عزوزى بدا يمشى اريد مساعده للحفل

**ranean** · 11-06-2002, 08:57 PM

مرحبا اخواتى

الموضوع ان عمرىعزوز صار له شهرين يمشى
وعاملتله حفل نثور بالاماراتى يعنى حفله نعزم فيها
الاطفال وامهاتهم وعامله فيها بوفيه خفيف حفل
بسيط بيقدمن فقراته اطفال العيله مسابقات من يحفظ سور قرانيه
واناشيد دينيه000000 وسحب على هدايا
المهم حابه اوزع على الامهات الحاضرات هدايا رمزيه ومعتبره
فى بكج حلو يلله همتكم يابنات ابغى افكار مبتكره وعملنله قصيده بوزعها
مع الهدايا 0000
واريد اسال بعد عن الحلال والحرام 0000 ياترى حلال ولابيكون بدعه
صراحه وايد خيفه من هذا الموضوع

يالله همتكم معاى يابنات احلى منتدى

**ديـــم** · 12-06-2002, 01:08 AM

طيب ايش رايك ترسلين السؤال لركن الفتاوى ان شاء الله الأخ ابو الحسن يجاوبك ؟

**ديـــم** · 12-06-2002, 01:10 AM

حددتي ياام عزوزوي الهدايا اللي راح توزعينها ؟

**ranean** · 12-06-2002, 10:32 AM

هلا اختى العزيزة
مشكورة على تلطفج بالرد بصراحه فقت الامل لما الاخوات تجاهلوا
الرد عليه
بالنسبه لمشروعيه الحفله مثل ما قلتى اختى بطرح سؤالى على قسم الفتاوى
مادرى كيف طافت عليه هذه
اما بالنسبه للهدايا كلهن جاهزات
بس الهدايا الى راح اوزعهن على الامهات محتاره فيهن
امفكره اوزع زجاجات عطور عربيه صغيره
بس ابى حركه حلوه لتقديمهن
ياريت اختى اذا كان عندك فكرة حلوة تلحقينى بيها
والج منى الف شكر

**ديـــم** · 12-06-2002, 06:43 PM

شوفي هذه فكره بسيطه وجذابه لتقديمهن ممكن انتي تعملينها بنفسك وفكرة العطور حلوه جدا:
احضري قماش اورجنزا الوانه حلوه وشرايط جميله وقصصي القماش على حجم الزجاجه اللي عندك وخيطيه مثل الكيس او ارسليه للخياط يعملها لكِ وممنك من اسفل القماش او على نفس الشريط اكتبي من عبدالعزيز مثلا او اكتبي اسمه والتاريخ او شعر يحوي اسمه او اللي ترغبين طبعا عن طريق التطريز عليه ....................

شوفي هذه الصوره توضح الفكره المقصوده ان شاء الله :
هذه الصوره ممكن بدل مالقماش ساده تطرزيه بأبيات شعريه او تةقيع بإسم ولدك الله يحفظه:

ان شاء الله تعجبك الفكره

**ام يوسف** · 13-06-2002, 01:58 PM

ما عزمتينا ام عزوز؟

**ranean** · 17-06-2002, 10:29 AM

لاخت العزيزه ديم

الله يدومج ويعزيج صراحه الفكره كثير حلوه ومه اجاملج اذا قلت رائعه

وان شاء الله بنفذها وان سالونى صديقاتى راح اقول انها من اخت عزيزه

الاخت ام يوسف اعترفلج انى طلعت بلا ذوق لان ما عزمتكم

يشرفنى حضورج والدعوة عامه لبنات المنتدى واطفالهم

وانا سعيده بتفاعلكم اخواتى

**ام مشاري** · 17-06-2002, 01:28 PM

يالله بكره عزوزي تكلم ماما بابا نبي حفلة

عزوزي يجري نبي حفلة

عزوزي ياكل بروحه نبي حفلة

عزوزي طلع الشارع نبي حفلة

عزوزي دخل المدرسة نبي حفلة

عزوزي اخذ شهادة الصف الاول نبي حفلة

عزوزي خلص الابتدائية نبي حفلة

عزوزي دخل المتوسطة نبي حفلة

عزوزي نجح من المتوسطة نبي حفلة

عزوزي دخل الثانوية نبي حفلة

عزوزي نجح بالثانوية نبي حفلة

عزوزي دخل الجامعة نبي حفلة

عزوزي نبي نخطب لع بنت عمه نبي حفلة

عزوزي تخرج من الجامعة نبي حفلة

عزوزي توظف نبي حفلة

عزوزي بيتزوج اكيد حفــــــــــــلة

زوجة عزوز حامل (غيرنا من عزوز ال زوجته) تبي حفلة

عزوز جاء له ولد نبي حفلة

ولد عزوز خلص اسبوع نبي حفلة

ولد عزوز ضحك (حفلة..حفلة..حفلة)

الله يخليلك عزوز وابو عزوز واهل عزوز ويكبره ويحفظه ويصلحه ويهديه ويجعله بار بوالديه

وتراني بعزم نفسي بعد 23 سنة على زواجه (قولي إن شاء الله)

ـــــــــــــــــــ
لاتشرهون علي الاجازة جابت الهم والطفش لي

**ranean** · 18-06-2002, 01:04 AM

اللهم امبن

غايه مناى ان الله يصلحلى ابنائى ويكونون صالحين طائعين لله سبحانه
وتعالى الله يصلحلك اولادك ويحفضهم لك0000 وبعثيلى عنوانك
عشان ان الله عطانا عمر اعزمج على حفل زواج عبد العزيز
وحفلتين ترا كافى ولا ايش رايج