طلب مساعده من اهل مصر الطيبين

**الوسيمه** · 17-10-2005, 09:01 AM

السلام عليكم ورحمة الله وبركاته اخواتي اهل مصر الطيبين انا سعوديه واحتمال اسافر مع زوجي لمصر خلال هذه اليومين لان عنده شغل المهم ارجوكم ساعدوني انا اول مره اروح مصر وما اعرف احد هناك ابغا اعرف احسن الصوالين التجميل عندكم الي تكون العاملات نساء و تكون اسعارها كويسه مش غاليه كتير وهل توجد عندكم ماركات في الملابس مثل زارا -مانغو -برومود -بنتون وهل توجد افلام تعرض في السينما في رمضان انا عارفه انو اسئلتي كتير بس اسفه اتحملوني اخر سؤال الجنيه المصري كم يساوي با السعودي يعني مثلا لو عندي ثلاثه الاف سعودي كم يساوي بالمصري وجزاكم الله الف خير

**الباش مهندسة** · 17-10-2005, 11:57 PM

ازيك يا وسيمه

انا دخلت ارحب بيكي واقلك اهلا بيك في مصر وان شاء الله تقضي اوقات جميله فيها
بالنسبه لصالونات التجمل ده بيتوقف انتي نازله في انهي منطقه عشان البنات الي ساكنين في المنطقه دي يدلوكي علي احسن صالونات ومتكنش غاليه اوي

بالنسبه لمركات الملابس طبعا حتلاقي في المولات التجاريه كل الماركات الي انتي عيزاها واكتر ان شاء الله
اغلب المولات حتلاقيها في مدينه نصر ( جنينه مول -العقاد مول - طيبه مول -السراج مول - ستي سنتر - سيتي ستارز وده افخمهم وحتلاقي فيه كل الماركات ) وفي المعادي (كارفر -ستي سنتر - جراند مول المعادي )

بالنسبه للسنمات معرفش في سنمات ولا لا دلوقتي ممكن تلاقي بس مش عربي بس في فسح كتير احلي من السينما وخاصه في رمضان

بالنسبه للجنيه المصري استني حشوف في الجرنال .....ايوه يساوي 1.5325 يعني الريال يساوي جنيه وثلاته وخمسين قرش يعني لو معاكي 3000 ريال يبقوا 4590 جنيه

**الوسيمه** · 18-10-2005, 05:51 AM

السلام عليكم ورحمة الله وبركاته الف الف شكر يا اختي على المساعده وجزاكي الله الف خير

**moly12_9** · 18-10-2005, 05:48 PM

اهلا وسهلا بك فى مصر ... لو انتى محددة المدينة أو المكان بالضبط اللى حاتنزلى عليه فى مصر حايكون اسهل عشان افيدك فى موضوع الصالونات ... انا مثلا فى مدينة الاسكندرية ...بس اوعى تيجى مصر من غير ماتزورى عروس البحر الابيض المتوسط وحاتعجبك اوى انشاء الله
بالنسبة للسينما مافيش فى رمضان ...بس لو ظروفك سمحت انك تستمرى فى مصر الى العيد حاتلاقى افلام جديدة نازلة حاتعجبك انشاء الله... وبالنسبة لمبلغ 3000ريال حايعملوا تقريبا 4600 جنيه مصرى ...
رحلة سعيدة انشاء الله

**الوسيمه** · 19-10-2005, 06:14 AM

السلام عليكم ورحمة الله وبركاته الف شكر على المساعده انا حاسكن في القاهره انشاء الله وجزاكي الله خير

**jihad** · 25-10-2005, 11:50 PM

اهلا بيكى فى مصر وان شالله تسعدى بوجودك فيها اولا كما قالت اختى الباش مهندسه احب فقط اضيف انه فى سوارع فى القاهره اسمها وسط البلد زى شارع قصر النيل وطلعت حرب وشارع فؤاد ان شالله تلاقى فيهم ملابس واحذيه وسنط تعجبك واسعارها ارخص شويه من المولات كمان لو انتى عايزه الكوافيرات حتلاقى كتير جدا وفى اقسام خاصه بالمحجبات وانصحك بالكوافيرات اللى فى الفنادق الكبرى دى فيها ناس كويسه زى فندق هيلتون النيل او هليتون رمسيس او شيراتون او سميراميس ودى معظمها فى وسط البلد ولا تنسى تروحى خان الخليلى فيها فضيات روووووووووعه كمان خدى مركب بالليل فى النيل روووووووووووعه ولا تنسى تزورى الحسين فيها كافتريا مشهوره جدااا اسمها الفيشاوى ودى فرصه عشان تشوفى مصر فى العصر الاسلامى وزى ماقالوا لك بالنسبه للعمله الريال السعودى بيساوى واحد جنيه مصرى وخمسه وخمسون قرشا وان شالله تسعدى بزيارتك للقاهره وشرفتينا ونورتينا