فكرة تجنن لتغليف حلوى العيد للاطفال تعالوا شوفوا

السلام عليكم ورحمة الله

كيفكم حبيبات قلبي
مااذكر اني قد نزّلت فكرة سنعة بالركن من سجلت بلكِ

المهم هذي الفكرة طبعا باعطيكم السالفة عشان تستانسووون عالفكره

اول يوم دراسة بعد العيد وحدة من البنات شفت معها حلاوة شكلها يجنن
وقعدت البنت تستهبل وتدورها واحس عيوننا تدور معها
تقول ان هالعيد كان تغليف حلوى الاطفال عليها يعني دورها هالمرّه
وبصراحة ابدعت من جد طريقتها تجنن

يالله خذوا الفكرة

1_حلاوة توفي اللي تجيك خمس حبّات صغار مع بعض بتغليفه حمراء وذهبيه معروفة نموت فيها هالحلاوة من واحنا صغار

2_ ريال

3_ ورق تغليف هدايا ابيض شفاف

4_ ورقه مكتوب عليها اسماء الاطفال اللي بتوزعين عليهم الحلاوة بالكمبيوتر

الطريقة :

تشلين التغليفة الحمراء وتتركين الذهبيه مثل ماهي لاتفككين الحلاو خليها مثل ماهي بعد ماتشيلين التغليفه الحمراء خذي الريال ولفيه عليها
بعد كذا قصي من ورق التغليف بشكل مربع وغلفيها فيه لازم تكون فيه زوائد عالجوانب لفيها بحيث يطلع شكلها مثل الحلاوة اللي بالصورة


بعد كذا غلفيها بالورقه بحيث تكون الورقه على مقاس الحلاوة والريال بالضبط يارب تكونون فهمتوا

حسافة ماعندي صور لاني ماعملتها ولاعندي كاميرا


يسعدلي قلوبكم يارب
لاتقولون مكرره تحطمووووووني

::
:

فكرة جميلة ..،!
سيسعد بها الأطفال .. جداً ..،!

بوركَ إبداعكِ يا شموخ..،!

:
::

الفكره حلوه وتكلفتها بسيطه
الله يعطيك العافيه

الصراحه شكلها بصير مره كيوت..مشكوره..

مشكورة على الفكرة وماهي مكررة وانا متآكدة ان الاطفال تعجبهم هذي الحركات اكثر من انك تعطيهم الحلاو بدون اظافات

حلوة جدا الفكرة وسهلة التطبيق

حلوه الفكره