طلعلي نخل براسي ساعدووني؟

السلاااام عليكم ورحمة الله وبركانه ........

الله يسعدكم ويبلغكم في حبايبكم
غمرتي ( حفله الحناء قبل الزواج ) على الابواب وابغالها افكاااار جديده وحلوه ومميزه ساااااااااااااعدوني
ايش ممكن اوزع على الناس
ايش اللبس الممكن غير الهندي
ايش ممكن ابتكر تصميم حلو لكروت الدعوه
كيف ممكن ازين الكوشه بشي جميل
ياليت تدعموني بالصور وتفرجوا علي فرج الله عنكم كل ما اهمكم
وياليت كل وحده تساعدني تقولي هي من اي منطقه وجزاااااااااكم الله خييييييييييييير
ولله ماسويت الى الان شي


مع تحيات بنت جده

السلام عليكم ورحمة الله وبركاته

هلا حبيبتي ومبروك على الزواج .

اللبس اعملي جلابية فخمة و حاولي تحصلين على موديل غير الجلابيات التقليدية علشان تصيري عروس مميزة .

والكوشة قصتها طويلة

انا ما عندي صور بس صممت لك وحدة في بالي إن شاء الله توصلك الفكرة

اذا بتعملين الحنة في البيت , اختاري موقع للكوشة يكون خلف الستارة علشان تسهل عليك العملية .

لخلفية المسرح او الكوشة اشتري قماش مثل التفتا او الحرير الهندي , يعني يكون القماش فخم علشان تطلع الكوشة راقية حتى ولو كانت بسيطة وناعمة .

المهم غطي الستارة بالقماش بطريقة مرتبة وخلي القماشة تكون مزمومة يعني لا تغطين الستارة كانك تجلدينها .

وقبل ذالك ثبتي خرز بلون ذهبي او فضي في القماش , وثم خذي اورجنزا وخليه ينزل على الطرفين الي الارض وخليه طويل نسبيا على الارض .

وممكن تجيبين منسق الورد وخليه يثبت الورد بخط مستقيم على قمة الكوشة وايضا على الطرفين واختاري نوع واحد من الورد فقط .

وروحي محل the one او home center بتحصلين عندهم اكسسوارات حلوة تضيفينها على الكوشة .

حسافة تمنيت لو اقدر اكلمك علشان اساعدك اكثر

والكروت خليهم بسيطين , اعملي كرت صغير بدون الظرف وخلي لون حواف الكرت بلون ذهبي , وفي زاوية الكرت اعملي فتحة ودخلي فيها خرز ( مثل المسباح) .

إن شاء الله اكون ساعدتك .

شكرا اختي الغااليه..

ياليت توضحي لي اكثر عن الكوشه وهل في محلات تسويها لي بسعر حلو

وماقلتي لي ايش ممكن اوزع للناس

الله يوفقك لما يحب ويرضى

السلام علبكم

عن الكوشة اكيد في محلات بيساعدونك والاسعار تختلف من مكان الى آخر وعن شرح مفصل اكثر والله الصراحة ما اعرف كيف .

عن االتوزيع تروحي محلات الشوكولاتة وبتحصلي شوكولاتة مزينة للتوزيع , او انت بتعملي في البيت مثل تحطين قطعة الشوكولاتة في كيس اورجنزا وتوزعينهم وتحطي على الكيس او تطبعين اسمك واسم المعرس او اول حروف من اسميكم .

على فكرة ادا كنت في جدة ممكن اختي تساعدك ........هي متخصصة في الكوش وتباسي التقديم واشياء كثيرة

مبروك ... على الزواج
أسمعي حبيبتي.... أنا من جدة
أنا كنت مسويه غمرتي في قصر فكانت لي زفتين مرة لوحدي ومرة مع زوجي
وماعندي صور أسفة
كوشتي ماأخبي عليك كانت مصمه من محلات الورد يعني جاهزه والسعر واسم المحل والله ماأدري عشان كانت
هديه من بنت عمي
أما بنسبه لي لبسي في الزفة الأولى كنت لابسه لبس سيدات الفراعنة وراياءقال خدم الفراعنة لبسي كنت جايبتو من مصر طبعآ طلعت لوحدي عشان كانت حنتي اسلامي وفي المرة التانيه كنت لآبسه هندي وكانت الزفة مع زوجي
بس مرررررررررررررررررة البس كان فخم عندي لك فكرة تانيه غير الي سويتها أنا هذي كنت ابي اسويها بس
ربي ماأراد شوفي تروحي محلات الجلابيات الفخمة مثل اليشمك تشتري لبس بدوي تراثي وتشتري إكسسوار بدوي طبعآ راح تغطي وجهك بالبرقع البدوي وتنزفي وإنت شايله مبخرة تراثية الي تجيكي بنيه فيها سيفين ونخلة
اظنك عرفتيها اكيد راح يكون فيها فحم وعود وماتكون فاضيه
وإذا تحبي ينزف معاكي بنات تكون اعمارهم 13و14 يكون لابسين زيك بدوي مع مكياج بسيط زي الي في المسلسلات البدويه
وياريت يكونو 4 بنات 2 يكونو شايلين المراوح اليدويه الي من سعف النخيل وحدة تشيل دلة قهوه اثريه مع الفناجين الأثرية وحدة تشيل صحن تراثي فيه أنواع من التمور ترتيبهم راح تكوني الأخيرة قدامك البنات الي ماسكين المراوح اليدوية وقدامهم الي شايلين الدله والتمر وتنزفي على اغنيه بدوية قديمة بس تكون حلوة عشان تناسب مع الأجواء والديكورات وبنسبه للكوشه صمميها على أساس خيمة فيها الأشياء البدويه من بساط احمر من مخدات من فوانيس ........... الخ وإنتي بتنزفي أول مايوصل البنات الي شايلين القهوه مايطلعو الكوشه ينزلو على المعايز يصبو لهم القهوة ويضيفوهم بتمر والبنات الي شايلين المراوح يطلعو وكل وحدة توقف على طرف من الكرسي تبعك وبعد ماينتهو البنات من صب القهوة يطلعو يرقصون قدامك وبس
********** اتنمى تكون الفكرة عجبتك وأناأسفه طولت عليك في الكلام************
********* بس يعلم الله في رغبتي بمساعدتك***********
******* ترى طولت عليك عشان أحب اشرح بتفصيل الممل عشان يكون كل شي واضح*******
الف مبرررررررررررررررررروك مرة تانيه
&& احترامي وتقديري&&
لؤلؤة المطر

انا مرة سويت كوشة غمرة لواحدة طلعت مرة حلوة وبسيطة تنفع لبيت تجيبي قماش تل بلون فستانك او متناسق وتعلقي بالجدار وتنزلي منو ورد بخيوط شفافة ما تبان وبعد كده تجيبي قماش فخم مطرز لبون التل وترميه على الكرسي ولو حابة ضيفي من جهتين الكرسي أشياء تراثية مدهية او على فضي زي ما يلبق على فستانك
اتمنى تعجبك الفكرة

السلام عليكم
زميلتي يوم غمرتها خيطت فستان صيني بذيل لونه فوشي وقيطان ذهبي

وكانت ماسكه مروحه وحاطه مكياج كامل مع تسريحه

ويوم الفرح المكياج لونه نيلي على كحلي بس روعه حتى اني ما عرفتها لأنها ممسده الغره على جنب وما في اي خصله