بنات ساعدوني فحفل التخرح

**هاكونا متاتا** · 01-05-2005, 06:42 PM

يمكن تقولون:وش ذي طايرة

بس لازم أكتب كل التفاصيل قبل مدة كافية

ابغى أسوي لأختي حفلة تخرج من سادس(لأولى متوسط)

بتكون بالحوش
عدد المدعوين9
والأعمار من10إلى14

ولتمر بس أبدعيلها من قلبي

**lemo** · 01-05-2005, 10:12 PM

مبروك النجاح مقدما

ممكن تلقي شي مناسب لاختك في هذا الموضوع حفلات الفرح و المرح

و ان ما حصلتي تابعينا لان بيكون فيه موضوع خاص بحفلات التخرج قريبا

او ممكن تبلغيني اذا في فكرة معينه وودك مساعدة

**حبوبة** · 02-05-2005, 12:20 AM

في البداية لازم تكتبين كل شي ...

يعني الالعاب....الهدايا.....الماكولات....زينة الحفل....بطاقات الدعوة.....

والمنتدى مليان من الافكار الغريبة والمميزة............

**هاكونا متاتا** · 02-05-2005, 09:09 AM

مشكورين على مروركم

والباقين ثنتين يردون من24يدخلون

وإذا تقدرين لوسمحتي شكل هاواي

**lemo** · 02-05-2005, 09:29 AM

حياك اختي

بالنسبة للردود

في ضيوف يمروا بالمنتدى و ما يقدروا يردوا لكن زيارتهم للموضوع تزيد من قراءاته

و في اعضاء يمروا و يعلقوا ان كانوا يقدروا يساعدوا

و في اعضاء يمروا على الموضع سريع ويردون بعدين على فضاوة

يعني بالاخير اقولك وسعي صدرك

بالنسبة للحفلة

فهمت ان ودك بفكرة هاواي؟؟؟

صح او

؟؟

**هاكونا متاتا** · 02-05-2005, 01:16 PM

صح

إذا عندك أفكار

ساعديني

**lemo** · 02-05-2005, 02:02 PM

ان شاء الله

لي عودة بالمطلوب باذن الله

**احمد حسن محمد** · 02-05-2005, 07:09 PM

بسم الله الرحمن الرحيم السلام عليكم ورحمة الله وبركاته لا حول ولا قوة الا بالله جزاك الله خيرا undefined

**lemo** · 13-05-2005, 03:05 AM

بسم الله الرحمن الرحيم

هذي احلى حفلة لاحلى اخت لاحلى عضوة

اول شي الحفلة بتكون بالحوش

نبغى جلسة حلوة

يا سلام لو في بركة سباحة كان يطلع شي خطير

بس برضك ممكن نجيب بركة سباحة مطاطية صغيرة بتعطي جو للحفلة

و نحط فيها قوارب صغنونة فيها شمع و ننثر فيها ورد و نعطر الموية

و يكون الاكل باربكيو( شوي )جنب البركة

هذا لو في احد كبير يمسك الموضوع

اما لو ما في حد كبير ممكن تسوي بوفيه مرة حلو و ناعم

حفل خاص محتاج لبس خاص

اما انك تجيبي تيشرتات زي اللي بالصورة اللي تكون منقشة بورد ابيض

او انك تسوي اللبس بنفسك

فلو ممكن تسوي للبنات اطواق ورد و اساور و تيجان و تنانير مثل هذي راح ينبسطوا كثييييييير

ممكن تروحي محل ورود صناعية تشتري منه و تسويها بنفسك بالبيت او ممكن تخلي عمل هذي الاشياء

كنشاط من انشطة الحفل فكل ما وصلت وحدة من البنات تاخذيها لركن هاواي تجهز اكسسوارها بنفسها

ممكن كمان تعملي حسابك و تجيبي لهم صنادل بحر مثل هذي يزينوها بنفسهم او تكون مزينه جاهزة

هدية الحفل ممكن تكون كذا

او انك تجيبي ورق كرنيشن اخضر تلفي فيه الهدية و تربطيها بخيط خيش

و تكون الهدية عبارة عن ربطة شعر مثلا او بروش مناسب لفكرة الحفل مع قطعة من الحلوى

بالاضافة لاحتفاظ البنات بجميع بملابس الحفل و ا لاكسسوارات و ما صنعنه بايديهن

بالنسبة للطاولة فممكن تجيبي اطباق ملائمة للحفلة

و الشوك و السكاكين و الملاعق ممكن يكونوا سادة لكن تثبتي على يد كل منهم وردة صغيرة

و اهم شي تكون الالوان قوية و تحسسك بالوان هاواي

هذي الاكواب ممكن تقدمي فيها العصير و ان ما لقيتي شي مناسب ممكن تغلفي اكواب ورقية بورق ملون بني اللون

عشان تكون شبه جوز الهند و اهم شي و اكيد راح تحصليه بالسوق هو المظلات الصغيرة اللي يحطوها بكوب

العصير

طالما الحفل بيكون برا فالزينة بتكون باللبس و ترتيب الطاولة و شوية بالونات و حوض السباحة

ممكن تملي حوض السباحة الصغير بالرمل بدل الموية و تحطي فيه شكل نخلة مثلا عشان يصير الحوض كانه جزيرة

و تخبي فيه هدايا صغيرة او اصداف او احجار ملونة و تخلي البنات يلعبوا لعبة البحث عن الكنز المدفون بالجزيرة

و ممكن يلعبوا بالهولا هوب الحلقة اللي يلفوها على خصرهم و تقسمي البنات على ثلاث اقسام يلعبوا كل ثلاث بنات

سوا و اللي تفوز فيهم تلعب مع البنتين اللي فازوا في المجموعتين الثانين

و ممكن يلعبوا لعبة جوزة الهند

تجيبي جوزة هند يا حقيقية يا لعبة و يجلسوا البنات في حلقة على الارض و ظهورهم للداخل و تشغلي نشيد

و يلفوا البنات الجوزة بينهم و اللي توقف الموسيقى و الجوزة عندها تاخذ هدية بسيطة او حلاوة و بعدين يكملوا

اللعب و اللي تفوز مرتين تطلع من الحلقة عشان يفوزوا باقي البنات لحد ما كلهم ياخذا هدية او حلاوة

نسينا نتكلم عن بطاقات الدعوة

ممكن تسويها بشكل قميص هاواي المميز و اهم شي ترسليها قبل الحفلة بوقت كافي

او تطبعي صورة جزيرة من النت او صورة لهاواي و ترسليها كبطاقة بعد كتابة الدعوة

اتمنى تعجبك ترتيبات الحفلة و الف مبروك النجاح مقدما