محتاجه افكاركم لملكتي

**al-shomoo5** · 22-12-2005, 06:29 PM

السلام عليكم ورحمة الله وبركاته

اخواتي الغاليات محتاجه مساعدتكم ابغى افكار مميزة لحفل الخطوبة ( الشبكة )

اللي ابغاه :

افكار جديده للزفة تكون تصلح للشبكة

واذا عندكم خلفيه عن قاعات حلوه في الرياض واسعارها معقوله ما ابغاها فخمه مره لانها حفلة خطوبة بس نخلي الفخم للزواج خخخخخخخخ المهم تكون حلوه

و بعد محلات تصميم الكوش وكوافيرا بس تكونون مجربينها

ومحلات تصميم فساتين الاعراس طبعا في الرياض

شبكتي باقي عليها شهر تقريبا

انتظر فزعتكم يالغاليات ومانستغني عن افكاركم ونصائحكم

وجزاكم الله خير

اختكم الشموخ

**جووووجي** · 23-12-2005, 08:21 PM

اهلين حبيبتي ... وألف ألف مبروك والله يتمم لك على خير

باساعدك في اللي أعرفه بالنسبه للكوافيرات عندك (فينان) شغلها مره تمااااااااام.....
وأكيد تحتاجين مصوره فيه مصوره ممتازه وتعمل صور ديجتال مره حلوه اسمها (بدور)....
وبالنسبه للكوش والزفات فيه محلات كثيره (على قفا من يشيل) على قولتهم.... وهذي ترجع لذوقك فيها ومدى الفخامه اللي تبينها ماأقدر أحدد لك محلات معينه .......
أتمنى أكون أفدتك ولو بالبسيط وأي شيء تحتاجينه من مكملات الحفل ماراح أقصر معك

**al-shomoo5** · 23-12-2005, 10:14 PM

اختي الغاليه جوووجي مشكووووووووووووووووره على ردك

جزاك الله خيرررررررررررر والله يوفقك يارب

ممكن ترسلين لي رقم الكوفيرا والمصوره على الخاص

وهل انتي مجربتهم ؟

تسلم يدينك على الرد الله يعطيك ألف عافيه

اختك الشموخ

**جووووجي** · 24-12-2005, 04:34 PM

أهلين ياعمري ومعليش إذا تأخرت عليك
ان شاء الله أرسل لك الرقم عالخاص ................

**جووووجي** · 24-12-2005, 04:59 PM

شوفي حبيبتي ماضبط الإرسال على الخاص

على العموم فينان شغلها ممتاز الكل يمدحه وأختي حاجزتها ليوم زواجها بعد ما سوت لها بروفه..

وبالنسبه للمصوره بدور هذي أنا مجربتها يوم زواجي صورها حلوه وخلفياتها منوعه وتسوي حركات حلوه بالصور..........
اتمنى انك تستفيدين ..... لكن اهم شيء................ تدعين لي ان الله يسهل ولادتي sid sid sid

**lemo** · 25-12-2005, 07:03 AM

و عليكم السلام و رحمة الله و بركاته

الله يوفقك أختي و يتمم لك على خير ان شاء الله
بالنسبة للرسائل الخاصة

لا يمكن ارسال الرسائل الخاصة لغير المشرفات و عضوات لجان المتابعة

الى أن يصل عدد مشاركات العضو 300 مشاركة

و في هذه الحالة يمكن طلب المساعدة من احدى المشرفات

كما يمنع وضع أرقام هواتف و ايميلات و عناوين في جميع أركان المنتدى

و يستثنى من ذلك ما وضع بقصد التجارة في ركن التسوق