يا بنات بالله عليكم ساعدونى كيف ازرع الصبار ؟؟؟؟؟؟؟؟؟؟؟

مرحبا
يا بنات اللى عندها فكره عند زراعه الصبار تقولى عليها
لانى جبت من كام يوم صبار وكان بجذوره وحطيته فى التربه عندى فى المنزل بس معرفش ليه يا دوبك 5 -6 ايام وبدا يعفن مع انه معرض للشمس طول النهار .... انا كنت جايباه ازرعه وكان عندى امل انه يكبر عشان استخدم الجل اللى فيه لانه مفيد جدا للشعر

ودى صوره فصيله الصبار اللى عندى

وجزاكم الله كل خير على هذا القسم الرائع <<<<<لسه مكتشفاه اول امبارح

ان شاء الله البنات يفيدونج

بسم الله الرحمن الرحيم
الاخت / كتكوتة المنتدى
السلام عليكم ورحمة الله وبركاته
لقد طلبت الرد من بنات المنتدى وعادة أفضل الرد على الأسئلة الموجهة لي شخصياً أو العامة الغير محددة ولكن نظراً لمرور فترة من الوقت ولم ترد عليك أي من بنات المنتدى فوجدت لزاماً على أن أرد نظراً لمسئوليتي الأدبية كاحد مشرفي الركن .
أولاً : نوع الصبار اسمه aloe ( ألوي )
ثانياً : سبب تعفن الصبار هو الري الزائد أو سوء الصرف أو وصول الماء إلى قلب النبات والبقاء داخله فترة طويلة .
ثالثاً : الري خلال الخريف والشتاء يجب لأن يكون بكمية أقل من الصيف وعلى فترات متباعدة بحيث تكون التربة جافة بين الرية والرية التالية .
رابعاً : لو وجهت سؤالك بعد ذلك للبنات تحديداً فسوف أترك سؤالك للبنات للرد عليه .

متشكره جدا يا استاذ محمد
انا بصراحه مكنتش اعرف القسم ده الا من 3 ايام بس ومعرفش المشرفين اللى فيه عشان كده طلبت من البنات عشان متعوده اطلب منهم ... بس حضرتك كفيت ووفيت فجزاك الله كل خير
وبما ان حضرتك اهل للعلم فى الموضوع عاوزه استفسر عن حاجه تانى تخص النبات
بالنسبه للرى انا اول ما جبته حطيته فى تربه مش رمليه بالعكس كان طريه اوى وبها سماد (روث الحيوان )لانها كانت مطرح زرعه تانيه عندى .... ولاقيتها طريه ومش محتاجه مايه فحطيت الصبار فيها وغرسته فيها من غير ما احط مايه وحطيته فى البلكونه وكان معرض للشمس طول النهار ومع ذلك بدء يصفر ويعمل طفح لونه بنى فى ورقه الصبار .....ايه السبب

بسم الله الرحمن الرحيم
الأخت / كتكوتة المنتدى
السلام عليكم ورحمة الله وبركاته
من الواضح أن التربة التي تم زراعة الصبار بها لم تكن مناسبة لذا أنصح بإزالة الأوراق التي ظهرت عليها البقع البنية ثم إعادة زراعة الصبار في تربة جديدة بها 50% رمل مع الري مرة واحدة في الاسبوع .

جزاك الله كل خير
هغير التربه واخبرك بالنتائج باذن الله