استفتاء الكل يدخل افضل الفنادق في ماليزيا

**شهدQ** · 12-06-2005, 04:39 PM

ماهي افضل الفنادق بكوالالمبور ماريوت ,, ريجنت او تايم سكوير

اجب على حسب الفخامة وقربها من الأسواق وشارع العرب

ماهي افضل افنادق في بينانغ من غير ذكر شنغريلا راسا لأنه مغلق للصيانه

Bayview Beach Resort او شانغريلا قولدن او هوليدي ان او بارك رويال

اكتب الفندق المفضل مع ذكر الأسباب

**شاني** · 12-06-2005, 10:46 PM

ياريت حد يجاااااوب انا بعد بعد 3 اسابيع رايحه بس ما اعرف اماكن العرب ...

و التايم سكوير اوكيه ولا انا سمعت انه بعيد عن البرجين ...الاسكوت احسن ام التايم سكوير

**العجوز** · 13-06-2005, 03:00 AM

ينانغ ..
الفندق اللي سكنا فيه هو موتيرا .. ماعليه الفندق مهب شين بس ماتقولين عليه فخم مرره مثل فنادق اوروبا بس يعتبر افخم فنادق بينانغ (مدري هو صدق ولا ابوي لاعب علي

).. بس اللي مادخل مزاجي فيه ان كل العرب اللي فيه معاهم بزران

.. يعني اذا معاك اطفالك تنفعين لذاك الفندق

.. يعني بالعربي مو حق معاريس وشهر عسل

امي وابوي قد راحوا لها وسكنوا في( قولدن ساند) .. وصديقتي قبل سنتين راحت لها وسكنت فيه تمدحه بقوووة حتى ابوي يمدحه بس والله أمي مادخل مزاجها ابدا ابدا .. ليه ماادري؟؟

بالنسبة لأسامي الاماكن والله ماعندي سنع فيها ابد مثل التنكه ماغير اراكض ورا اهلي ولا اعرف اسامي اللي رحتلهم

**الآنسة هدهد** · 13-06-2005, 08:33 AM

حبيبتي شهد.. أفضل الفنادق بالنسبة لي.. فندق تايم سكوير
فندق كبير وفخم.. قريب من شارع سونغاي وانغ (لعاشقات التسوق)
وطبعا داخل المجمع الفخم تايم سكوير اللي فيه الملاهي والسينما
وكمان قريب من مطعم الطربوش ومطعم خيمة الصحراء (مش مرة مرة قريب) تمشين مسافة 15 دقيقة وتوصلين إلا إذا كنت مرة جوعانة

**العذارى** · 13-06-2005, 11:53 AM

ما ادرى اختى شرايك بفندق لون بين فى بينانج اهو بالقرب من شنجريلا فى شارع السوق الليلى

**شاني** · 13-06-2005, 12:32 PM

هلا بلييييييييز ساعدوني...

وين اسأكن في الريجنت اللي جنبا الماريوت أو تايم سكوير ؟؟؟

**دارالحي** · 13-06-2005, 03:24 PM

في كوالالمبور فندق ماندرين اورينتال ممر بس بينه وبين الابراج التوائم التوين ياورز KLCC
وخلفه حديقة والسوق الي في الابراج.............بصراحة احلى من الشارع الي فيه الاسواق والعرب ونوعا ما قريب بس مش كثير مشي ويمكن بالتاكسي

**لين555** · 13-06-2005, 05:42 PM

السلام عليكم ورحمة الله وبركاته
انا رحت فنادق كثيرة في اماكن مختلفة وكلها كانت حلوة لكن زي قصر الخيول الذهبية والله ماشفت palce of golden horses في مقاطعة قريبة جدا من كولالمبور كل مافي الفندق خيول من موكيت ورخام لحد الأضاءة والأثاث وهو كبير جدا وجنبة نهر تاخذين قارب من الفندق وياخذبك جولة بين الخضار والنهر ويوديك سوق تدخلين فيه بالقارب فية محلات حلوة ومقاهي والعاب نصيحة لايفوووووووووووووتك