هلاوغلا فيكم ياغوااالي
بليز عرس اخوي قررب
وابي حركات استعراض للبنات
يعني حركات جديده رقصه او حركه او اي شي
بلييز اول اخو يتزوج وحابه اسوي شي جديد
في عرسه تكفوون ياغواالي جعل
كل من يرد علي
الله يوفقه
وييسرامره
ويفرج همه
وعقبااااالكم يااقمااار
تكفووون محتااااجه لكم
يعطيكم العافيه

شوفي ياعمري في حركات واجد حلوه



زفة حورية البحــــــــــــــر..

الفكره.... تبدا اولا بالقاعه بشكل عام وبعدين الكوشه واخيرا الزفه او الحركه..
القاعه:
الطاولات كانت مرتبه بشكل منسق وجميل لون الشراشف كان ازرق وعلى كل طاوله وفى المنتصف , كوب على شكل فاز..كبير..وطويل... تقريبا (40سم)(مخروطى)وبداخله ماءوسمكه ذهبيه..

الكوشه:
الكوشه كانت على شكل احجار بحريه والمرجان والطحالب البحريه..وعلى السقف كانوا معلقين اسماك حوالى(15 سمكه على مسافات متباعده.. الكرسى وهذا كان احلى شى.. لانه الكرسى كان مصمم بشكل حلو بحيث اسفل الكرسى مصمم على شكل حوض سمك.. على فكره ترى الاسماك الى فالحوض حقيقيه ..وطبعا الاسماك المعلقه لزينه..عن تصدقون بعد انها حقيقيه

واخيرا :الفكره او الحركه الى نزلت فيها العروسه....
قبل لا تنزل العروس طبعا اطفؤا الاضاءه وظهروا اربع بنات لابسات لباس الحوريات بشعورهم الطويله... وكانت الفساتين بالون الابيض... ونزلوا من نفس المكان الى راح تنزل منه العروسه مع اصوات البحر ..... وعلى الممر كانوا الحوريات يقعدون ويمسكون ايادي بعض ويتحركون بشكل الارجوحه ما ادرى اذا الصوره واضحه بس علشان يخلون الواحد يتخيل انه بالبحر..وبعد ما يصلون عند الكوشه يقعدون على كرسى العروسه... وبعدها تصعد بنت خامسه بيدها صدفه كبير..بداخلها مسكه العروس...

والحين تطلع العروسه مع قصيده بسمها واسم المعرس... وتمشى وبيدها نجمة... تمشى لين ما توصل عند البيت الى حامله الصدفه الكبيره تسلم عليها(تبوسها وتحط النجمه بالصدفه وتاخذ المسكه.. وتكمل شويه بعدين الحوريات الاربع وحده ورى الثانيه تقوم وتبوس العروسه وتروح.. وما يبقى غير العروس على الكوشه....







ثانياً : فكرة الأقنــعة التنكريه..

فكرة الأقنعه التنكريه...و بقولك كيف اتنسقينها بعرسك..

طبعاً من الإسم راح يتطلب عليك تواجد الاقنعه التنكريه..إليكم الخطوات اللي بتستخدمون فيها الاقنعه..

و مب أي قناع..في أقنعه حلوه يبيعونا في محلات الأثاث تييج لونها فضيه و راقيه..مثل هوم سنتر..أو the One

المهم..شووووووووووووو الترتيبات اللازمة لعمل الفكره..؟

أولاً : باقتك لازم تكون مرفقه بقناع صغير اللي يكون نص مش كامل...و عليه ريشه بيضه و طويله..

ثانياً : لازم يكون لك انتي بعد قناع .. على حسب فستانك اذا ابيض يلزم فضي و إذا ذهبي .. يلزمك ذهبي و يكون القناع (( نص ))..

ثالثاً : و انتي طالعه للناس اطلعي من الكوشه نفسها..لأنها حركه حلوه..و تكونين لابسه القناع...لين ماتوصلين لإخر الممر بعلى الكوشه..و عقبها شيلي القناع..و عاد الناس بكون فيهم فضول..يشوفون مكياجك..
و الموسيقى اللي تدخلين عليها لازم تكون مناسبه بعد..و فيها شوية اكشن..

رابعاً: عقب ماتشيلين القناع انزلي من على الدرج...و امشي بين الناس..مب بالنص...قومي و امشي بينهم..بس يعتمد على الفستان إذا خفيف عليج سوي هالحركه ..و انتي ماره بين الناس..مدي ايدج و سلمي عليهم.. عاد بستانسووووووووووووووون..انهم سلمو على العروس..

خامساً : و بعد هاللفه كلها ارجعي للكوشه...

سادساً : خوات العروس لازم يكون لهم قناع على الوان فساتينهم...و يرقصون على اغنيه..مناسبه بعد ماتقعد العروس و اتخلص زفتها..

سابعاً : نرجع للتوزيعات..حبذا لو كان على كل طاوله توزيعات فيها اقنعه..و مشغولات يدويه ثانيه حلوه..

ثامناً : حبذا لو الكوشه يكون فيها خيال شوي...شرات القلعه أو ديكور معين مناسب..

تاسعاً : تقدرين اتوزعين مليكان على بوابة الدخول للناس و على المسرح...و لابسين لبس غجري..و هم لابسين اقنعه تنكريه..و تقدرين تتنازلين عن الفكره لو ماتبينها..

عاشراً : الأضواء لازم اتكون خافته..و يكون على العروس و ضوء فلاش مسلط قوي..و يكون هالضوء شغال عليها .. لأن يعطيها جاذبية غييييييييييييييييير..و في حركات حلوه الحين قامو الناس ايبونها..مثل شلال عند ممر دخول الناس...على الأطراف...و في العرس اللي انا حظرته..شفت انهم جايبين شلال كاكاو..و حاطين يمه فراوله و اللي يدخل عادي ياخذ فراوله و يغمصها بالكاكاو و يااااكل..كانت حركه روووووووعه..






ثالثاً : فكرة الطفلة النائمــــــــة (( زفة جميلة ))

تطفاء الانوار ثم يوجه
(سبوت لايت) على مقدمة الممر حيث ترقد طفلة - حوالي 6/7 سنوات -
تلبس لبس أميره تزين شعرها بتاج ناعم وتوضع عصاه على شكل العصاة
السحرية (يعني عصاه بلون فضي أو ذهبي براق، حسب لون الديكور في
نهاية طرفها نجمه) تبدا الموسيقى [يجب أختيارها بعناية حتى تتناسب
مع الموقف أو المشهد] عندما تبدأ الموسيقى
(تمثل) الطفلة بأنها كانت نائمة وتستيقط بحيث تنظر حولها وللسماء
وكأنها تبحث عن شىء ثم تقوم وتمشى وتدور حول نفسها وهي تنظر للأعلى
وكأنها تبحث عن شيء ثم تتعثر رجلها بالعصاة السحرية فتنظر لتحت قدمها
وترى العصاة السحرية وتلتقطها وترفعها للسماء ثم توجهها للبوابه، هنا
تتوقف الموسيقى ويفتح الباب (من الممكن هنا أستخدام مؤثر الدخان) وتطل
العروسة من البوابة .. من الممكن أن تكون دخلةالعروسة على شعر
أو على موسيقى ناعمة حتى تصل
لمقدمة الممر ثم تقف قليلاً حتى ينتهي المقطع الشعري أو الموسيقي.. وتبدأ
الزفة....



ان شاءالله أعجبتك الأفكار أتمنى اني أفدتك

يابعد عوومري
مشكوورة يالغلا
فكرت انو انسوي
(الطفله النائمه)
مرره حلوه وشفتها في عرس مره
جنان
يالله الله يوفق اخوي ونسوي اللي نقدر عليه
ربي يعطيك الف عافيه يالغلا عالمجهود

يعطيكم العافيه ياليت
شوي تزيدون من عندها اللي تعرف لاتبخل علينا