تزيين صينية

السلام عليكم ورحمة الله وبركاته
اخواتي انا بدي منكم هالطلب
بنتي بتتزوج ان شاء الله بشهر ابريل
وانا متل كل ام عروس بديت اجهز لها اغراضها
وبديت اعمل اغراض الحفلة
وساعدتني المرشدة اللي بالنادي الله يبارك فيها بعد ما حكيت لها عن الافكار
اللي بشوفها بالمنتدى
وعملت حتى الان سلتين للورد وخدادية
وان شاء الله بس اصورهم بنزل الصور انهم كتير حلوين
باقي علي كاسات العصير ومفرش للطاولة وهدول حاطة افكاربراسي كيف اعملهم
اللي بدي اياه منكم تزيين الصينية اللي بدي احط الكاسات عليها
مش جاي ببالي ولا فكرة يا ريت تساعدوني
وعقبال عند اولادكم جميع
واللي مش متزوجات عقبال عندكم يا رب
وادعوا لبنتي انه الله يوفقها ويمرر عرسها على خير
امانة بالله

وعليكم السلام يا أم محمد
الله يوفقها يارب ويسعدها ويهنيها

عزيزتي بركن الحفلات احتمال تلاقي، كنت بدي أقولك عن السلال المغلفة بالساتان للحلويات، إلا أني انتبهت بتقولي تضييف العصير. تعودنا هون صراحة أنه العصير بيكون أباريق على الطاولة مليانة والأكواب على الطاولة أمام الضيوف وهم بيصبوا.. لكن إن كانت حفلتك على الضيق وأنت اللي بدك تضيفي.. معناه هذا شغل ثاني، رح أدور لك وأجيب لك صور.. كم أم محمد دراوشة عندنا؟

تذكرت فكرة عجبتني شفتها في عرس زمان على التلفزيون، كانت عبارة عن صواني يدخل المعازيم وبيكتبوا تهنئة على الصينية بقلم دائم. طبعاً هذه لاحقاً لا تستخدم، ولكن تعرض كتذكار في بيتها. وممكن هي نفس الصينية اللي بتضيفي فيها بالعرس، والناس بتنبسط بس تشوف أهمية هذه الصينية

هذا مثال بسيط




شوفي هذه الصينية زينوها بالخرز حولها وبعض الورود على الأطراف، غير مكلفة وسريعة، وممكن بين الأكواب توضع حبوب ملبس أو أوراق ورد طبيعي.




كذلك ممكن أنك تشتري صينية ستانلس وتروحي على محل التذكارات وبيحفروا عليها اسم العروسين وتهنئة.




أو تشتري صينية ستانلس بشكل جميل ومن غير أي زينة شكلها بيعطي فخامة

السلام عليكم و رحمة الله و بركاته
هذا الموضوع رائع و سهل وبسيط
لكن الصورة الثانية مش باينة
جزاكم الله خيراً
و جعله الله فى ميزان حسناتك

أختي الغالية دراوشة :-

مبروك مقدما والله يفرحك فيها يا رب .

بالنسبة للصينية ممكن تزينيها بالتل وتضيفي بعض الخرز عليها
وطبعا بيكون بس على الجوانب والتلصيق بيكون بمسدس الغراء
وممكن بالفرو ويباع بالمتر في محلات الخياطة ونفس الفكرة السابقة
بيكون على الأطراف وممكن تضيفي بعض الورود المجففه .

العزيزة ايمان
شكرا لك اختي
وافكارك حلوة
بس انا حابة فكرة الزينة
شكرا لاهتمامك واصينية للعرسان لتقديم العصير ومش للضيوف
اختي لوز
انا كتير مبسوطة لردك
وسبحان الله انا اليوم بديت بتزيين الصينية
وطلع معي نفس فكرتك
صينية فضية مع دانتيل عالاطراف بس طاقين عشان تصير مليانة
ولولو منتور على الدانتيل
وضمة ورد ناعمة صغيرة عالزوايا
وطلع شكلها روعة