كانت تجربة حلوة وناويه اكررها ان شاء الله

قبل سنتين حبيت اني اسوي حفلة عائلية للاولاد بمناسبة العيد ,وفكرت متى يكون توقيتها ولقيت انسب وقت هو ليلة العيد يعني اخر يوم من رمضان في الليل لان يوم العيد البرنامج مزحوم وما فيه وقت ولانهم اصلا ليلة العيد يزعجوني( متى تعطينا الهدايا, وكم باقي ويجي الصباح) وكان عندي غرفة جانبية ,قبل العيد بكم يوم جهزتها بالزينات والبلونات بدون ما يحسون واشتريت الهدايا وغلفتها وحطيتها في الغرفة وسويت لهم كم مسابقة خفيفة,
وليلة العيد بعد الفطور حممتهم وحطيت ملابس كل واحد منهم في دولابه(كانت عندي علشان ما تتوسخ من كثر ما يلمسونها)
وانا تحممت ولبست جلابية جديدة وطلبت لهم كيكة بالفراولة (ما يعترفون الا بالفراولة)وبعد صلاة العشاء بدت الحفلة ,الصراحة انبسطوا فيها (حتى انا وزوجي انبسطنا)والله الى اليوم وهم يسئلون ماما بتسوين لنا حفلة؟لاني السنة اللي فاتت ما قدرت افرحهم,ان شاء الله ناوية هذي السنة اعيد نفس الفكرة وافرحهم واحتسب الاجر اولا واخيرا ,واكرس عندهم ان الاسلام ما فيه الا عيدين الفطر والاضحى.

ملاحظة :اذا اعجبتكم الفكرة وحبيتوا تجربونها لازم كل وحدة منكم تتقيد بشرط انها تكون مخلصة اشغالها كلها ومنظفة البيت علشان يكون بالها مرتاح ومتفرغة.

ملاحظة ثانية :لا احد يقول لي لو كانت يوم العيد كان احسن لان يوم العيد ما فيه وقت ابدا وبعدين فرحتهم بالهدايا ليلة العيد غير فرحتهم بها يوم العيد (يوم العيد يكونون شبعوا من الهدايا من الاقارب فما لها طعم)
اسفة للاطالة بس حبيت اقولكم عن تجربتي اللي انا اعتبرها حلوة.

ماشاء الله عليك ياشهلاء فكرة رائعة بل اكثر من رائعة وان شاء الله راح اكون اول من يطبقها خاصه إننا في الغربه مانحس بالعيد ...
الله يجزاك خير يارب

فكره مره حلوه .. تسلمين يا شهلاء على هذي الفكره .. إذا عيالي كبروا وفهموا بإذن الله أسوي لهم

رائع يا شهلاء..










ربي يخلي لك أولادك

مشاء الله عليك ياشهلاء.. فكرة( انما اييييييييه) رهيبة.... وعلى قولى ديم مالنا في الغربة الا ذي الطرق علشان نحس بالفرحة وطعم العيد..

فعلا فكرة جميلة جدا ما شاء الله
لكن تحتاج مجموعة أطفال كبار شوي ...وابني بعده صغير

وعلى فكرة فكرتك هذه تدل على انك أم مميزة ومبدعة ,,, ربنا يخليكِ لولادك يا رب ...

هذه أجمل فكرة سمعتها صراحة. الله يبارك فيك وما يحرمك من أولادك ولا يحرمهم منك، شايفة قديش عجبتني الفكرة. دائماً نفسي أعمل لهم حفلة لكن مش عارفة متى. وإن شاء الله بعزم كل أقاربهم، خاصة إني شريت لهم الهدايا كلهم.
ما عندي غرفة مختفية لكن بإمكاني إني أقلهم ما يفتحوا غرفة معينة لأنه فيها مفاجأة. خلص رح أبدأ أطبخ الفكرة في عقلي حتى تتخمر
يالله أنا الآن مبسوطة جداً جداً جداً جداً، الله يبسطك.

بصراحه فكرت روعه بس للاسف ماعندى اطفال ياليت عندى اسويلهم االفكره الرئعه الله يخليلك اولادك

فكرة رائعة و تدخل الفرحة في قلوب الأطفال لأنهم وايد بحبون الحفلات الله يعطيج العافية

ماشاء الله فكرة جنااااااااااااااااااااااان , بقول حق اخواتي يسوونها لعيالهم ..