زواج اخوي الوحيد عما قريب وبغيت اسوي بطاقات الدعوة بنفسي ؛ تكون هدية مني له ؛ ممكن احد يساعدني في افكار جديدة وحلوة
وسأكون شاكرة لكم
أختكم ليلى

استفيدى من هذا الرابط
لمساتك الفنيه على بطاقه دعوتك ..ليلة عمرك بأناملك المبدعة


شاهدى ايضا الفهرس فيه العديد من الافكار للبطاقات

ربنا يتمم لة على خير الف مبروك

رنا ما قصرت جزاها الله خيرا

الف مبروك بالتوفيق انشاء الله

السلام عليكم الغالية

اشحالج ان شاء الله بخير ,,

والله يتمم لكم على خير ان شاء الله

فكرة انج تسوين بطاقة بروحج مب صعبة ابدا انا اشوفها شرات التوزيعات يمكن شغلها طويل بس كشخة وممتعة ..

عموما هاي فكرة لبطاقة زفاف شوفي انتي ممكن ما تكون مناسبة بس ممكن تستنبطين منها فكرة احلى تناسب ذوقج ان شاء الله

اول شي نييب الورق المقوى اللي نبا نسوي منه البطاقة انا اللي استخدمته كان حجم a4



2- نثنيه من النص مثل الصورة



3- نقص على الثنية اللي سوينها بحيث يكون عندنا نصين متساويين في الطول والعرض ,,

4- نقوم بتحديد نقاط من بداية الورقة قياسه نص انش ( الارقام الكبيرة في المسطرة ) مثل الاطار او مثل الصورة ..



5- في المثلثات اللي يربط كل مستقيم بالثاني نلزق المستقيمات ببعض لين ما نحصل على شكل العلبة ,,



6- نسوي في النص الثاني من الورقة نفس الشي ..







هنيه انا ما قصيت مثلثات بين كل مستقيم والثاني لا قصيتها بهاي الطريقة شفت انها احسن وبسرعة تلصق ,, فنلصق كل مستقيم مع الثاني الا مستقيم واحد نخليه ما نلصقه شرات هالصورة



7- في هالمستقيم اللي بروحه ما لصقناه مع حد نحطي من وراه صمغ على طوله مثل الصورة



8- نلصقه مع طرف العلبة الماضية وبيطلع عندها شي يشبه الكتاب او العلبة ..





بها الطريقة نكون كملنا الشكل الاساسي للعلبة او علبة البطاقة

*

*

*

يتبع

الخطوة الثانية هيه التزيين ,,

انا صراحة ما زينت وايد لان عندي مشكلة في التزيين ما اعرف + اني اكيد ما عندي الادوات اللازمة لذلك

بس مجرد اجتهاد ..

1- نجيب ورود + ابرة



2- نخرم بالابرة اربع اماكن علشان نحطي فيها الورود ,,



3- نرتب الورود في الخروم مثل الصورة انا خليت الاماكن قريبة من بعض علشان تطلع الورود متقاربة مثل الباقة

[IMG][/IMG]



هذي شكل عروق الورود من داخل البطاقة

4- من ورا البطاقة نقيس من تحت قياس انش ونص وبعدين ناخذ قياس شريطة اللف ونحدد مثل الصورة



في المكان اللي حددناه لوضع شريط اللف ,, نقص في المكان اللي نبا ندخل الشريط من خلاله بحيث يطلع عندنا الشكل بها الطريقة

[IMG][/IMG]

هذا شكل الشريط من ورا العلبة



وهذا شكل الشريط من داخل العلبة



وهذا شكل العلبة او البطاقة من داخل , , على الجهة اليسار ممكن تطبعين ابيات شعرية على ورقة مميزة وتلزقينها بحيث تغطي شكل عروق الورود ,, وعلى الجهة اليمنى تكتبين نص الدعوة اما كتابة بخط حلووو او انج نفس الشي تطبعينها على ورقة مميزة وتلصقينها بحيث تكون الشريطة تحت الورقة ..

وفي النهاية تلفين العلبة كاملة لو تحبين بشريطة بطريقة مميزة مثل الصورة ..





وها شكلها من ورا

ان شاء الله تكون البطاقة عجبتكم والله ويوفق الجميع لما يحب ويرضى واسفة لو ما كانت مناسبة بس فكرة وحبيت اعرضها للجميع

@ اختكم في الله @

ام ناصر

ام ناصر .. بارك الله في جهودك ورزقك الجنه

تسلمين حبيبتي واياج ان شاء الله وجميع المسلمين

شوفي هذه الدعوات ممكن تساعدك