هاي بنات

عذي اول مره لي اكتب بهالقسم و انشالله مو آخر مره
المهم
عيد ميلاد ريلي بعد شهرين بالضبط 26-12-2008 و مادري شسوي شنو راح احتاج
انا اول شي فكرت اسفره و اعطيه الهديه اهناك بس راح تكون مكرره لانه في عيد الحب الي طاف سفرته دبي في الويك اند كان و عطيته الهديه اهناك
المهم
بقوولكم الي انا في بالي اسوييه و ابي مساعدتكم انا راح احجز يا في فندق و منتجع شيك او هوليدي إن سالميه و اثنينهم عالبحر راح اروح تاريخ 25 و نطلع 27
عشان نحتفل بكرسمس و عيدميلاده
و عالهديه مادري شنو اييبله لي الحيين مثل ماتعرفون سوالف الرياييل في الهدايا اقل من الحريم ولحد يقولي عطر لان عطر مو هديه عيدميلاد
و سؤال شنو اودي معاي غير الكيك لاني حجزت كيك وراح يي لي الفندق
اكيد قمصان نووم يدد ماشافهم وشمووع وورد حق الفراش و غيره ابي فكر منكم و شنو اسوي
ابي طرق يدد ابي شي مو مكرر مادري محتاره ووايد افكر ابي مسااعدتكم بلييز ولحد يبخل علي ولا يقرا الموضوع و يطنش السؤال المهم و الي وايد محيرني شنو الهديه الرئيسيه

وآسفه اذا طولت عليكم بالموضوع و ناطره ردودكم

ولا تفهمون غلط على كرسمس بس اللبس ملابس بابا نوييل على بنت ونضحك ونستانس

سئل فضيلةالشيخ محمدبن صالح العثيمين رحمه الله : عن حكم أعياد الميلاد؟


الجواب:

يظهر من السؤال أن المراد بعيد الميلاد عيد ميلاد الإنسان، كلما دارت السنة من ميلاده أحدثوا له عيدًا تجتمع فيه أفراد العائلة على مأدبة كبيرة أو صغيرة.

وقولي في ذلك إنه ممنوع؛ لأنه ليس في الإسلام عيد لأي مناسبة سوى عيد الأضحي، وعيد الفطر من رمضان، وعيد الأسبوع وهو يوم الجمعة، وفي سنن النسائي عن أنس بن مالك رضي الله عنه قال كان لأهل الجاهلية يومان في كل سنة يلعبون فيهما، فلما قدم النبي صلى الله عليه وسلم المدينة قال: ((كان لكم يومان تلعبون فيهما وقد بدلكم الله بهما خيرًا منهما: يوم الفطر ويوم الأضحى)). ولأن هذا يفتح بابًا إلى البدع مثل أن يقول قائل: إذا جاز العيد لمولد المولود فجوازه لرسول الله صلى الله عليه وسلم أولى، وكل ما فتح بابًا للممنوع كان ممنوعًا. والله الموفق.



مجموع فتاوى ورسائل فضيلة الشيخ محمد صالح العثيمين - (2/ 302)