مساكم الله بالخير حبيباتي
اليوم بوريكم هدية عملتها لجارتي
لكن قبل ما اوريكم اياها
جارتي ذي اعتبرها والله رزق اكرمني الله فيه من جد زي الاخت واكثر بعد ما كنت وحيدة في العمارة مالي احد وما يجيني احد والحمد لله اللي رزقني باخت مثلها
المهم جارتي حامل وعلى وجه ولادة فقلت لازم اهديها شي قبل ما تروح لاهلها فقلت بما اني اشتغل في التوزيعات اسوي لها توزيعات اسبوع ولدها ولا يصير (( باب الجارة ((النجار)) مخلع))
والنتيجة اهي
هاذي التوزيعة 100 حبة بللونين الفضي والسماوي وعكست العلب مع القماش عشان يبان فرق
وذول التوزيعات بعد ما كملت تغليفهم جمعتهم بسبت عشان ريومة مصختها على الشوكلاته
جمعت الكل في عربية سماوي وحطيت لها ارنوب في المقدمة كانو هو اللي يدفها
وهنا بعد التشريع
لما شافتها هي وامها طلبو نفس العربية بس لون سكري عشان عندهم عادة توزيع الحمص والمكسرات
وهاذي للامانه اخذت اجري عليها
وكانت فكرتها انها تحط في الشكل النهائي قطع من جلد النمر
قمت لبست الدبدوب سكارف وطاقيه من الجلد
وهنا العربية
والمظله فكيتها من العربية راسها بس وقصيت 2 علاقات حديد ولفيت عليهم جلد النمر ومسكت الدب المظله وسبت فراغ عشان هم يعبونه اذا قامت بالسلامة
ملاحظتيـــــــــــــــــــــــــين صغار
اشهد الله اني ما حطيت الموضوع الا للمشاركة ومو لعمل اي اعلان لشغلي
اتمنى منكم رفع الموضوع بالدعاء لها بقرب الفرج وتيسير الولادة وان يرزقها الله مولودا تام الصحة والخلقة والمعافاة
وادعوا لي ترجع لبيتها بالسلامة وربي احزن بدونها
وان كانت هي تقرا هالموضوع لا تنسى تدعي لي ولريما وسلامي للغالية امها
الروابط المفضلة