اتمنى مساعدتكم :(

السلام عليكم ورحمة الله وبركاته
أخواتي اتمنى مساعدتكم ,أختي عرسها قريب (عقبالكم إنشاء الله) لو عندكم افكار غريبة ليوم الفرح تخص الزفة وديكور الصالة, هي تريد يكون كل شي بالذهبي والاحمر.. ومشكورين إنشاء الله

السلام عليكم ورحمة الله وبركاته
اولا احب اقول اختيار موفق للالوان .

للمسرح , اختاري مسرح يكون معظم الالوان اللي فيه بيج , طبعا مايجي مسرح لون واحد سادة , خلي اللون الثانوي اللي فيه ذهبي , والورد اختاري ورد احمر فقط . الورد عادة مايجي ورد خالي , اللي بينسقون الورد يدخلون فيه بعض الاعشاب الخضرة , انتي قولي انك ما تبغين بس تبغين ورد احمر خالي , بيطلع راقي .

لديكور الطاولات , ضعي في الوسط اما اورجنزا او تور ذهبي بطريقة عشوائية , وخلي في وسطه فازة فيها ورد زي الورد اللي في المسرح


و وزعي حوالين الفازة او الإناء شموع ذهبية وحمراء , ونثري معاها شكولاته بحجم صغير على القماشة اللي استخدمتيها , خلي الشوكولاته يكون لونها ذهبي و احمر و اذا مافي لون احمر اشتري حلويات صغيرة موجودة في كل مكان بلون احمر .

وهذه بعض اشكال الفازات با عطيكي كفكرة






في الصورة الاخيرة بتعطيكي فكرة ثانية , انه ممكن تاخذين اناء مثل اللي في الصورة الاخيرة وبتحطين فيه ورد احمر مع شموع ذهبية , وبهذا تلغين الشموع الموزعة على الطاولات و بتوزعين شوكولاته فقط على الطاولة او على القماش.

واذا بتعملين توزيعات للضيوف طبعا بيكون نف الالوان , هذه الفكرة اللي بعطيكي بسيطة بس مش جديدة وانا احبها علشان كذا راح اعطيكي اياها , تعملين مخدات صغيرة من نفس القماشة اللي استخدمتيها على الطاولات وبتحطين فوقها حبة شوكولاته ذهبية وبتربطينهم مع بعض بشريطة حمراء . او بتعملين اكياس اورجنزا صغيرة وتحطين فيهم الشوكولاتة وتعملين نصف الاكياس ذهبية والنصف الآخر احمر .
واذا حصلت لك اي فكرة جديدة راح اقول لك إن شاء الله .
والله يوفقك.