يا بنات جده ساعدونى بلييييييييييييييييز

**فى فى** · 18-09-2005, 05:18 PM

السلام عليكم ورحمة الله وبركاته انا مسافره جده باذن الله دى اول مره بالنسبه لى ممكن تدلونى على الاماكن ياللى ممكن ازورها يعنى مطاعم مولات مشهوره مثلا اسواق لشراء العبايات و الشيله و تكون اسعرها معقوله و ايضا امكن ممكن الاستمتاع فيها بالبحر متل منتجعات سياحيه لو فى او ملاهى باختصار ابغى رحله ما تتنسى طول العمر ممكن تساعدونى يا احلى بنات؟الله يجازيكم كل خير و شكرا

**فى فى** · 20-09-2005, 03:35 AM

ايه يا بنات ليه ماحادش رد عليا انتو فين؟

**أم أتوري** · 20-09-2005, 08:14 AM

هلا فيك اختي في جده بالنسبه للمطاعم عندك كل شارع عام مليان مطاعم ايضا عند البحر طول مانتي ماشيه بالكورنيش اما الاسواق الرخيصه عندك البوادي-الشاطئ

**فى فى** · 20-09-2005, 10:12 PM

جزاك الله خيرا

**ريَّانة المشاعر** · 21-09-2005, 01:30 AM

يا هلاااااا ويا مسهلاااااا فيك في

منووووورة جدة

يووووووووووه لو أقعد من اليوم لبكرة ولبعده مااااااا أنتهي من الأماكن اللي فجدة

جدة كبييييييييييرة ماشاء الله

فكل مكان ما رح تغلبي

بس أول شي تزوريني

رح آخذك فجولة سياحية مبسطة فمدينة جدة ( أمثلة فقط ولا فيه كثييير غيرهاا )

المطاعم

الكازار ( كرم ) في الكرنيش الجنوبي
شامي .. له أكثر من فرع .. فيه فرع عند البحر في الحمرا
أبو شقرا .. في الحمرا برضو .. وفيه في الكورنيش الجنوبي
جهان .. مطعم إيراني
تشيلز
فرايديز
فيه مطاعم ع البحر خطيييرة
النخيل
الشراع
:
:
:
المولات حدث ولا حرج
الصيرفي
الجمجوم
حراء
جدة الدولي
الحجاز
النجار
محمود سعيد ( أوايسس مول )
الجامعة مول
شارع حراء
:
:
:
أسواق شعبية وفيها أسعار مناسبة
سوق البدو ( فيه عبايات بأسعار معقولة )
والبوادي
شبرا ( مركز عند ميدان الدراجة ) أسعاره حلوه كثيير وبضاعته حلوه
الخاسكيه أشياء بالجملة
:
:
:
المنتجعات على طوووووول الكورنيش وأبحر
مارح تلحقي عيها ولا على نصها ولا على ربعها من كثرتها

:
:
:
الملاهي
الشلال
عطا الله
الأبراج
الأمواج
تشيكي تشيز
فان تايم
ويندر لاند
الصيرفي مول
عالم الثلج
المخازن الكبرى ( متجر وملاهي كمان )
قرية مرسال ( جنغل لاند )
غابة سيتي
وكثييييير غيرهاا
:
:
:
ترا من كثر الأماكن فجدة ما أعرف معظمها مع إني من أهلها

أتمنى لك رحلة سعيدة في ربوع جدة أم الرخا والشدة

**mmjh1** · 21-09-2005, 01:51 AM

السلام عليكم ورحمة الله وبركاته

مرحب فيكى في جــــــــــــــــــــــــــــــــــــــــده
لم توصلي اذا شاء الله
حتشوفي بنفسك من اول شارع الا اسواق في كل شارع تكاد تتلاصق

منها شارع حراء وهو فيه سوق حراء الدولي
شارع التحليه وهاذه متروس ماركات

واظن تقارب الاسواق من علامات الساعه
انا لما اروح جده يجينى خوف وذلك منتقارب الاسواق بشكل ملفت
وعند الاكرنيش كما وضحت الاخت
متروس مطاعم الى الاندلس
بعد الاكرنيش يجكي الشالهات متلاصقه
والله المستعان
انشاء الله تجي بسلامه
وسلام

**السيدة وقار** · 21-09-2005, 02:06 AM

السلام عليكم حياك الله اختي في جده

بالنسبة للمولات عند شارع التحليه فيه مولات كثيرة بس هي للتمشية أكثر من الشراء زي مركز الخياط وجده مول والبساتين لأنها كلها ماركات..
بعدين فيه مولات عادية زي التحليه مول ولي مول.. دي حتلاقي عندها الماركات العادية زي زارا ومانجو وكمايو وهلم جرا

غير اصلا انك في شارع التحليه حتلاقي المحلات دي لوحدها من غير مول .. فهمتي قصدي؟؟

خلصنا من شارع التحليه نروح لمولات تانية بس والله ما اعرف اسماءالشوارع زي الصيرفي مول دا جديد وفيه مطاعم فوق وطبعا في الويك اند مرة زحمة ومصخرة .. عموما الصيرفي دا حتلاقيه قدام ايكيا ..
اعتقد اسمه شارع الستين
في كمان سلطان مول وجنبة اكسترا وقدامهم ايس لاند للتزلج على الجليد بس طبعا للأطفال
خلاص يكفي مولات
في مراكز تعتبر مستوى اقل من اللي راح بس والله نفس البضاعه وارخص ... وهي اللي حتلاقي فيها العبايات والشيلات زي سوق الحجاز والنجار واللي حولهم وهي مراكز مكيفة وفيها شغلات حلوة وفساتين سهره كمان والميزة انهم ممكن يركبولك كم لو الفستان عاري مثلا او يوسعو او يضيقو وهكذا

نخش على المطاعم ... طبعا انا ماحفيدك كثير لأني ما اعرف غيراسماء مطاعم من غير شوارع انتي عاد توهي هناك الله يعينك
طبعا فاست فودز ما يحتاج طول منتي ماشية حتلاقي..
أنا بس نفسي اعرف انتي من فين عشان اقلك على اشياء تتميز بها جده
عموما
فيه مشاوي ابو شقرة والعجمي وشامي رهيبيييييييييييييييييييين مشاويهم وحمصاتهم ومتبلاتهم خطيرة
لو تبغي شي على مستوى مرة روحي الانتر كونتننتل البوفيه المفتوح على العشا يجنن
والهندي شيزان
طبعا امريكي عندك ستيك هاوس
وفيه مكسيكي تشيليز وأبل بيز والثالث من نفس الطقة مني عارفة كيف اسمه اتمسح من مخي فجأة أه فرايديز

بالنسبة للصيني الخليج الصيني هو احسن شي وفيه جنبه يباني بس ما عمري فكرت ادخله

نجي للترفيه ماادري معاك اطفال او لأ؟؟؟
للأطفال انصحك تروحي تشيكي تشيز على الكورنيش ملاهي مقفلة ورايقة
كمان للأطفال فيه في بعض المولات اللي ذكرتهم ملاهي
وايضا لو معاكي اطفال لا تفوتك روائع المكتبات عن جد روائع .. عندهم قسم العاب مائية ولا في الخيال بسالطفل ب60 والمرافق بـ 20
وكمان لو طلعتي فوق في اركان للأطفال زي ركن الطبخ والنجارة والرمل .. الخ الركن لا يزيد عن 20 ريال تقريبا

اما ملاهي الكبار انا مالي فيها ابدا بس اشوف ملاهي الشلال على الكورنيش الدخول بـ 50 لللنفر والطفل ا لظاهر بـ25 وطبعا الكورنيش مليان ملاهي كبار بس دي اجدد شي..

بالنسبة للشاليهات او كما يطلق عليها اهل جده الكباين ... فحدث ولا حرج بس ما انصح بروحتها في الويك اند لأنها منتهى المضخرة شي يرووووووووووووووع كأنك مو في السعوديه باذات درة العروس
بس لو في وسط السبوع اكيد تكون حلوة لأن مافيه احد ... في وحده شفتها من كم يوم اسمها جزيرة الغوص الحلو فيها انها على شاطيء البحر ..طبعا اغلب الكباين في ابحر
وفي على الكورنيش شاليهات اسمها النورس عبارة عن فلل صغيرة وكل فيلا لها مسبح بس تطل على البحر منظر بس يعني ما يصلح للنزول ... حلوة للعرسان .. هذي انا رحتها مرررررررررررررة عجبتني

اتمنى اني اكون افدتك وما تكوني رحتي لسه لأني خايفة بعد دا كله تكوني قدك سافرتي
واي استفسار اتمنى اني اكون بالخدمة دا يعني على الأحد بإذن الله اكون موجوده

واتمنى لك اقامة طيبة في جده
سلاااااااااااااااااااااااااااااااااااام

**السيدة وقار** · 21-09-2005, 02:15 AM

معليش على بال ما كتبت لقيت الأخوات كفو ووفوا
الله يجزاهم خير
فكلامي قد يكون مكرر

**فى فى** · 21-09-2005, 03:24 AM

السلام عليكم ورحمة الله وبركاته جزاكم الله كل خير جميعا على تفاعلكم معى و مساعدتكم اشكركم والله من كل قلبى وان شاء الله تكون رحله سعيده و الله لا يحرمنى منكم