هدايا المولود .. ومايكتب عليها :)

**اخت احمد** · 14-09-2002, 12:50 AM

هلا بالحلوات والغاليات على قلبي

اخواتي .. عندنا عاده وهي ان الوحده اذا ولدت وجوها ضيوف تعطيهم بعد مايتحمدونها بالسلامه حلوى من المولود

طيب .. الحلوى اقدر اسويها انا او اخلي اصحاب محل الحلويات يسووها .. لكن ودي بكلمات جديده اكتبها على الحلوى

يعني تكون حلوه وحركه .. وتخلي اللي يقراها يقول

واو .. وعيونه تدمع من التأثر .. كأني قاعده ابالغ ..

يالله خواتي همتكم معاي

**طيبة** · 14-09-2002, 08:41 PM

فية واحدة كانت مسوية حركة حلوة و غريبة شوي ......عند المدخل كانت حاطة ديكور من الفلين حلو شكلة عليه رسمات موالديد رضاعات و مصاصات و....المهم و كانت راصة عليهم مجموعة من الأشرطة بشكل مرتب ....و كل شريط مثبت عليه قطعة شيكولاته بشكل أنيق ....و مكتوب على غلاف الشريط ( طبعا مطبوع) ما يلي :
يا فرحتي بأمي و أبوي هم شمعتي ****** يا فرحتي بأختي و أخوي هم بهجتي
يا فرحتي بزيارة أقاربي و حبايبي ****** يا فرحتي بقيامهم بواجبــــي
كان ساعة خير يوم جيــــت( جيتي ) ****** ( أسم ) يقول شكرا للي شاركوني فرحتي
.................................................. .................... التوقيع إسم المولود
000000000000000000000000000000000000000تاريخ الولادة

طبعا ممكن تعدلين القصيدة على كيفك كان ولد أو بنت و تحطين أسم المولود فيها مكان ( إسم )

أما موضوع الشريط فممكن تحطين عن : الأسرة , تربية الأطفال , المرأة , قرآن كريم ,أي شئ تشوفينه مناسب .....

أتمنى أني قدرت أفيدك ...
منقول من عالم حواء

**حبوبة** · 14-09-2002, 10:14 PM

الفكرة حلوة ..... مشكورة

**أم يارا** · 15-09-2002, 06:46 PM

لما منت بالنفاس بيارا حطيت لها اتوجراف كل ما زارتني وحدة عطيتها تكتب لها في ختام الزيارة و كنت كاتبة على الغلاف بخط أطفال:
أشكركم على زيلرتكم عند قدومي للحياة .....
أكتبوا هنا ما يكون لي ذكرى حلوة عندما أكبر و شكرا لكم مرة أخرى........
يارا.....

وتاريخ ولادتها و توقيع طفولي لها جنبه طبعة رجل!!!!!!!!!!!!

**- asma -** · 16-09-2002, 08:22 AM

حلوة فكرتك يا أم يارا

تصلح دفتر للزوار في يوم السابع

يعطيكم العافية

انا ما عندي أفكار (لسه عازبة!!!!!!)

بس استناها منكم

**ranean** · 16-09-2002, 05:00 PM

ممكن تعملىمرجيحه صغيره جدا عليها دبوب
علقى فيها 2شوكلت مع كرت ناعم مكتوب عليه
اقبلت للدنيا فزغردى وافرحى يا امى
غدا اكون ساعدا لك 00
وعونا لابى000
وملاذا لاخوتى00
واخا للجميع فلا تحرمونى من طيب الدعاء000
وممكن تغير الكلمات حسب جنس المولود
مشاركه بسيطه منى

*%دلع*% · 16-09-2002, 06:59 PM

يالله افكاركم مره حلوه يابناااااااااات

**انفال** · 16-09-2002, 11:31 PM

اختي العزيزه افكار البنات حلوه ما شاء الله..........
لكن انا اتذكر عباره حلوه كانت عاملتها وحده لبنتها وكاتبتها على شرايط وحلويات.......
((اليوم زرتوني باللفه وانشاء الله تجوني بالزفه)))).....
وممكن تجيبين مجموعه من جوارب الأطفال الصغيره وهي تجي كم وحده مع بعض وسعرها
معقول تعبيها بقطعة شوكلاته وتزينيها بشرليط الستان الملونه ومطبوع عليها عبارات التهاني
والتبريك وتحطيها في سله مزينه ............
وتقبلي تحياتي......

**اخت احمد** · 17-09-2002, 01:21 AM

ماشاء الله على الأفكار .. والله تأثرت .. الكلمات كثير حلوه ..

وش رايكم لو اسوي نوعين من الهدايا .. تكون تشكيله احلى ..

انتظر افكار البنات الباقيات .. افكاركم كثير حلوه