كتبت بواسطة بسمه بغداد

مشكوره عزيزتي واضح الشرح

السلام عليكم الغالية

العفو عزيزتي ان شاء الله دوم كل الدروس تكون واضحة ومفهومة والله يوفقج وييسر لج الخير ان شاء الله دنيا واخره

@ اختكم في الله @

ام ناصر

مشاء الله
تسلم ايدايك اختي ام ناصر
ممكن اعرف الصق الخاص بالخشب هل في ماركه معينه بتستخدميها او ممكن بديل لصق اخر غير لصق الخشب تقوليلي عليه
و ان شاء الله بحاول التطبيق في اقرب و قت

السلام علكيم الغالية

الله يسلمج يالغلا من كل شر ,, بالنسبة للصمغ لا ما في ماركة معينة هو ييج لونه ابيض بس شي ماركات يكون ساير وايد وشي يكون نوعا ثقيل طبعا الثقيل احسن انه بسرعة يلزق بس اللي هو سايل اكثر ياخذ وقت ,, وانا اقولج الصمغ ها احسن على اساس انا نتعامل مع الورق المقوى لكن لو استخدمتي مثلا انواع ثانية من الورق مثل الاوراق العادية مالت الطباعة او بشكل عام تكون خفيفة مو مشكلة ممكن تستخدم اي صمغ مخصص للورق العادي ,,

وان شاء الله الغالية اشوف تطبيقج قريب ,, والله يوفقج وييسر لج الخير ان شاء الله دنيا واخره

@ اختكم في الله @

ام ناصر

ابدعتى يارا ماشاء الله عليك
بالتوفيق وبعد ماتنتهى الدوره منتظرين نشوف اعمالك في المنتدى

شكرا على هاد الشرح المبسط
لكن يعني ايه – فرجار - ممكن تفهميني
ان شاء الله اطبق اول درس في نهية الاسبوع

السلام عليكم الغالية

ان شاء الله نشوف ابداعاتج بأحلى صورة ,, الفرجار حبيبتي يكون من ضمن محتويات علبة الادوات الهندسية ,, وهو اللي نحط القلم فيه ونقدر نرسم به دائرة ,, ان شاء الله عرفتيه ,,

والله يوفقج وييسر لج الخير ان شاء الله دنيا واخره

@ اختكم في الله @

ام ناصر

السلام عليكم الغاليات

بسبب عدم وجود التفاعل اللي كنت اتأمله منكم قررت اني انزل موضوع كل يومين ان شاء الله ,,

الدس الثاني : تعلم صناعة علب على شكل كيك



وممكن تحصلون الباترون جاهز في النت



بس اكيد ما راح تقدرون تغيرون وايد في قياساته او شكله ,, وعلشان جي انا حبيت اني اعلمكم الباترون ماله بس بطريقة ثانية وبطريقة تسمح لكم انكم تبدعون في تشكيله ,,,

العلبة تقريبا من ثلاث اجزاء ,,

فنبدأ بسم الله :



اول شي نرسم خط قياسه 4 سم وبعدين نحدد نقطة المنتصف ونطلع منها بكل عمودي مستقيم طوله 6 سم الخط ها ما له اي اهمية بس علشان يطلع شغلنا مرتب وصحيح ..



بعدين نرسم مستقيم ثاني رأس المستقيم العمودي يتلاقى ومنتصفه ويكون قياسه 4 سم وبعدين نكمل عمل المستطيل ونوصل بين المستقيمات المتوازية ,, كما هو موضح في الشكل ,,, وممكن نسمي المستطيل من فوق يمين ( أ - ب - ج - د )



من النقطة اللي فوق أ مثلا نبدأ برسم مثلث متوازي الاضلاع طول اضلاعه 6 سم واحد اضلاعه اكيد المستقيم أ د كما هو موضح في الشكل ونسميه مثلا ( أ - د - هـ )



بعد ما كملنا المثلث نرسم من النقطعة هـ و د مستقيمين متوازيين طول كل واحد منهم 4سم



علشان نتأكد ان قياساتنا صج نحدد نقطة المنتصف في كلا المستقيمين ونرسم خط يوصل بينهم طوله 6 سم ,,



وبعدين نوصل بين المستقيمين بخط نسكر به شكل المستطيل الثاني ,,



نرسم من النقطة أ و هـ مستقيمين متوازيين طول كل منهما 4 سم ,, وكالعادة نحدد نقطة المنتصف علشان نتأكد ان شغلنا صحيح وبعدين نسكر شكل المستطيل الثالث ,,

وبهاي الطريقة نكون تقريبا كملنا الشكل الاول وهو مثلث وثلاث مستطيلات متصلة فيه والله يكون في النهاية قاعدة العلبة ,,,

وها الشكل النهائي بعد اضافة الاجزاء اللي راح نحط عليها الصمغ والله لونتها بقلم الرصاص ,,,




*******************************************


*


*


*


يتبع

الحين نيي للجزء الثاني من العلبة وهو شكل باترون الغطا ,,

نبدأ بسم الله ::



نرسم مستقيم طوله 6,5 سم ونحدد عليه نقطة المنتصف ,,



نضع نقطة منتصف المنقلة على نقطة منتصف المستقيم ونحدد نقطة الـ 90 درجة ومنها نرجع 3 درجات ونحدد نقطة وهذا قياس الزاوية مالتنا ان شاء الله ( علشان تعرفون كم هي الزاوية المطلوبة نجيب المنقلة ونحطها على المثلث السابق عملة في قاعدة العلبة ونحدد كم قياس الزاوية ومثلها يكون قياس هالمثلث لانهم مثلثات متوازية الاضلاع ,,, ) واسفة على معلوماتي الهندسية الهزيلة بس انا اصلا ما كنت شاطرة في الهندسة ايام المدرسة 



نرسم باقي المثلث على اساس الزاوية اللي طلعناها بس بقياس 6,5 سم لاضلاعه ,,,

بها نكون كملنا الجزء الاول من باترون شكل الغطا ,,

************************************************

الجزء الثاني من الغطا :



نرسم مستطيل طوله 19,5 سم ( 6,5 × 3 = 19,5سم ) وعرضه 4سم ,, واكيد علشان نتأكد ان شغلنا صح نحدد المنتصفات



نقسم المستطيل الى 3 اقسام طول كل قسم منهم 6,5 سم وبعدين نقسم كل منهم الى ثلاث نقاط طول كل وحدة منهم 2 سم ,, وبعدين نحدد نقطة المنتقص في كل 2سم اللي هي 1 سم مثل ما هو موضح في الشكل ,



نستخدم الفرجار ونحط طلرفه اللي مثل المسمار في نقطة المنتصف الـ 1 سم ونفتحه قياسم 1سم ونرسم نص دائرة مثل ما هو موضح في الصورة ,,




نكمل الباقي ونلاحظ ان قبل الخط المستقيم الفاضل بين الثلاث اقسام في مسافة نص سم انتوا ممكن تخلونها وممكن تدخلونها من بين قياسات انصاف الدواير اللي تسوونها ,,,

وبهاي الطريقة نكون كملنا الجزء الثاني من غطاء العلبة واضفنا الجهة اللي بنحط عليها الصمغ ,,

***********************************

*

*


* يتبع

القص والتركيب ::

نبدأ بسم الله ,,

اولا القاعدة ,,



نقص الاشكال اللي سوينها كما هو موضح في الصورة



[IMG]نثني الخطوط المرسومة في شكل القاعدة الا المنتصفات المفروض تنمحي بس انا نسيت انا اسفة ,,[/IMG]



نحطي صمغ في الاماكن المخصص له لكن من الظهر طبعا مش فوق الشخبطات ,, ونلزق كل جهة مع الل يجنبها



وها شكل العلبة من ورا

*********************************

ثانيا :: غطاء العلبة ::



بعد ما قصينا هالجزء نثني على الاقسام الثلاثة اللي رسمناها وبعدين نقص على الطرف اللي راح نصمغ عليه عند كل قسم شكل مثلث صغير ,,,



هنيه بدينا نثني وان شاء الله فهمتوا فكرة المثلثات الصغيرة



هنيه لصقنا الاطراف ويا بعض



هنيه نصمغها على المثلث الخاص بالغطاء ونحاول ان مافي اشياء تطلع برا او يطلع شغلنا غلط ,,



ها شكلها من فوق بتلاحظون ان في جزء شوي طالع ممكن تقصون هالجزئية مو مشكلة ,,






ها شكلها النهائي بعد ما غطينا العلبة







وها شكل العلبة عقب ما حطينا عليها فصوص كنوع من التزيين ,,

***************************

اتمنى ان الدرس كان سهل واي استفسارات انا حاظرة ان شاء الله ,, كالعادة الدرس الثالث بيكون عقب يومين ,, واتمنى اشوف تطبيقاتكم الجميلة عليه ,, والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

السلام عليكم ورحمة الله وبركاته

موفقة عزيزتي الصراحة الدروس ولا احلى تسلمين على الشرح والله يجعله في ميزان حسناتج ان شاء الله ,,,,

تحياتي ^_^