السلام عليكم ورحمة الله وبركاته ..
اولا احب اقول لمنتدي لك وحشتني موووووووووووووووووت واسفه للغياب
انا طبعا احترت احط الموضوع ده في انهي قسم بس لقيت ان ده القسم الانسب
بصوا يابنات انا بعمل تصميمات لديكور وكوشات الافراح واشتغلت لاصحابي وقرايبي وناس كتير واللي تحب اعملها ديكور فرحها او خطوبتها لو هي مش ناويه تعمله في قاعه طبعا عشان التكاليف انتوا عارفين ان شاء الله تقولي وهعملهولها بعون الله هديه مني ببلاش ومش عايزة منها غير الدعوات بس هنقدر تكاليف الحاجات اللي هي هتطلبها وننزل نشتريها مع بعض يعني هتبقي عارفه تكلفه الخامات كام وانا مش هاخد منها اي مصنعية .. بس ياريت ياريت تكون العروسه ديه من اسكندريه يابنوتات وانا تحت امركم ...
الحاجات اللي ممكن ننفذها هي اولا الكوشة_ كتاب التوقيعات_ كاسات العروسين _بوكيه العروسه واي شيء محتاجة تزوديه انا تحت امرك يعني ممكن مثلا نعمل مجموعة الاساور الموحده او التيجان الموحده لصديقات العروسة او نزود في اي ديكور تاني زي الممرات والاضاءة واي شيء يتطلب ...وانا هدفي ياجماعه اني اعمل شيء لوجه الله وتدعولي بيه وفي نفس الوقت ديه تعتبر مرحلة انتشار بالنسبالي بصراحه محتاجه اعمل شغل يعجب الناس وبعد كده اكبر ان شاء الله وربنا يكرمني واشتغل في شركة تصميم ديكور افراح كويسه
عندي رجاء حبايبي من اللي بيشتغلوا في المجال ده من اسكندرية ياريت ماتبخلوش عليا لو ينفع اشتغل معاكم فترة ولو علي سبيل التطوع واخرج افكاري واستفيد كمان معاكم واخد خبرة اكتر يبقا جزاكم الله كل خير ... واللي تحب تسال في حاجه دلوقتي هنا او عالخاص انا تحت امرها
رجاء ماتنسونيش من الدعوات .. منتظرة الردود
الروابط المفضلة