هديه مميزة لزوجي العزيز

**أم تغريد** · 16-11-2002, 09:28 PM

أبي منكم تعطوني هدايا مميزه وغريبه جــــــــــــــداً

ودي أقدمها لزوجي أي شي المهم إنها جميله

وحلوة بالمرة بالله تكفون الله يسعدكم ويزوجكم قولوا اَميــــــــــــــن

وردولي بسرعه في أقرب وقت ممكن

**بقايا همس** · 16-11-2002, 09:56 PM

اولاً حياك الله أخت ام تغريد معانا00وياهلا0

اما الهديه : اقترح عليك تجيبي له شيء ماخطر على باله ولاتوقعه يوم من الايام ،،

وإذا تبين هديه مميزه وغاليه اشتريله ((لاب توب)) اعتقد مافيه هديه ارقى من كذا 00صح ؟

**أم تغريد** · 16-11-2002, 10:06 PM

لوسمحتي إيش هي لاب توب يعني كم قيمتها

شكــــــــــــــــــــــــــــــــــــــراً

**بـنت الأمارات** · 16-11-2002, 10:25 PM

السلام عزيزتي الاب توب هو الكمبيوتر المحمول اللي يكون مثل الشنطة مالت رجال الأعمال

سعره ممكن بين 4الآف وطالع......

شوفي هذا الرابط اتمنى تحصلين اللي تبينه:

افكار لهدايا

**بقايا همس** · 16-11-2002, 10:34 PM

جاوبت بنت الامارات مع الشكر

**أم تغريد** · 16-11-2002, 10:40 PM

شكراً لك يابنت لأمارات

وشكراً لك أنتي ياصحبة الأسم أمل العتيبي

لكن أنا أبي منك شي في الخيال بس هادي وأنيق وخفيف

إذا عندكم مانع تكـــــــــفـــــــــون

**أم تغريد** · 16-11-2002, 10:43 PM

شكراً لك يابنت لأمارات

وشكراً لك أنتي ياصحبة الأسم أمل العتيبي

لكن أنا أبي منكم شي في الخيال بس هادي وأنيق وخفيف

إذا عندكم مانع تكـــــــــفـــــــــون

**شمعة نجد** · 16-11-2002, 11:01 PM

حياك الله ام تغريد

وش رايك بالجوال؟؟؟؟

**دانةالكويت** · 16-11-2002, 11:03 PM

اختي ام تغريد ممكن الهدية تكون بسيطة وعادية لكن طريقة لفها وتقديمها هي اللي تعطيها قيمة مميزة ...

اشرايج في بيجامة قطنية ناعمة تغلف بطريقة حلوة في علبة انيقة مع ورد مجفف وشكولاته وقلوب صغيرة... او ممكن روب حمام أنيق

أو غترة ماركة حلوة .... أو قلم ... أو ساعة أنيقة ... أو تفصلين له دشداشة بمساعدة احد اخوانج او الوالد ...

أو شرايج في طقم محفظة مع ميدالية المفاتيح مالتها ؟؟

أو جاكيت شتوي حلو بما أن الشتا قرب .. أو تكرمين جوتي أو نعال مميز ..

اذا كان زوجج رياضي جربي تاخذين له بدلة رياضة كامله ..

او اذا كان يحب الالكترونيات اخذيله موبايل جديد أو مفكرة رقمية صغيرة ( انا مفكرة اخذها حق زوجي لأني شفته مرة يسأل عنها في احد المحلات) .. أو كاميرا حديثة وانتي المستفيدة ..

ممكن تسوين له مفاجأة بأنك تحجزين لك معاه عطلة نهاية الاسبوع في شاليه او فندق او منتجع على البحر ...

ممكن تاخذين له كريستالة او ميدالية تتعلق على مراية السيارة .. محلات شواروفسكي عندها اشياء وايد حلوة من هالنوع مادري اذا كانت موجودة عندكم بالسعودية او لأ ..

اخر فكرة عندي هي مجموعة عطر مميز مع اللوشن والشورجيل .... او عطور شرقية بخور ودهن عود اذا كان يحب هالاشياء .... او عدة حلاقة كاملة من بودي شوب ..

بصراحة كل شي يعتمد على شخصية زوجج وهاذي مجرد اقتراحات منها المكرر ومنها الجديد واتمنى انها تعجبج وتلقين بينها اللي تبينه .....