اشياء حلوه وغريبه...

**احلى وحده بينكم** · 09-11-2005, 01:14 AM

بسم الله الرحمن الرحيـــم...

اهلييييين بنااات كيفكم ؟؟؟انشاءلله تماااااااااااااام...

يابناااااااااااااات ابي الفزعه منكم وانشاءلله ماراح تقصروووون
حنا راح نسوي حفله بسيطه للأطفاااااال ودي نجيب اشياء حلو وغريبه بس ابصراحه ماادري وش اجيب
يعني السنه اللي راحت جبنا مهرجه ونطيطه وقيطار للاطفااااال
وجبنا مكينه فشاار وقطن وبطاطس كرسبي يعني كاااااااااااااااااااااانت اشياء مره حلوه وستانسو الاطفال
هاالمره بنسوي نفس الشي حفله بس ابي اشياء غير اللي جبناها من قبل يالله يابناااااااات تكفون ابي الفزعه ابي كل وحده تدخل وتقوول رايهااااااااااااا....بليززززززززززز

واذا عندكم ارقاااااااااااام مهرجاااات عطوووني .....

اتمنى تفيدوني بااسرع وقت ممكن....ومشكوررررره وجزاكم الله خيرررر

**احلى وحده بينكم** · 12-11-2005, 01:33 PM

لييييييييه كذا؟؟؟

ولا أحد رد على موضوعي ....للأسف والله خيبتو ظني وانا اللي كنت اقول مالي الا اخواتي في منتدى لك بس للاسف 95زائره ولا وحده ردت

**نوارة المكان** · 12-11-2005, 07:20 PM

.. السلام عليكم ورحمة الله وبركاته ..

مرحبنننننننننننننننننننننننننننننننننننننننننننننن نننننننننننننننننن ؟

ولا تزعلين أختي ..

أكيد البنات ماعندهم أفكار غير اللي سويتيه ..

بس أففا عليج ..

نوارة المكان <<<<< أحسن وحدة في العالم : موجودة لخدمتك !!!

شوفي أختي : احلى وحده بينكم << بس أكييييييييييد موأحلى مني !!<< أمزح معاج

المهم ؟؟

إنت ما ذكرتي ايش المناسبة .. بس بشكل عام ..

.. انا أحب آخذ أفكار من قناة المجد .. << أفكارهم تجنن ..

مثلا :
1) سوي بطاقة دعوة ، واكتبي في البطاقة ( نرجو أن يلبس الطفل لون ...... للبنات وللأولاد ..... )
وأنت بعد ألبسي لون يكون طقم مع اخواتج وربعج وأهلج ..

2) حطي نفافيخ ( بالونات ) بنفس لون لبس البنات والصبيان ، طبعا بعد ما تخصصين مكان واسع لهم .
3) حددي أعمار الصبيان والبنات .. وخصصي كذا مسابقة لهم ..
**
أول ما يجون ، فجري على راسهم ( شراخية ) مالت اليهال ، وحطي أناشيد أطفال ترحيبية واللنجاح بتلاقينها في محلات التسجيل ، وخليهم أول شي يلعبون مع بعض ، ويتنططون على الأرض وينشدون ، ويلعبون مع النفافيخ ..

بعدين : ابتدي المسابقات ( سلة الككور الملونة )
* ( اسغماية ) << ترى هذي اللعبة على قدمها ، وايد يحبونها اليهال .
* أو ألعاب قديمة مالت أول < فرصة تعرفين اليهال عليها ..

* جهزي لليهال ( مأكولات بسيطة : كيك فروحة رول ، للبنات ، كيك عبود للأولاد ) مع عصاير حجم صغير ..

* جيبي النفافيخ اللي على طرفها خيط أستيك ، ينططون عليها ..

** وشو بعد ؟؟؟؟؟

* ممكن تجيبين ألوان الرسم على الوجه << مع إني ما أحبها ،
لكن حاولي ترسمين ورود ، أشياء غير حية ..

أيضا ..

ممكن تجيبين بخاخ اللي يطلع خيوط .. <<< عاد بيلعوز بيتكم لكن شنسوي ..

* لا تنسين تعطينهم الهدايا البسيطة ، بتغليفات مميزة ..

ولما تسوين المسابقات لا تنسين الهدايا الرمزية ..

** أوكيه ...

... ** هذا اللي عندي ..

وإن شاء الله تستفيدين ..

ودمتم سالمين ..!!

**احلى وحده بينكم** · 13-11-2005, 04:19 AM

مشكوره اختي نوراة المكاااااااااااااااااااااااان على ردك من جد اسم على مسمى نورتي موضوعي

بس يااختي انا كنت اقصد مو اني اسوي مسابقات لا هذي اكيد شي اساسي و مفروغ منه
انا اللي كنت اقصده ابي وحده اجيبهااااا تسوي حفلات وتسوي اشياء غريبه
قد سمعت عن وحده تسوي شاورما واكلات على الصاج وقدامك انا اقصد زي كذا يعني تكون الحفله للاطفال وللكبار في نفس الوقت....

مشكوره اختي .....

**نوارة المكان** · 15-11-2005, 01:16 PM

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآ آآآآآآآآآآآآآآآآآآآآآآآآآآآآه !!

الحين فهمت ..

بس بصراحة أنا أول مرة أعرف عن هالموضوع ..

إن شاء الله تشوفين أحد يعرف ..

والله ييسر لج ..

ودمتم سالمين

**moon light 2** · 15-11-2005, 09:11 PM

اعتذر اختي الكريمة فليس لدي ارقام مهرجات وعادة الحفل الذي نقوم به للاطفال يكون بسيط
كالمسابقات باشكالها المتعددة كمسابقة حفظ سورة او مسابقات بمسدس الماء او البلالين او
او ترديد جمل وما نحو ذلك .