@))* هذرزة ليبية.... صفحه خاصة ...نرحب بالجميع*((@(موضوع متميز)

**RAWAD** · 23-10-2005, 01:53 AM

السلام عليكم ورحمة الله وبركاته

اخواتى فى الله..

لاحظت من خلال اطلاعى على ملف الاكلات الليبية ..

ان هناك شغف من الليبيات و المغتربات بالذات بتلك الصفحة و ذلك للحنين للهجة الليبية

و العادات و الاكلات و غيرها ... عليه... <<خلوا بالكم من الفصحى>>

عليه فكرت فى فتح صفحة فى منتدى ملائم يتمكن الجميع من ارتياده. .

نتشارك فى الاراء و نجيب اسئلة بعضنا البعض و نتناصح فى الله و نستفسر عن معانى

بعض الاشياء الغامضة لنا و التى ترد فى بغض المواضيع باللهجات

الاخرى و غيرها من الفوائد المترتبة على اللقاءات المفيدة ..

طبعا هذا لا ينسينا اننا مسلمون و طبعنا حب الخير للجميع ..

فنحن و ان كان لهذا الموضوع خصوصية ليبية

الا اننا نرحب جدا بالغير ليبين لتبادل الخبرات و الاستفسار عن معانى الكلمات او

لمعرفة العادات الليبية فى مناسبات معينة و تبادل الاراء و وجهات النظر .

ذلك يشمل ايضا السؤال عن بعض الاكلات الليبية القديمة مثلا ..

او الاوانى القديمة و التراث الليبى القديم . و ما الى ذلك من الامور التى تتعلق بالشأن الليبي.

ارجو ان ينال الموضوع استحسانكم و نرجو منكم التفاعل

و نلتقى دائما على خير

اختكم

رواد

**مرارة البحر** · 23-10-2005, 02:18 AM

وعليكم السلام ورحمة الله وبركاته ...

فكرة رائعة وطيبة برشة<<هذي مش ليبية صح؟ أظن جزائرية؟؟

الله يسعدك أختي رواد

... موضوع رائع سيساهم في تعريفنا أكثر بليبيا المسلمة

...

أشجع الفكرة.. وسأكون ضيفة حشرية تسأل عن معنى كل كلمة

...

أتمنى ان أجد في المنتدى في المستقبل مواضيع مشابهة لكل بلد مسلم

...

نحتاج أن نعرف عادات ولهجات بعضنا عن قرب.. لأننا أمة واحدة... وقلب واحد

...

أول سؤال... مامعنى "رواد" ؟؟ هل هي كلمة ليبية؟؟

**زهر النسرين** · 23-10-2005, 03:10 AM

وعليكم السلام ورحمة الله وبركاته

ماشاء الله

الله يبارك فيك اريد التعرف على ليبيا
حلوة الفكرة

فكرة رائعة وطيبة برشة<<هذي مش ليبية صح؟ أظن جزائرية؟؟

تونسية

بالجزائري يقولوا بزاف

**مغتربة** · 23-10-2005, 10:55 AM

وعليكم السلام ورحمة الله وبركاته

غير أمتى صار ؟ هذا وين كان مدسوس ؟ العيد جى ؟

شن هالزينة وشن هاللى يشعل ويطفى ؟ ههههههههههههه

والله إلا منورة يا نوارة ، فكرة تجنن ،

كنت ندير فى طلة ومش ناوية نخش لقيت الإعلان الرهيب الهدرزة الليبية

ما قدرتش نقاوم وجيت جرى

مشكورات أخواتى مرارة البحر و زهر النسرين على التواجد ومرحبتين بيكم

فكرة رائعة وطيبة برشة<<هذي مش ليبية صح؟ أظن جزائرية؟؟

برشة تونسية ، أحنى نقولوا بالليبى فكرة رائعة وطيبة هلبة

خلينى ندير دورة ومولية إن شاءالله تعالى

**RAWAD** · 24-10-2005, 07:42 PM

السلام عليكم و رحمة الله و بركاته
كيف حالكم .. ان شاء الله تكونوا بخير

فكرة رائعة وطيبة برشة<<هذي مش ليبية صح؟ أظن جزائرية؟؟

الله يسعدك أختي رواد

... موضوع رائع سيساهم في تعريفنا أكثر بليبيا المسلمة

...

أشجع الفكرة.. وسأكون ضيفة حشرية تسأل عن معنى كل كلمة

...

أتمنى ان أجد في المنتدى في المستقبل مواضيع مشابهة لكل بلد مسلم

...

نحتاج أن نعرف عادات ولهجات بعضنا عن قرب.. لأننا أمة واحدة... وقلب واحد

...

أول سؤال... مامعنى "رواد" ؟؟ هل هي كلمة ليبية؟؟

شكرا لمشاركتك التى كان لك بها السبق فى الموضوع .
طبعا احنى نرحب بالكل و يسرنا ان نجيب على كل التساؤلات و
الاستفسارات التى تتعلق باللغة او اى شئ اخر .
عزيزتى .. مثل ما قالوا الاخوات .. كلمة برشه .. تونسية . المقابل لها بالليبى هو هلبه .

بالنسبة لرواد . هو اسم .. و انا اخترته لاتى كنت اود ان اسجل بكنيتى
الا ان النظام يرفض فى كل مرة .. فسجلت باسم رواد .
والحقيقة لا اعلم له معنى .. ومن قال لا اعلم فقد افتى.
نرحب دائما بك فى الصفحة .. فلا تبخلى علينا بالطلة البهية.
نشوفك على خير
السلام عليكم ..

**RAWAD** · 24-10-2005, 07:46 PM

السلام عليكم و رحمة الله و بركاته

كيف حالك يا زهر النسرين الغالية ...
شرفتينا بالطلة.

ماشاء الله

الله يبارك فيك اريد التعرف على ليبيا
حلوة الفكرة

و فيك بارك الله .. ان شاء الله فى القريب تشوفى اللى يسرك
نشوفك على خير
السلام عليكم و رحمة الله و بركاته

**RAWAD** · 24-10-2005, 07:51 PM

السلام عليكم و رحمة الله و بركاته...

كيف حالك يا مغتربة . ان شاء الله بخير انتى و العويلة كلهم .

غير أمتى صار ؟ هذا وين كان مدسوس ؟ العيد جى ؟

شن هالزينة وشن هاللى يشعل ويطفى ؟ ههههههههههههه

والله إلا منورة يا نوارة ، فكرة تجنن ،

اهو زى ما تشوفى .. قلنا خلى نديروا حويجة على قد الحال .. نعرفوا بيها الناس على ليبيا.
بصراحة الاسئلة كثرت و الباين احنى مقصرين. ان شاء الله غير الموضوع عجبك؟؟؟؟؟؟؟؟؟؟؟؟

خلينى ندير دورة ومولية إن شاءالله تعالى

ما وليتيش يا غاليه ... نراجى فيك .
نشوفوك على خير
السلام عليكم و رحمة الله و بركاته

**RAWAD** · 24-10-2005, 11:08 PM

السلام عليكم ورحمة الله وبركاته

اخواتى فى الله..

كيف حالكم ,,, ان شاء الله تكونوا كلكم بخير ...

اللطف شن هالكساد ... وينكم .. لا رد و لا حد ؟؟؟؟؟؟؟؟؟؟؟؟؟؟؟

يلا خلى انشطوكم شويه

.انى من هواة الاكلات الزمنية العتيقة اللى تكاد تكون انقرضت . يعنى حشيشتى التعب .

مرة اندير طماطم حوش (طبعا ما فيش وين ننشر الطماطم . هنى لا شمس ولا هواء .. الحكاية مطر فى مطر اغلب ايام السنة.)

و طماطم الحوش نشرى فيه نصف جاهز من السبورماركت (و هو عبارة عن طماطم مجفف فى الشمس) .

و نقلى مقدار باهى من البصل . و بعدين نرحيهم مع بعض ,

و نطيب بيه الرشتة الجارية و الا البازين و ما فى حكمهما.

و على هذا الاساس من مدة و انى بالى فى اللوسة ...

لوسة حارة ناشطة و زمنية طبعا هنى وين بنلقى الفلفل المبلبل.؟

هنى ما تحصلى فلفلتين حمر الا مع ثلاثة خضر فى كويس نايلو صغير ..

وبالشئ الفلانى. يا حسرة على صناديق فلفل سوق الثلاث.

شوى مرة بو الصغار رفعنا لسوق بعيد خارج المدينة و يبيع بالجملة . و فجاءة ...........

تطيح عينى على كيس امتع ربع كيلو فلفل امبلبل ....

وقفت من هول المفاجاءة ...

و قريب حتى اغمى عليا .

اول مرة نشوف كيس فلفل امبلبل بهذا الحجم الخيالى فى هذه البلد التعسة .

طبعا ما تسالونيش شنو صار ...

اختكم فى الله .. انطلقت (و كانها كانت مربوطة ) صوب الفلفل .

و قعدت اندور .. للاسف ماكانش فيه الا كيسين .

من هذاكا الحجم و اللون .

توكلنا على الله و ستفناهم فى الكروسة ...

و اختكم رواد .. خلاص .. معادش عندى نية فى شئ ..

نبى غير انروح و نطبق المخطط الرهيب ..

و لا يفارق خيالى شكل اللوسة بذلك اللون الاحمر القانى الشهى , و ذلك الطعم الحار اللذيذ.

..... دفع زوجى ثمن المشتريات و هو يلمح لغلاء الفلفل ...

طبعا .. انى ما يهمنيش الثمن فى سبيل الحصول على مرادى ... اللوسة .

عينى لم تفارق كيس الفلفل و نحن منطلقين صوب السيارة ..

فى السيارة... ابنتى ذات الاربع سنوات ..

تقول لى .. : (ماما رد) يعنى احمر و هى تشير الى الفلفل .

وانا اجيبها : ايه يا بنيتى رد ... هذا (الرد) بنديروا بيه اللوسة.

و زوجى غارقا فى الضحك.

رجعنا الى البيت ...

و لكن للاسف كانت هناك مفاجاءة فى انتظارى.....................

تابعونا...........

**(سمو المجد)** · 25-10-2005, 02:44 AM

السيدة روان

كل عام وحضرتك وأسرتك الكريمة والشعب الليبي وكل المسلمين بخير وصحة وسلامة

رمضان كريم

شيء رائع الاطلاع على ثقافة وخصوصيات شعب ما الحياتية والاجتماعية كعادات وتقاليد

والآخر أقصد به الأجنبي

ولكن ليبيا ليس آخر

بل بلد عربي نعتز بنضاله وكفاحه

ويكفي أنه أنجب المناضل الشهيد الحي

(عمر المـــــــــختار )

كما أن لليبيا تاريخ عريق وإتصال مع الحضارات الاخرى والتي نتج عنها مزيجا وإرثا حضاريا قلما يوجد مثيله في تاريخ الدول العربية

وكان لي موضوعا في ركن الديكور عن الحرف والصناعات المغاربية يشرفني إطلاعك عليه

من خلال هذا الرابط

من القاهرة ودمشق ودول المغرب العربي مسلسل إبداع عربي حرف وصناعات حلقته الثانية مغربية

شكرا لك

**إيمان علي** · 25-10-2005, 02:38 PM

وعليكم السلام ورحمة الله وبركاته

أسعد الله صباحك رواد بكل خير، وكل الحضور

والله عزيزتي فعلاً الموضوع ممتع "هلبة"

ذكرتيني بالأكلات اللذيذة اللي أمي كانت "تديرها"
طيب يا أخوات يا ليبيات، خبرونا من أي منطقة أنتن؟
أنا ولدت في طرابلس ليبيا..
وعلى فكرة في العمل زميل لي بعمر والدي ليبي من طرابلس، ورغم أنه صار له أكثر من 30 سنة هنا، إلا أنه بيتكلم الليبي الأصلي، وخاصة لما يتكلم معي، بياخذ راحته.. أنا ما بحكي ليبي لكن بفهم كل الكلمات، ولهذا بيتكلم وهو مرتاح، حتى مرات بقوله: على مهلك علي.. ما عندي شهادة ليبية

في البلد هنا، الجالية الليبية قليلة بعض الشيء، حتى الآن أعرف فقط عائلة واحدة ليبية، وما بعرفهم معرفة قوية، يعني كل كذا شهر بشوفهم مرة.. ولا أكثر من السلام.. لكن الجزائريات عندنا ما شاء الله.. جالية بأكملها وكلهم جاراتي.. لما يتكلموا معي بفهمهم لأنهم بيحاولوا يخففوا من سرعة الحديث، لكن لما يتكلموا مع بعضهم، أشعر أني في عالم آخر ولغة غير عربية.. لكن ألتقط كلمات قليلة وبها أفهم باقي الحوار