك للمكان اللي سوف تذهبين إليه .
اختي شكلك مره كارهه روسيا و انا كنت متوقعتها اسوأ من كذا ولكن الحمد لله والشكر على كل حال شكلك كنت متوقعتها حلوه مره وانصدمتي فيها صح ؟
وفيه احدى الأخوات عايشه في احد الدول المستقله عن الإتحاد الروسي وعندها خلفيه عن روسيا وموسكو وشجعتني صراحة لكن انت واااو شايله على روسيا بس اللي رجلوله في النار مو مثل اللي رجوله في الماء . وقالت لىان الخروج عند الضروره فقط ، واخذ الحذر فى شهر 3و 4لان حساسية الروس"حالقين الرؤس " للاجانب تزيد فى الوقت هذا.لكن والله هي دوله حلوة وفيها أماكن كثيرة للسياحة لكن الواحد ما يكون أخذراحته زى أى دوله تانية) هذا كلامها .
وللمعلومه انا مرافقه ليس إلا.
وجزاك الله خير على المعلومات والنصيحة .

أختي الفاضلة

جاري الذي قلت لك عنه هو عاش فقط في موسكو


ما نرى من تقراير عن موسكو هنا في فرنسا


يطابق الوضع التي قالت لك الأخت الكريمة عنه


برأيي والله أعلم إذا كان بالإمكان تغيير الجهة لأوربا الغربية


يكون أفضل