ساعدونى

اخوتى الغاليات ابى المساعده فى افكار جديده لسابع والرحمانىمنحيث الهديا وسرير البيبي

هلا اختي الحبيبة... ان شاء الله الف مبروك... والله يجعله من الصالحين الذاكرين الله يارب...
راح اعطيك فكرتين...وحدة انا سويتها... وحدة زوجة اخوي...
اولا الي سوتها زوجة اخوي...
جابت سرير للبيبي صغير وبجوانب والحمالات حقته تتطبق وتتشال.. وحطته في نص المقلط او الغرفة الي راح يكون فيها البوفيه والهدايا..
طبعا لبست السرير وارجله وكله ابيض في ابيض مخيطته خصيصا بشويه تطريز...
وجابت 5 طاولات صغيرة وحطتها حوالين السرير.. وحطت فوق كل طاوله شمعدان فضي الي بس شمعتين.. وطبعا الشمع ابيض...
وعلى عدد الاطفال جابت هدايا غلفت الي للاولاد بالازرق زالي للبنات بالبمبي.. وحطت الهدايا في الارض حوالين السرير وطاولات الشمع...
وفي اخر الغرفة طاولة الطعام وفيها البوفيه...
استقبلت الحريم عادي وشربو القهوة..
بعدين اخذت 5 اطفال اتفقت معاهم من الاول.. لبستهم ابيض.. وشيلتهم شمع ابيض .. الان كل الشموع منورة والبيت مطفي....
والحريم استغربوا في الاول بس بعدين انبسطوا وقاموا مع اطفالهم..
المهم خرجت هي والبيبي والاطفال الخمسه قبلها وهم يغنون يارب يارحماني بارك لنا في الغلامي... وهي تمشي كانت تاخذ من صحن كرستال شايلته اختها ربطات فلوس بريالين او ثلاثة وترميه على الاطفال...
وهكذا الين وصلت المقلط بعدين حطته على السرير.. بعدين شغلوا الانوار بعدييين الاطفال اخذوا هداياهم... وفتحوها... بعدين على البوفيه..
ولما كان الناس على البوفيه بشويش ومن غير مايحسوا قمنا احنا واهلها.. حطينا هدايانا حوالين السرير.. ولما خلصنا.. اعلنا ان هاذي الهدايا من عندنا وخليناها تفتحها قدامهم... وانتها السابع..
طبعا زوجة اخوي ليش سوته سابع كبير لان هاذا اول طفل يعيش لها... بعد 7 او 8 حملات..
ولو لاحظتي جابت هدايا وفلوس للاطفال غير اللعب الي لعبوه... لانها مجنونة اطفال...وماسوت اصلا السابع الا علشان ترضيهم...

الي انا سويتها.. كانت بس لاهلي لاني مو مقتنعة اساسا بالفكرة..
احنا من عاداتنا الذبايح ونعزم الناس عليها... وبس... وانا احب كذا لعدة اسباب..
علشان الله لايقدر لاننثفق عين انا وولدي... وماهي من عاداتنا..
طيب تقولين لي ليش سويتيها ( ههههههههه )
اقول لك لان بنات اختي متعلقين فيني مرة والا يبون يسون مثل حرمة خالهم.. عاد انا مابغيتهم يبالغون قلت احسن لي انا اسويها...
جبت الفلين الي يجي مع المسجلات والتلفزيونات ...
جبته على شكل دائري.. ثلاث قطع منه باحجام... طبعا غلفتها... وغريتها مع بعض بحيث الكبير تحت... بعدين جبت سيارات صغيرة ام ريال هههههههههه وعرايس ام ريالين ههههههههه وشوكولاته... بالنسبة للسيارات ثبت الشوكولاته فوقها بعدين غلفتها بشريطة سماوية...
اما العرايس اول غلفت الشوكولاته بشريطة بمبي بعدين ثبتها في يد العروسه وكانها تقدمها هديه... بعدين صفيتهم في الفلين اول صف العرايس بعدين السيارات بعدين الصف الاخير سوته بنت اختي لي ( ملقوفه ) جابت عروسه باربي ولبستها روب ابيض.. وثبتتها في الوسط وشيلتها بيبي لابس سماوي.... وجابت سبع عرايس صغار لبستهم ابيض وسماوي ( طبعا هي خيطتهم كلهم ويا الشغالة ) وجابت شموع صغيرة وثغرتها بزياده وثبتتها في يد العرايس الصغيرة.. وثبتت العرايس حوالين العروسة الباربي...
وجبت هدايا وغلفتها.. وحطيتها فوق صحن عادي كان عندنا من زواج اخوي... وخليت وحدة من بنات اخواتي تدخل بالهدايا الي شرحتها اول ووحدة تدخل بالهدايا الثانية.. وبس لاغنيت سابع ولا هم يحزنون وتقهوينا وتعشينا وعينا خير وسروا اخواتي على بيوتهم..