بنات جبتلكم فكره ماهي جديده مره...بس عشاني جربتها وعشت الواقع صايره بالمره حلوه..........

الفكره هي سياحه داخليه 100% على شاطئ البحر...حتى لو انت في الرياض........

اقولكم على الفكره:

فرغي غرفه عندك حتى لو تكون الصاله بس حبذا لو تكون سيراميك..لا يكون فيها أي اثاث شيله في أي حته.. احكي شو سويت:

جيبت مناظر للبحر غالبا تلاقين الاسمطه البلاستيكيه القويه ( اتوقع عرفتوها) المهم علقتها على الجدران بطريقه حلوه وركن من اركان الجدار لما علقت عليه المنظر البحري خليت فوقه النجوم الفسفوريه وهلال جمبها جبت تل سماوي وغطيت به بعض الاثاث الي ما حركة وما اثر على المكان........

بعدين جبت مسبح بلاستيك وسط ولونه سماوي مليه ماءو حطيت عليه نقاط من الزيوت العطريه ونثرت عليه اوراق بلستيكيه صغيره بعضها مسك في الارضيه وبعضها طفى على الماء... وجبت من ابو ريالين البلاستيكات المربعه الي كانها زرع اخضر وحطيت على جوانب المسبح وبعضها خليته ممر وهالممر حطيت عليه لمبات صغيره خضراء من ابو ريالين وعلى شكل ورد اخضر فضيييييييعه بعدين عن مسافه بعيده شوي عن المسبح حطيت بساط وعليه سله خوص كبيره وحطيت فيها القهوه والفناجيل والعده الباقيه ومعمول تمر ومويه كاسات ومناديل ...... وجبت تكيه والمسنده حقت البر وبجنب البساط بشوي فرشة سماط على شكل نص دائره وفي وسطه تراب رشيت التراب بشوي مويه عشان الريحه وعشان الشكل وحطيت فوقه منقد شوي صغير حاطه عليه قصدير وثلاث شمعات حمر دوائر حقات الفواحه .عشان يوحي لك انه نار وشوي وحطيت عليها الشوليه الحديد.....طبعا الستاره سكرتها وحطيت عليها الاشجار الطويله الخضراء....وفوق المسبح حطيت كشاف عشان الانوار مطفيه وعلى الممر الاخضر حطيت حجر من ابو ريالين ودخلت فيه كشاف والكشاف هذا يسطع على المنظر البحري وحطيت عصفور بلاستيكي على غصن شجره ويغرد كل شوي وبصدى عالي ( طبعا حرقت راسه) خليت الاضاءه خافته بس فيه اباجوره بلون سماوي اذا مل من الجو نبي اضاءه قويه شغلتها ....تل ازرق لبست على حاجز متحرك عندي وخليت عند مدخل الباب وكتبت على الحاجز: شاليه خمس نجوم فئه أ...
من يفتح الباب يلاقي الحاجز..........

طبعا حطيت عند المسبح كرسي بلاستيكي ابيض ضغير مره عليه منشفتين سماوي واصفر وعليه ملابس السباحه.. وعنده طاوله صغيره بيضاءعليها تل سماوي وعليها عصيرين برتقال طبيعي بمزاز وقطعة برتقاله على جنب.... طبعا جبت العشاء وهومشويات ....بعدين جبت مسجل وسجلت فيه امواج البحر وجه كامل..
عطى جو رهيييييييييب ...زوجي ذاك اليوم مرهق وعارفه ان ما يجي الا في الليل .لما دخل والله يقول ما صدقت عيوني خاصه المسبح شي خيال ......لا وكان معصب علي رفعت ظغطه كل شوي ادق عليه وين فيه في أي شارع ؟؟؟ طبعا اللبس تلبسين مثلا بنطلون سماوي وترفعينه لحد الركبه وصديري سماوي ابيض أي شي ونظاره زرقاء وقبعه كبيره زي الخوص سماويه............طبعا غير تبخير الغرفه وتعطيره وووووووووووو

طلعتي للبحر وانت في بيتك وخصوصيه ما بعدها خصوصيه اسبحي وطافشي على كيفك ( يازين تعبيري واضح انها من الرياض ما عندهم بحر)


هااااااااااااااااااااااااه شو رايكن في الرحله البحريه بلى ماليزيا بلا غيرها رحله ماتنسى..

ملاحظه الاعداد لهذه الرحله قد يتطلب وقت اذا هو الي يوديك للسوق اذا مو هو عادي غير مكلفه ..

أي استفسار؟؟؟على بالي مكتب سياحي..................انتظركم

سهرة رائعة .. الله لا يحرمكم من بعض

جد تخيلت نفسي على البحر و أنا أقرأ كلامك

بس لو أنك مصورة الغرفة و ضايفة الصورة كان يصير الموضوع خياااااااالي

فكره لذيذه فعلا
ربنا مايحرمنا من افكارك الحلوه

تسلامووووووووووووووون
الله يعطيكم الف عافيه
واصور اجبلكم امثله انشاء الله

انهافكره جميلة جدا لكن كان ينقصها الصوره لكن بعد اذنك اختى اذا كررتى هذه الفكره الرائعه فرجائى لتصوريها لنا حتى نراها عملى وعلى اى حال مشكوره اختى

الله يهنيج على الفكره الراااااااائعه

اشكر ولو بالصور احسن

فكرة حلوة ،،، لكن بالصور أحسن

شكرا لك ياعسل على الفكرة الحلوة

صحيح إعدادتها تأخذ وقت بس والله الفكرة تستاهل