السلام عليكم الغاليات

اشجالكم ان شاء الله بخير ,,

في هالموضوع حبيبت اني احط لكم تفصيل كامل ودقيق ان شاء الله لكيفية لف الورق بدون الاداة الخاصة بذلك ,, واللي حطيت لكم درس اولي عن الفكرة وانواع اللفات الاساسية في هذا العمل في هذا الموضوع

http://www.lakii.com/vb/showthread.php?t=507017

والخطوات ان شاء الله انها سهلة وبسيطة للجميع ,,,

1- لاني ما عندي اوراق خاصة بلف الورق ,, لكن عندي اوراق ملونة الخفيفة واللي تلاقونها ناعمة مب خشنة يبت مسطرة وقست تقريبا اقل عن نص سم كعرض للورقة اما الطول فهو طول الصفحة وقصقصت لي كم حبة عسب اقدر اشتغل لكم عليه ,, وهاي صورة وحدة من الشرايح ,,



2- نمسك طرف الشريحة وعلى قد ما نقدر نحاول انا نبدأ بلفها بس نحاول انها تكون صغيرة يعني حجم اللفة تكون اصغر شي نقدر عليه



3- ها شكل اللفة اشلون المفروض تكون طبعا اللي يقدر يصغرها اوكي ,, ومثل ما قلت لكم انا ما عندي الاداة فألف بإديني,,



4- الحين في حالتين ممكن انا نحطي اللزق في الطرف ها ونلصق وخلاص ..





او انا نحطي اللفة على الارض ونخليها تفتح اشوي بالحجم اللي نباه بهاي الطريقة وعقب ما نوصل للحجم اللي نباه نلصق وخلصنا





انا اعتمدت الشكل الثاني طبعا ,,

5- الحين لو نبا نسوي اول شكل في الموضوع الماضي اللي هو شكل الدمعة لازم نمسك اللفة بهاي الطريقة ..



علشان يظهر عندنا هالشكل (( الدمعة ))



والله يعتبر هو اهم شكل واللي تنبثق منه باقي الاشكال ,,

**********************************

^

^


^

يتبع >>>>

الحين راح احط لكم باقي تطبيقي على الاشكال اللي في الدرس الماضي .. واللي اتمنى من الله انه كان مفيد لكم شرات ما اتمنى ان الدرس هذا يقدم الاستفادة المرجوة منه ,,,

( الورقة التويجية )



تقريبا يكون شكلها جي بس بعد مب مضبط وايد ..



**********************

(شكل العين )



*********************

( ورقة الشجر )



******************

( الهلال )



********************

( المثلث )



********************

( الزنبق )



*********************

( اذن الارنب )



*********************

( النجم )



*********************

( المربع )



************************

*

*

*

يتبع >>>>

( ورقة الياس البري )

والله اناحاولت على قد ما اقدر اني اضبطها بس للاسف حاليا ها اللي طلع معاي ان شاء الله بشتغل عليها بعدين



*************************

( القلب المسكر )



وهاي طريقة عمله ,,,





نطبقها من النص بالتساوي ,,



لازم الزاوية تكون بهاي الطريقة حادة

ونلف الورق من الطرفين للداخل ,, وعقب نفك الورق لين ما ياخذ الشكل المناسب واللصق ويظهر لنا شرات الصورة اللي فوق ,,

اتمنى من الله ان الدرس يكون مفيد للجميع ان شاء الله واحب اشوف تطبيقاتكم عليه ومشاركاتكم القيمة ,,

والله يوفقكم وييسر لكم الخير ان شاء الله دنيا واخره

@ اختكم في الله @

ام ناصر

بارك الله فى جهودك ورزقك الجنه

السلام عليكم الغالية

تسلمين حبيبتي واياكم ان شاء الله والله يوفقج وييسر لج الخير ان شاء الله دنيا واخره

@ اختكم في الله @

ام ناصر

ما شاء الله تسلم ايدكى غاليتى
دروس وتطبيقات متميزة

التزيين الجزء الممتع دائما

تسلمى حبوبه .. الله يرزقك الجنه

كتبت بواسطة ام بودى2

ما شاء الله تسلم ايدكى غاليتى
دروس وتطبيقات متميزة

السلام عليكم الغالية

الله يسلمج الغالية اهم شي الاستفادة ان شاء الله والله يوفقج وييسر لج الخير ان شاء الله دنيا واخره

@ اختكم في الله @

ام ناصر

كتبت بواسطة Rana363

التزيين الجزء الممتع دائما

تسلمى حبوبه .. الله يرزقك الجنه

السلام عليكم الغالية

اكيد فديتج احسن شي التزيين المشكلة ان عندي مشكلة فيه لان ينقصني بعض الذوق ما شاء الله علي بس ان شاء الله تنحل المشكلة مع التدريب ,, والله يوفقج وييسر لج الخير ان شاء الله دنيا واخره

@ اختكم في الله @

ام ناصر

الله يعطيك الف عافية

وهذه صور من تطبيقي