استشارة

**المرفأ** · 21-06-2005, 02:28 PM

السلام عليكم ورحمة الله وبركاته

بداية أود أن أنقل اعجابي بهذا المنتدى واعضاءه على مشاركاتهم الفعالة وتفانيهم في خدمة الآخرين .

بصراحة قمت بزيارة اكثر من منتدى ( ركن السياحة والسفر ) ولم أجد مثل هذه الشمولية وبأدق التفاصيل ، وهذي اول مشاركة لي معاكم و

أود استشارتكم في عطلتي هذه السنة فأنا في حيرة في قضاء ولو جزء قليل من اجازتي ولمدة 15 يوم تقريبا

مابين ( ماليزيا ، النرويج ، استراليا ، جزر المالديف ، سويسرا ، التشيك ) كثرت الخيارات ههه بس فعلا هذا عيبنا

مافي تخطيط مسبق بس ظروفي حتمت علي اكون بهالموقف .

اطلب استشارتكم في : كيف استمتع بقضاء هذه المدة ؟؟ وفي أي بلد ؟؟ وبأقل التكاليف ؟؟؟

هذا شي . والشي الثاني : هل تنصحوني بالالتحاق بقروب على اعتبار اني مازرت هذي الاماكن

اتمنى اشوف اجاباتكم باقرب وقت .. تراني في صراع مع الزمن .

**حزروا انا مين؟؟** · 21-06-2005, 03:58 PM

اولا اذا انت عريس راح تنفع لك المالديف كثير .. وانصحك بالفورسيزنز بس تراه غااااالي الليله بالسي فيلا 3000ريال والليله بالبيتش فيلا بمسبح خاص ب2700 ريال . واذا انت لحالك والا معك شباب ماانصح بالمالديف لانها رومانسيه وماتصلح لروحه شباب

وبالنسبه لماليزيا فيه عندهم جزيره اسمها بنكورلاوت يروح لها الواحد بالبوت وهي جزيره هاادئه مثل طابع المالديف بس ارخص .. وكوالالمبور طابعها صاخب وفيها كل ماتبي من مولات وملاهي ترفيهيه وحدائق وعروض
وبيننانج هذي مدينه ساحليه وفيها فنادق فخمه ورياضات بحريه متنوعه وسوق الليل للبضاعات المقلده والافلام المنسوخه ولنكاوي فيها بحر هاادي وتلفريك واندر سي وورلد وحديقه التماسيح
وجنتينج مدينه فوق جبل بارده نوعا ما وفيها ملاهي ...... بشكل عاد ماليزيا رخيصه وراح تنبسط بكلللللللل شي بارخص من الدول اللي ذكرتها

اما استراليا فانا قريت عن جولد كوست وانه فيه متحف للشمع وملاهي ترفيهيه ومدينه ورنربرذر واسواق ومحلات كثيره

بالنسبه للقروبات انا ماانصح لان الواحد يربط نفسه بناس ,, ويمكن يودونك لاماكن ماتكون على مودك.. وفيها تضييع وقت اذا نزلوكم بمنطقه وقالوا ارجعوا بعد نص ساعه ويمكن انت ما ياخذ معك الا 10 دقايق واضافه الى انه وافر.................. انت جمع الاماكن اللي تبيها وخل التاكسي يوديك لها

**a witch** · 21-06-2005, 05:42 PM

أهلا وسهلا

يشرفنا انك تنظم معانا في لكِ

أنصحك بــ سويسرا .. بس هي غالية

سويسرا وايد وايد وايد حلوة

واذا رحت راح تبسط

اما اذا تبي مكان رخيص .. مووب غالي

فلك ان تروح ماليزيا ..

وايد حلوة بعد

استراليا عجيبه

بس أنصحك بسويسرا واذا لا ماليزيا واذا لا استراليا ..

يعني الاماكن التي تعجبني من اللي ذكرتها ورحتها بالترتيب :

سويسرا
ماليزيا
استراليا
جزر المالديف

(التشيك & النرويج) للأسف ما عندي اي معلومات عنها

**المرفأ** · 23-06-2005, 05:45 PM

السلام عليكم ورحمة الله وبركاته

مااعرف كيف اشكركم ..... الحقيقة استفدت منكم كثيرررررررر

شكر خاص لِـ احزروا انا مين ؟؟؟ وان كنت اتمنى اعرفك فبمعرفتك ازداد شرف شكرا لك على كل التفاصيل

وللمعلومية انا مسافر ان شاء الله مع صديق

كذلك ما انسى عرافتنا [COLOR=Sienna]( witch [/COLOR] ) على التعليق وتقديم لي يد العون بس ماهو مالياً ( معلومة مفيده لله يامحسنين ) ههههههه

ماقصرتوا وان شاء الله لما ربي يوفقني واروح اكيد راح ادعي لكم .

والى الملتقى .......

(((( أن تضيء شمعة صغيرة خير لك من أن تنفق عمرك تلعن الظلام ))))