ابي فزعتكم

بسم الله الرحمن الرحيم
في البدايه اود ان اشكر كل القائمين على هذا المنتدى الرائع

انا حيل محتاره وقلت مالي الا ربيعاتي في المنتدى بساعدوني انا خليجيه مقيمه في الرياض واحنا انشاء الله عزمنا نخطب لاخوي من الرياض بس احنا ما نعرف عداتكم في الزواجات سمعت ان عندكم شبكه بس ما ادري اذا هي قبل او بعد الملكه واذا فيها معازيم والا اهل العروسين بس واذا فيها عشاء او لا وهل هي على اهل المعرس والا اهل العروس وبعد ابي معلومات عن الملكه عندكم هل هي على اهل المعرس والا اهل العروس واذا هي بالبيت والا في قاعه وهي على مين على اهل المعرس والا اهل العروس وابي معلومات عن عروسكم على مين اهل المعرس والا اهل العروس وكم تا خذون مهر يا بنات الرياض تقريبا الله يعافيكم لا تنشوني تراني حيل محتاره

الله يرزق كل من ترد علي الجنه وناولها ربي اللي في بالها

ان شاء الله بنات الرياض يفيدوك اكثر منى لان العادات في السعوديه تختلف من منطقه الى اخرى

بنات الرياض وينكم العشم فيكم 23 قراءه ولا أحد رد علي بليييييييييييييييز بنات مره محتاجتكم

عاداتنا الشبكه احيانا تكون بعد الملكه عشان هو يلبسها

واحيانا تكون قبل الشبكه


ويكونن موجودين في الشبكه اهلها واهله وربيعاتها


ويكون هناك عشاء بس حريم مايكون في الشبكه رجال


وتكون باستراحه او في البيت

وتكون الشبكه على اهل المره

اماالعرس فيكون بقاعه او استراحه اذا كان عائلي تعزم فيه (اهلها اهله) هذا العائلي

اما اذا كان بقاعه تكون طابعه كروت شخصيه على الاشخاص اللي بيجون لزواج

اماالمهرررر فياخذون من 45 فما فوق على حسب كل وحده واهلها


والشبكه تكون فيها لام العروس هديه وجدتها وابوها


ويكون طقمين للزوجه واحد ذهب ابيض والثاني ذهب اصفر











اهم شي ادعيلي بالزوج الصالح الحنون

مشكككككككككككككككككككوره دلوعة نجد والله يرزقك اشاء الله الزوج الصالح الحنون

انشالله حياتي يدلوكي بنات المملكة ولا اكرم والله لو بعرف شي عن عادات المملكة ومناطقها ما بتاخر عنك ابدا لكن اي ي اللو علاقة بعادات اهل الشام ولبنان او مصر انشالله من عيوني بفيدك
الغالية دلوعة نجد انشالله يارب يرزقك الزوج الصالح ياللي بيخافالله فيك و يخلف عليكم بالذرية الصالحة اللهم امين حبيبتي

السلام عليكم ..

صحيح هناك اختلاف بين منطاق المملكة في بعض العادات في الزواج فيه اشياء كثيرة مشتركة ..

فممكن اقول ان الشبكة بعد الملكة طبعا وتكون طقم ذهب والباقي انتي وكرمك ..

وممكن تكون في البيت وممكن تكون في قاعة ..
وعند اهل العروس طبعا ..

والمهر يتراوح بين 40 ألف وبعضها يوصله الى 150 ألف بس هذا كان زمان

حاليا بين 40 إلى 60 ألف وفيه بنات يبون الستر ويرضون ب 35 ألف بس ..

والله يوفقك ويوفق اللى بتخطبونها

مشكورررررررررررررين والله لا يحرمنا منكم وانتظر المزيد من بنات الرياض

شوفي ياعمري بعض العوائل يكون عند البنت خوات فيجيبون اهل المعرس في الشبكه لهم ياسلاسل اوساعات وكثير هلحين تكون شبكة العروسه طقم ابيض وساعه فخمه والأم ذهبي والأب مشلح وبخور وتكون مغلفه بشكل خيالي والموضه هلحين الدولاب ولاتستغربون بعض الناس اذا كانت شبكتهم كبيره لازم يلبسون فساتين سهره
أما الملكه كل شي على اهل البنت والزواج على البنت بس بعض العوائل أواكثرهم مثلا يكون المهر 50 ويعطونهم 10الاف للعرس كمساعدة اتمنى اكون افدتك واذا فيه اي استفسار ترانا جاهزين