للدراريع لاتطوفين مجمع العربيد بالفروانية كله تصاميم بتصاميم لا وبعد بارخص الاسعار ,,,,,,,, للاسواق الشعبية بدون كلام سوق الفحيحيل وسوق الديره ويعجبني السالمية رايح جاي عند الغانم والعنجري كله اسواق شعبية ( الجوهره , بيت اولادنا , الموسكي , مستوره الخ ......) عاد ها لاتكثرين اكياس ودعيلي لوميزانيتك تعبانه هم بتشيلين .............................. عبي شيلات من غير كلام مجمع النمران بالفروانية لا وبعد خامات للسهره على كيف كيفك,,,,,,,,, مكياج بدلك على مكان واحد يوفر عليك كل المشاوير طيعيني لا تتعبين خلف مجمع الحمرا مول يعني بكفا مثل مايقولون محل اسمه عروس البحر واهو على فكره بمنطقة الفروانيه كل صالونات الكويت ياخذون منه لاتعبين نفسك كل الماركات الي بالكويت والماركات المميزه تلاقينها عندهم مع ان المحل شكله مايوحي (((الناس مخابر مو مناظر ))) ....... جزم وشحاطات مالك الا مجمع منيره بالسالمية عجييييييييب ,,,, ويمه حوش هم بعد فيه مليان وبالمجمع تحت اذا عندك عيال لاتخلين بضايع حلوه راقية ورخيصة ملابس جزم .... محلات عالميه (( سوق شرق , مجمع المهلب , مجمع الصالحية بس ننننننننار , مجمع الفنار , لاند مارك , ليلى جاليري , مارينا مول , الخ ,,,, )) تحياتي ,,,,,,,,

وييييييي اختي مجمعات الكويت لاتعد ولا تحصى كل جم شهر فاتحين عندنا مجمع


البستان

سوق شرق

المارينا مول

المارينا مول

ووايد بعد

هدا كله بالكويت بالعافية عليكم

شكرا اخت kuwait butterfly لمرورك ,,, احنا صحيح عندنا اكثر من جذي بكثير بس وين الشي المميز الي يخدم زوار ديرتنا الحبيبه ,,,, وبعدين ترى الكويت جدا جميلة لولا جوها تصير من الدول الي عندها نهضة سياحية كبيره ........ والله مو عشان ديرتي امدحها والي يزورها راح يعرف معنى الكلام الي اقوله ,,,,,,, اخت amore شكرا لمرورك واقولك هذا نقطة من بحر من الواقع ولو ابي اذكر اسواق الديره كلها يبيلي يوم ماخلص غير الكوفيهات والمنتزهات والمطاعم ,,,,,,,,,,, حفظ الله الكويت واميرها وشعبها من كل مكروه ,,,,,,,

يعطيك العافية أختي على ها المعلومات المفيدة والله شهيتيني أروح الكويت
بس اعطيني واحد يساعد وكله من هذا الجو يقول نطلع من الحر نروح للحر
الله يحفظ لكم أرضكم وشعبها من كل مكروه ودمتم فيها سالمين

تسلمين اختي شهد ,,,ماقصرتِ

شكرا للاخوات شماليه غربية ,,, وبلسم روحي لمروركم وتشرفون بأي وقت واي معلومات ان حاضره ,,,,

أختي شهووده مساج الله بالخير عيني، أشلونج شخبارج عاد تصدقين والله العظيم وأنا قاعده أتصفح بالمنتدى كنت على التلفون مع رفيجتي وقاعده أقولها ياربي ميته أبغي أروح كويتمن سنتين ما رحت ألا وأنا فاتحه موضوعج والله حرمصتيني على الروحه وهم بعد أختي طيوفه ما قصرت بالتحرمص مساع الصبح كنت أقرا ردها وتقولي المحلات عندكم منزلين بضايع تهبل ، شهوده تسلمين وما قصرتي وإذا في زود هم بعد دزيه لنا .

بأنتظار جديدج أختي

تحياتي ،،،

شكرا لك اخت اوميجا وحياك الله بالكويت واضيف لعيونك :

مجمع مناور بالفروانيه شنط وجزم وساعات تقليد ماركة درجة اولى السرداب

مجمع السالمية ( سيتي سنتر ) السالمية دوار الجوازات واهو نفس اخوه الي بدبي بس اصغر شوي

مجمع الأوقاف وهذا خاص للدراريع الكشخة الجاهزه الهنديه

مجمع بهبهاني وفيه حاجات رخيصه من ملابس وهدايا لا وبعد فيه ابو اميه وهذا سلمك الله مثل ابو ريال وريالين

بلوكات بشرق وهذي خاصه بالخام والكلف يعني اذا تبين خام روحيله

مجمع الحمرا مول بالفروانيه ومجمع اجيال بالفحيحيل ومجمع الكوت بالفحيحيل ومجمع الدبوس بالفروانية وبالفحيحيل

مجمع الرحاب خاص لالعاب البلاي ستيشن والاشرطة اذا عندك صبيان عسى الله يخليهم

شهوده صبحج بالخير فديتج ، أشلونج خيتي شخبارج والله مبين عليج مطيحه في الأسواق تطيح عدل ما شاء الله عليج حافظه كل سوق واغراضه وشنو يبيع والله أنج خوش دليل تسوق ، يعطيج العافيه على هالمعلومات أختي بس جنج نسيتي وين نحصل الملافع والشيل والحجابات والهدوم الكشخة للمقاسات الكبيرة شوي؟؟، أنا قبل سنتين رحت النقره والمباركية وسيتي سنتر السالمية اللي فيه محلات المعلم وكانو حلوين ورخاص ورحنا شرق بس تغدينا فيه وطلعنا ما لفينا المحلات مع أنهم كانو مسوين تخفيض، أنشاء الله نزور الكويت جريب يعتمد على الميزانية والجماعة اللي يساعفونا.

تسلمييين عزيزتي بأنتظارج