تكفوووووون طلبتكم ابغى أي شي بخصوص هدية تخرج(عبارات، نوع الهدية، فكرة جديدة، تغليفها)

مرحبا بنوتات هذي أول مشاركة لي هنا في المنتدى والي شجعني أسجل بصراحة أكثر شي حب الجميع للمساعدة والافادة بخش بالموضوع على طول..
السالفة ومافيها عندي اخواني اثنين على وجه تخرج وودي اهدي لهم هدية تكون مميزة وابغى عبارات تهنئة للتخرج اكيد معظمكم تخرجت وجاها هدايا من الاهل والاصدقاء او مثلا اهديتي شخص يعز عليك هدية وكتبتي عليها عبارات تهنئة
يعني فضلا لا أمرا ماتبخلون علينا بأي عبارة

ثاني شي << مطولة الاخت خخخخخخ
ياليت الي عندها أي فكرة لهدية تخرج بصراحة احترت وماودي اهدي شي تقليدي وقديم مثل العطورات او الاشكال الي يكتبون عليها الي تشبه الدروع يعني ودي اللي اهدية يكون باقي طول العمر يعني مو شي يستهلك ودي اطبع مثلا صورة على برواز وهذا مجرد مثال عشان اوصل الفكرة بس ومثل مانتم عارفين الولد تحتارين وش بتهدينه مو مثل البنت

وياليت اللي تعرف محلات تغليف هدايا مرة مميزة والا محلات عندهم أشياء جديدة وطبعا في الرياض تقولي عليها تكفون لاتردوني خايبة عشمي فيكم كبيييييير طفشت وانا أدور

فيه محل بالتخصصي جديد كاتبين على لوحتهم انه هدايا لأخي وزوجي ومادري ايش بصراحة نسيت اسمه ماادري اذا احد عنده فكرة والا لا ..

بمشاركتكم ان شالله بيصير الموضوع مرجع مهم للي تحب تستفيد لأني قريت اكثر المواضيع هنا الي مهتمة بالتخرج بس مالقيت الي أبغاه.

مشكلة صغيرونة: وهي اني مااقدر اكتب عربي ماادري ليش صرت اكتب الموضوع بصفحة الوورد وانسخة والصقه هنا ماادري وش المشكلة بالضبط!

والف شكر لكم مقدما ..

حياك الله معنا اختي

شوفي في رابط مفاتيح عربية بالزاوية اليسار تحت اسمك بالصفحة


و بالنسبة للتخرج روحي ركن الحفلات و الهدايا و بتشوفي موضوع مثبت عن التخرج و ان شاء الله تلقي مطلوبك


و اقتراح بسيط ايش اكثر شي يحبونه اخوانك و ما يستغنون عنه؟؟؟


اهديهم هذا الشي و اكتبي عليه عبارة اهداء بمناسبة التخرج و السنة

و ان كان ما ينفع ينكتب عليه جيبي كرت اهداء و اكتبي عليه للذكرى


و احلى هدية ما راح يستغنى عنها طول عمره هو مصحف


في مصاحف فخمة تكون بعلبة ممكن تكتبي بالعلبة من تحت مثلا اهداء من اختك في يوم تخرجك و التاريخ


او احفظ الله يحفظك


و الله يحييك بينا اختي

اخوانك يبغون يتخرجون من الثانوية او الكلية؟؟؟؟؟؟؟؟؟؟

لانه الهدية بتختلف على حسب العمر.........

ممكن ساعات ماركة فخمة خصوصا بالجلد احسها موضة هاليومين بين الشباب......

وان كانوا متخرجين من الكلية لك خيارين..........

يا وظيفة او زوجة

شفتي احلى من هذي الهدايا...........

بالنسبة للعبارة تلقين مجموعة كبيرة عند محلات تغليف الهدايا.......

ليمو وحبوبة تسلمون الله يعطيكم الف الف عافية من جد ماقصرتوا
وبالنسبة لهدايا التخرج من الكلية ياحبوبة شي والله هههههههههه
ربي يجزاكم الجنة على مساعدتكم ..

لوسمحتو ابي اسوي كرت بس ماعرف
ومشكورين مقدما